1 PETER 3:19 - Edisana ñwed Abasi Ibom

¹⁹ Ke Spirit ke Enye okonyuŋ aka ɔkɔkwɔrɔ ikɔ ɔnɔ mme spirit ke itie-ŋkpɔkɔbi,

1 PETER 3:19 ပူးပေါင်းရင်းမြစ်များ

NEHEMIAH 9:30

Edi afo eme ime ye mmɔ ediwak isua, onyuŋ ada spirit fo asua ɔnɔ mmɔ ke ubɔk mme prophet fo: edi mmɔ ikpaŋke utɔŋ. Ndien afo emen mmɔ esin mbio mme idut ke ubɔk.

ISAIAH 42:7

man atat enyin eke ekimde, onyuŋ osio mbon ŋkpɔkɔbi ke ufɔk ukwak, osio mmɔ eke etiede ke ekim efep ke ufɔk ebuka.

ISAIAH 49:9

man afo ɔdɔhɔ mbon ŋkpɔkɔbi, ete, Mbufo ewɔŋɔ; ye mmɔ eke edude ke ekim, ete, Eyarare idem mbufo. Mmɔ eyeta mbiet ke ɔkpɔ-usuŋ, mbiet mmɔ eyenyuŋ odu ke kpukpru iferi obot.

ISAIAH 61:1

SPIRIT Ɔbɔŋ Jehovah odoro mi: koro, Jehovah emeyet mi aran onim, man mbuk eti mbuk nnɔ mbon nsuk-esit; ɔmɔdɔŋ mi, ete mbɔp mmɔ eke esit mmɔ ɔbuŋɔde, ŋkwɔrɔ uwɔrɔ-ufin nnɔ mbuot ekɔŋ, ŋkwɔrɔ nsana-nyak nnɔ mmɔ eke ekɔbide;

1 PETER 3:18

Koro Christ ŋko-ŋko ama akpa kabaŋa mme idiɔk-ŋkpɔ ini kiet, Edinen owo ke ibuot mmɔ emi minenke, man Enye ada nnyin ɔsɔk Abasi: ewot Enye ke obukidem, edi enam Enye edidu uwem ke Spirit.

1 PETER 3:20

kpa mmɔ emi eketutde utɔŋ ke eyo oko, ke adaŋemi anyan ime Abasi etiede ebet ke eyo Noah, tutu ema ebɔp ark, eke owo emi miwakke, oro edi owo itiaita, esaŋade ke esit ebe ke mmɔŋ ekut erinyaŋa;

1 PETER 4:6

Koro ekekwɔrɔ gospel enɔ kpa mme akpa-mkpa kabaŋa emi, man edikpe ikpe ye mmɔ nte mme owo eke ekodude ke obukidem edi ekpedu uwem ke spirit, nte Abasi ɔnɔde item.

ERIYARARE 19:10

Ndien nduɔ Enye ke ukot, nte ntuak ibuot nnɔ enye. Edi enye ɔdɔhɔ mi ete, Kunam: ndi asaŋutom ye afo ye nditɔ-ete fo emi enyenede ikɔ-ntiense Jesus: tuak ibuot nɔ Abasi. Koro ikɔ-ntiense Jesus edi spirit prophecy.

ERIYARARE 20:7

Ekem ke ini tɔsin isua ema ebe eyekpɔhɔre Satan ke ŋkpɔkɔbi esie esana enye eyak;