1 PETER 3:18 - Edisana ñwed Abasi Ibom

¹⁸ Koro Christ ŋko-ŋko ama akpa kabaŋa mme idiɔk-ŋkpɔ ini kiet, Edinen owo ke ibuot mmɔ emi minenke, man Enye ada nnyin ɔsɔk Abasi: ewot Enye ke obukidem, edi enam Enye edidu uwem ke Spirit.

1 PETER 3:18 ပူးပေါင်းရင်းမြစ်များ

DANIEL 9:26

Ndien adaŋemi urua ata ye iba ekurede, eyesibe Messiah efep, edi ibaŋake idem esie; ndien ikɔt ɔbɔŋ emi edidide eyebiat obio ye edisana ebiet; ndien utit esie eyedi ke mmɔŋ ukwɔ; ndien ewuk ete nsobo odu tutu osim ke utit ekɔŋ.

ZECHARIAH 9:9

O adiaha Zion, dat esit eti-eti; sio mkpo idara, O adiaha Jerusalem: sese, edidem fo eyedi ke ɔtɔ fo; enye enen, onyuŋ onim idem ke andinyaŋa; enye edi suŋ-suŋ, onyuŋ odoro ke ass, ye ke abak ass, eyen uman ass.

NUMBERS 7:15

abak enaŋ kiet, ye okukim kiet, ye eyen erɔŋ isua kiet, ke edifɔp uwa:

MATTHEW 27:19

Edi ke adaŋemi enye etiede ke itie-ikpe, ŋwan esie ɔdɔŋ edidɔhɔ enye ete, Kusaŋa ŋkpɔ ye eti owo emi; koro mma ŋkut ukut eti-eti ke ndap mfin emi mbaŋa Enye.

MATTHEW 27:24

Edi ke ini Pilate okutde ete, imɔ ikemeke ndinam ndomo ŋkpɔ kiet, edi utu ke oro ndutime edidu, enye ada mmɔŋ eyet ubɔk ke iso otu owo, ete mmɔ, Nsaŋake ŋkpɔ ke iyip eti owo emi: mbuhehe mbufo edi oro.

JOHN 16:10

abaŋa edinen ido, koro nnyɔŋde ntiene Ete, mbufo midinyuŋ ikwe Mi aba;

UTOM MME APOSTLE 22:14

Enye onyuŋ ɔdɔhɔ ete, Abasi mme ete nnyin omonim fi ete ɔfiɔk uduak Imɔ, onyuŋ okut Enye emi enende, onyuŋ okop ikɔ eke otode Enye ke inua.

UTOM MME APOSTLE 3:14

Edi mbufo ekaŋ Enye emi asanade onyuŋ enende, enyuŋ ebeŋe ete eyak owo obom enɔ mbufo, enyuŋ ewot Ɔbɔŋ uwem;

ŊWED MBON ROME 1:4

edi ke spirit Esie emi edide ata edisana, eriset emi Enye esetde ke mkpa ama owut ke odudu ete Enye edi Eyen Abasi); kpa Jesus Christ Ɔbɔŋ nnyin

ŊWED MBON ROME 4:25

emi ekeyakde enɔ kabaŋa ndudue nnyin, ekenyuŋ enamde Enye eset, man ikpe etebe nnyin.

ŊWED MBON ROME 5:2

Ndien oto ke Enye ke nnyin ikasaŋa ke mbuɔtiden iduk ke itie mfɔn eke nnyin idade ke esit, imonyuŋ ibure mbure ke idori-enyin ubɔŋ Abasi.

ŊWED MBON ROME 8:11

Edi edieke Spirit Abasi emi akanamde Jesus eset ke mkpa oduŋde ke esit mbufo, Enye emi akanamde Christ Jesus eset ke mkpa eyenyuŋ anam ikpɔhidem mbufo emi enyenede ndikpa edu uwem, oto ke Spirit Esie emi oduŋde ke esit mbufo.

ŊWED MBON ROME 8:3

Koro se ibet mikikemeke ndinam, ke emi obukidem esinde enye edi mmem-mmen, Abasi akanam; ke emi Enye osiode Eyen Esie ɔdɔŋ ke mbiet obukidem idiɔk-ŋkpɔ, onyuŋ adade Enye nte isop, anam ikpe obiom idiɔk-ŋkpɔ ke obukidem Esie:

2 ŊWED CORINTH 1:24

Idige nte nnyin idedi mme andikara mbufo ke ŋkpɔ mbuɔtidem, edi nte idedi mme andiŋwam mbufo ndiyene idaresit. Koro ke mbuɔtidem ke mbufo edada.

2 ŊWED CORINTH 13:4

Koro ekowot Enye ke cross ke mmem-idem, edi Enye ke odudu uwem ke emi ke odudu Abasi. Nnyin nde idi mmeme ke Enye, edi iyeda odudu Abasi isaŋa ye Enye idu uwem inɔ mbufo.

2 ŊWED CORINTH 5:21

Abasi akanam Enye emi mikɔfiɔkke idiɔk-ŋkpɔ akabare edi idiɔk-ŋkpɔ ke ntak nnyin; man nnyin ikabare idi edinen ido Abasi ke Enye.

ŊWED MBON GALATIA 1:4

Emi akayakde Idem Esie ɔnɔ kabaŋa mme idiɔk-ŋkpɔ nnyin, man Enye akpanyaŋa nnyin osio ke idiɔk eyo emi odude ke emi, nte ekemde ye se Abasi ye Ete nnyin aduakde:

ŊWED MBON GALATIA 3:13

Christ akafak nnyin osio ke isuŋi ibet emi odorode nnyin, sia Enye amakabare edi ŋkpɔ isuŋi ke ibuot nnyin; koro ewetde ete, owo eke eyiride ke eto edi ŋkpɔ isuŋi Abasi;

ŊWED MBON EPHESUS 3:12

ke Enye ke nnyin inyuŋ inyene esit ndisaŋa ŋkpere Abasi ye uko, oto ke mbuɔtidem eke nnyin inyenede ye Enye.

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

MME HEBREW 10:10

Ema eda uduak emi enam nnyin isana ke eriwa emi Jesus akawade ikpɔhidem Esie ini kiet.

MME HEBREW 9:14

ŋwaŋwaediso ke iyip Christ, emi ke odudu nsinsi Spirit akawade Idem esie ɔnɔ Abasi nte ata edisana uwa, ediyet esit mbufo, anam mbufo ebɔhɔ utom mkpa, enyuŋ enam ŋkpɔ enɔ Abasi uwem.

MME HEBREW 9:26

sia akpanade nte Enye akpa ediwak ini toto ke eritɔŋɔ ererimbot; edi ke emi, ke ukperedem eyo emi, emayarare Enye ini kiet kpɔt, man Enye emen mme idiɔk-ŋkpɔ efep ke eriwa emi Enye awade Idem Esie.

MME HEBREW 9:28

kpa ntre ŋko Christ, ke ekewade Enye ini kiet ete obiom idiɔk ŋkpɔ ediwak owo, eyetɔŋɔ ntak ɔbiɔŋɔre; edi Enye ididige ndinyene mbubehe ye idiɔk-ŋkpɔ, edi edidi ndinyaŋa mmɔ emi etiede ebet Enye.

JAMES 5:6

Mbufo emebiom edinen owo ikpe, emewot enye; enye iŋwanake ye mbufo.

1 PETER 3:19

Ke Spirit ke Enye okonyuŋ aka ɔkɔkwɔrɔ ikɔ ɔnɔ mme spirit ke itie-ŋkpɔkɔbi,

1 PETER 4:1

SIA Christ okokutde ukut ke obukidem, mbufo nde eda ekikere emi esine nte ŋkpɔ-ekɔŋ esɔŋɔ idem mbufo esit; koro enye emi okokutde ukut ke obukidem ama adianare ke idiɔk-ŋkpɔ ama;

1 PETER 4:6

Koro ekekwɔrɔ gospel enɔ kpa mme akpa-mkpa kabaŋa emi, man edikpe ikpe ye mmɔ nte mme owo eke ekodude ke obukidem edi ekpedu uwem ke spirit, nte Abasi ɔnɔde item.

1 JOHN 1:9

Edieke nnyin iyararede mme idiɔk-ŋkpɔ nnyin, Enye edi anam-akpanikɔ onyuŋ enen, ete ifen mme idiɔk-ŋkpɔ nnyin, inyuŋ iyet nnyin isana ke kpukpru mme ukwaŋkpɔ.