1 PETER 3:11 - Edisana ñwed Abasi Ibom

¹¹ Yak enye ɔwɔŋɔre ɔkpɔŋ idiɔk, onyuŋ anam eti; Yak enye oyom emem, onyuŋ ebine enye.

1 PETER 3:11 ပူးပေါင်းရင်းမြစ်များ

ŊWED JOB 1:1

OWO kiet, ekere Job, okodu ke isɔŋ Uz: ndien owo oro ɔfɔn ama, onyuŋ enen, onyuŋ abak Abasi, onyuŋ afara ke idiɔk.

ŊWED JOB 2:3

Ndien Jehovah ɔdɔhɔ satan, ete, Nte afo omotim ese owo mi Job? Koro owo eke ebietde enye miduhe ke ererimbot, ɔfɔn ama, onyuŋ enen, onyuŋ abak Abasi, onyuŋ afara ke idiɔk; enye onyuŋ osuk omum mfɔn-mma esie akama; ndien afo ama esin mi nsobo enye ke minyeneke ntak.

ŊWED JOB 28:28

Ndien Enye ɔdɔhɔ owo, ete, Sese, ndibak Ɔbɔŋ edi eti ibuot, ndinyuŋ ŋkabare ŋkpɔŋ idiɔk edi asian.

ŊWED MME PSALM 125:4

O Jehovah, fɔn ido ye mmɔ eke efɔnde, ye mmɔ eke esit mmɔ enende.

ŊWED MME PSALM 34:14

Wɔŋɔre kpɔŋ idiɔk, nyuŋ nam eti: yom emem, nyuŋ bine enye.

ŊWED MME PSALM 37:27

Wɔŋɔre kpɔŋ idiɔk, nyuŋ nam eti; ndien duŋ ke nsinsi.

MME ŊKE 16:17

Ɔkpɔ-usuŋ nti owo edi edikabare ŋkpɔŋ idiɔk: owo eke ekpemede idem otim ese usuŋ esie.

MME ŊKE 16:6

Ima ye akpanikɔ esio isop idiɔk ido: uteŋe Jehovah onyuŋ esin owo akabare ɔkpɔŋ idiɔk.

MME ŊKE 3:7

Kuse idem fo ke ɔfiɔk ŋkpɔ: teŋe Jehovah, nyuŋ kpɔŋ idiɔk.

MATTHEW 5:45

man mbufo edi nditɔ Ete mbufo emi odude ke heaven; koro Enye anamde utin Esie asiaha ɔnɔ mme idiɔk owo ye nti owo, onyuŋ anamde edim edep ɔnɔ ndinen owo ye mme anam ukwaŋ-ido.

MATTHEW 5:9

Ɔfɔfɔn ɔnɔ mme anam emem: koro eyekot mmɔ nditɔ Abasi.

MATTHEW 6:13

Kunyuŋ uda nnyin usin ke idomo; Edi sio nnyin ke ubɔk andidiɔk.

MARK 14:7

Koro mbufo emenyene mme ubuene ye mbufo kpukpru ini, ndien ini eke emama, mbufo ekeme ndifɔn ido ye mmɔ, edi mbufo inyeneke Mi kpukpru ini.

LUKE 1:79

Ndiyama nnɔ mmɔ eke etiede ke ekim ye mfut mkpa; Nditeme ukot nnyin ndiduk ke usuŋ emem.

LUKE 6:35

Edi ema mme asua mbufo, enyuŋ enam ufɔn enɔ mmɔ, enyuŋ ebuɔt, ekudori-enyin ndifiak mbɔ; ndien utip mbufo eyekpon: mbufo eyenyuŋ edi nditɔ Andikoŋ-ŋkan: koro Enye ɔfɔnde ido kpa ye mmɔ eke mikɔmke Enye ye mme idiɔk owo.

LUKE 6:9

Edi Jesus ɔdɔhɔ mmɔ ete, Mmɔŋ mbup mbufo mme enen ndinam ufɔn ke sabbath, mme ndinam idiɔk? ndinyaŋa uwem owo, mme ndibiat?,

JOHN 17:15

Mbeŋeke nte Afo osio mmɔ ke ererimbot efep, edi mmebeŋe nte ekpeme mmɔ ke idiɔk esie.

ŊWED MBON ROME 12:18

Edieke usuŋ odude, eŋwana, nte mbufo ekemeke, ndidu ke emem ye kpukpru owo.

ŊWED MBON ROME 14:17

Koro Ubɔŋ Abasi idige edidia ŋkpɔ ye ediŋwɔŋ ŋkpɔ, edi edi edinen ido ye emem ye idaresit emi odude ke Edisana Spirit.

ŊWED MBON ROME 14:19

Mmɔdo ndien eyak nnyin ibine ido eke enamde emem odu, ye ido eke nnyin ikemede ndida nnam kiet eken ɔkɔri ke uwem Abasi. Ekubiat ubɔk-utom Abasi ke ntak udia.

ŊWED MBON ROME 5:1

MMƆDO sia ema ekeda mbuɔtidem enam ikpe etebe nnyin, nnyin imenyene emem ye Abasi oto ke Ɔbɔŋ nnyin Jesus Christ.

ŊWED MBON ROME 7:19

Koro nnamke eti ŋkpɔ eke ɔdɔŋde mi ndinam, edi idiɔk-ŋkpɔ eke midɔŋke mi ndinam, oro ke nnanam.

ŊWED MBON ROME 7:21

Ŋkut emi ndien mbaŋa ibet nte, idiɔk-ŋkpɔ osuk ododu ye ami emi nyomde ndinam nti ŋkpɔ.

ŊWED MBON ROME 8:6

Koro erikere ŋkpɔ obukidem ɔwɔrɔ mkpa; edi erikere ŋkpɔ sprit edi uwem ye emem:

ŊWED MBON GALATIA 5:22

Edi mbuŋwum Spirit edi ima, ye idaresit, ye emem,

ŊWED MBON GALATIA 6:10

Mmɔdo ndien, adaŋa nte ikutde ifet, eyak nnyin ifɔn ido ye kpukpru owo, akpan-akpan ye mmɔ emi etode ke ufɔk mme andinim ke akpanikɔ.

ŊWED MBON COLOSSAE 3:15

Eyak emem Christ akara ke esit mbufo; ekekot mbufo eduk ke idem kiet, man enyene emem oro.

1ŊWED TIMOTHY 6:18

Dɔhɔ mmɔ ete, efɔn ido, enyuŋ enam nti utom uwak-uwak, enyuŋ etat ubɔk, enyime ndinɔ owo ŋkpɔ;

MME HEBREW 12:14

Etiŋ enyin esaŋa ke emem ye kpukpru owo; enyuŋ esaŋa ke edisana ido; koro esiode oro efep, baba owo kiet idikwe Ɔbɔŋ.

MME HEBREW 13:16

Ekufre ndinam eti ŋkpɔ ndinyuŋ mfɔn ido ye owo; koro oruk uwa emi enemde Abasi esit.

JAMES 4:17

Mmɔdo owo emi ɔfiɔkde ndinam eti ŋkpɔ, ndien minamke, eritre ndinam oro edi idiɔk-ŋkpɔ ɔnɔ enye.

1 PETER 3:12

Koro enyin Jehovah ke esese ndinen owo, Utɔŋ Esie onyuŋ ɔbiɔŋɔ eseme mmɔ; Edi Jehovah asasak iso ese mmɔ emi enamde idiɔk.

3 JOHN 1:11

Edima, kukpebe se idiɔkde, edi kpebe se ifɔnde. Owo eke anamde se ifɔnde edi owo Abasi; owo eke anamde se idiɔkde ikekwe Abasi.

JUDGES 11:14

Ndien Jephthah ɔtɔŋɔ ntak ɔdɔŋ mme isuŋ eŋwen utom ke ɔtɔ edidem nditɔ Ammon;