1 PETER 3:16 - Edisana ñwed Abasi Ibom

¹⁶ etiŋ enyin enyene esit eke asanade, man ke nde eke etiŋde ŋkpɔ edian mbufo, mmɔ eke esuede eti uwem mbufo ke Christ ekpadia but.

1 PETER 3:16 ပူးပေါင်းရင်းမြစ်များ

DANIEL 6:4

Ndien ikpɔ owo ye mbɔŋ oro esin ubɔk eyom ndikut ikɔ eke ekpedoride Daniel ke edem ŋkpɔ obio; edi mmɔ ikemeke ndikut baba ŋkpɔ kiet ye idiɔk ido kiet eke ekpedoride enye, koro enye edide owo akpanikɔ, ndien mmɔ ikwe baba ndudue kiet, ye baba idiɔk ido kiet eke ekpedoride enye.

MATTHEW 5:11

Ɔfɔfɔn ɔnɔ mbufo ke adaŋemi owo edisuŋide mbufo, enyuŋ enam mbufo isin-enyin, enyuŋ etiŋ kpukpru oruk idiɔk-ŋkpɔ ke nsu edian mbufo kabaŋa Mi.

UTOM MME APOSTLE 24:16

Ntem ke ŋwana kpukpru ini ndinyene esit eke minyeneke se eduede Abasi ye owo.

UTOM MME APOSTLE 28:22

Edi iyom ndikop se ekerede ke inua fo: edi ama edi ŋka emi, nnyin imɔfiɔk ite mme owo etiŋ ŋkpɔ ebiat enye ke kpukpru ebiet.

ŊWED MBON ROME 9:1

MMETIŊ akpanikɔ ke Christ nsuhu nsu, esit mi onyuŋ etiene mi edi ntiense ke Edisana Spirit, ete,

2 ŊWED CORINTH 1:12

Koro mbure eke nnyin iburede edi emi, kpa ikɔ-ntiense emi esit nnyin etiŋde ete, nnyin ikasaŋa ke edisana ido ye akpanikɔ Abasi idu uwem ke ererimbot; isaŋake ke ikike eke obukidem, edi ke mfɔn Abasi; inyuŋ isaŋa ntem idu uwem ke otu mbufo ikan.

2 ŊWED CORINTH 4:2

edi imakpaŋa nsa ye ndibe-ndibe ido eke enyenede but, isaŋake ke ŋkari, inyuŋ idaha nsu ibuak ye ikɔ Abasi; edi ke erisian se idide akpanikɔ aŋwa-aŋwa, ke inam kpukpru owo efiɔk ke esit mmɔ, ete nnyin inanam se inende ke iso Abasi.

1ŊWED TIMOTHY 1:19

Yire mbuɔtidem ye eti esit kama; koro ndusuk owo ema etop enye eduɔk enyuŋ ewure ke uwem mbuɔtidem.

1ŊWED TIMOTHY 1:5

Edi mma nnɔ uyo emi, man oto do mmɔ enyene ima eke otode ke edisana esit, ye esit eke midiɔŋɔke idiɔk ke idem esie, ye ata mbuɔtidem.

2 ŊWED TIMOTHY 1:3

Mmɔkɔm Abasi, emi ntienede mme ete mi nnam ŋkpɔ nnɔ Enye ke edisana esit, sia mmendopke nditi fi ke akam mi ke okoneyo ye ke uwemeyo;

TITUS 2:8

ye ekikere eke odobide, ye nti ikɔ eke owo mikemeke nditiŋ ndian; man but anam mmɔ emi ebiɔŋɔde nnyin, kemi mmɔ minyeneke se etiŋde edian nnyin.

MME HEBREW 13:18

Ebɔŋ akam ebaŋa nnyin; koro nnyin imobure ifiɔk ite, imenyene esit emi mibiomke nnyin ke baba ŋkpɔ kiet, imonyuŋ iyom ndidu uwem nte ɔfɔnde ke kpukpru usuŋ.

MME HEBREW 9:14

ŋwaŋwaediso ke iyip Christ, emi ke odudu nsinsi Spirit akawade Idem esie ɔnɔ Abasi nte ata edisana uwa, ediyet esit mbufo, anam mbufo ebɔhɔ utom mkpa, enyuŋ enam ŋkpɔ enɔ Abasi uwem.

1 PETER 2:12

Ekama idem nte odotde ke iso mme Gentile, man ke nde eke mmɔ etiŋde ŋkpɔ ebiat mbufo ete edi mme anam-idiɔk, mmɔ ekpada nti ido mbufo, emi edikutde ke ini eke edide ndidomo mbufo nse, enɔ Abasi ubɔŋ.

1 PETER 2:15

Koro Abasi aduak ntem ete, mbufo eda nti ido ekibi inua mbon ndisime, eke mifiɔkke se mmɔ etiŋde.

1 PETER 2:19

Koro edi se inemde Abasi esit, edieke owo obiomde ndutuhɔ onyuŋ ɔbɔde ufen eke midotke, kabaŋa erifiɔk eke enye ɔfiɔkde Abasi.

1 PETER 3:21

mmɔŋ eke ebietde mmɔŋ oro ke eda enyaŋa mbufo ke emi, oro edi baptism, emi midige eriyet ɔkɔp ikpɔhidem mfep, edi edide eribeŋe eke nnyin ibeŋede Abasi anam nnyin inyene edisana esit ke iso Esie, oto ke eriset Jesus Christ;

1 PETER 4:4

ndien idem akpa mmɔ oro, ke emi mbufo minyimeke aba ndisaŋa ye mmɔ nduk ke ɔkpɔsɔŋ otime uwem oro, mmɔ enyuŋ esuŋi mbufo.