1 PETER 2:9 - Edisana ñwed Abasi Ibom

⁹ Edi mbufo edi ubon eke emekde; edi mme oku edidem, edi edisana obio, edi ikɔt eke Abasi onimde ɔnɔ Idem Esie, man mbufo eka ekataŋa mme utibe erinam Esie, emi okokotde mbufo osio ke ekim, esin ke utibe uŋwana esie;

1 PETER 2:9 ပူးပေါင်းရင်းမြစ်များ

ŊWED MME PSALM 106:5

man ŋkut nti ŋkpɔ mbon emi afo emekde, nnyuŋ ndat esit ke idaresit ikɔt fo, nnyuŋ mbure mbure ye udeme fo.

ŊWED MME PSALM 118:27

Jehovah edi Abasi, enye omonyuŋ aŋwaŋa nnyin. Mbufo eda uruk etebe uwa tutu esim ke nduk itie-uwa.

ŊWED MME PSALM 135:4

Koro Jehovah emekde Jacob onim ke idem esie, emek Israel onim ke ata inyene esiemɔ.

ŊWED MME PSALM 22:30

Ubon (efen) eyenam ŋkpɔ esie; eyebuk (emi) ebaŋa Ɔbɔŋ enɔ emana eŋwen.

ŊWED MME PSALM 33:12

Ɔfɔfɔn ɔnɔ idut eke Jehovah edide Abasi esie, ɔfɔn ɔnɔ obio eke enye emekde ke udeme esiemɔ.

ŊWED MME PSALM 73:15

Mma ŋkpɔdɔhɔ nte, “Nyebuk ntem”; sese, ŋkpanam abiaŋa-abiaŋa ye emana nditɔ fo.

ISAIAH 26:2

Mbufo eberede mme itim, man edinen idut emi onimde akpanikɔ oduk.

ISAIAH 41:8

Edi afo, Israel, owo mi, Jacob emi mmekde fi, ubon Abraham ufan mi:

ISAIAH 42:16

Ndien nyenam mme nnan esaŋa ke usuŋ eke mmɔ mifiɔkke; nnyuŋ nnam mmɔ edigi ke ɔkpɔ-usuŋ eke mmɔ mifiɔkke: nnyuŋ nnim ekim ke uŋwana, ye mme ŋkwaŋa ŋkpɔ ke se inende. Mmɔ emi edi ŋkpɔ eke ndinamde nnɔ mmɔ nnyuŋ ŋkpɔŋke mmɔ.

ISAIAH 44:1

EDI kop ndien, O Jacob, owo mi, ye Israel emi mmekde:

ISAIAH 61:6

Ndien mbufo eyekere mme oku Jehovah; eyenyuŋ edɔhɔ ebaŋa mbufo, ete, Mme anam-ŋkpɔ Abasi nnyin: mbufo eyedia inyene mme idut, enyuŋ ebɔ mmɔ ubɔŋ eda ke idem mbufo.

ISAIAH 62:12

Ndien mmɔ eyekere edisana mbio, mmɔ eke Jehovah afakde: eyenyuŋ ekot fi, ete Derushah (emi mmɔ eyomde), Ir-lo-neezabah (obio eke owo midikpɔŋke).

ISAIAH 66:21

Jehovah onyuŋ ɔdɔhɔ ete, Nyeda ndusuk mmɔ nnim ke oku ye mme Levite.

ISAIAH 9:2

Mbio oro ekesaŋade ke ekim ekut akwa uŋwana: ama edi mmɔ eke eketiede ke isɔŋ mfut mkpa, uŋwana ayama ɔnɔ mmɔ.

MALACHI 3:17

Ndien Jehovah mme udim ɔdɔhɔ ete, Mmɔ eyedi ata inyene mi ke usen emi ami ndoride; ndien nyetua mmɔ mbɔm, kpa nte owo atuade eyen esie ke anamde ŋkpɔ ɔnɔ enye mbɔm.

MATTHEW 4:16

Mbio oro eketiede ke ekim Ekut akwa uŋwana, Ama edi mmɔ eketiede ke isɔŋ mfut mkpa, Uŋwana ayama ɔnɔ mmɔ.

MATTHEW 5:16

Kpa ntre yak uŋwana mbufo ayama ke iso owo, man mmɔ ekut nti utom mbufo, enyuŋ etoro Ete mbufo emi odude ke Heaven.

LUKE 1:79

Ndiyama nnɔ mmɔ eke etiede ke ekim ye mfut mkpa; Nditeme ukot nnyin ndiduk ke usuŋ emem.

JOHN 17:19

Ndien kabaŋa mmɔ ndianare Idem Mmi nnim nnɔ Fi, man ekpada akpanikɔ edianare mmɔ ŋko enim enɔ Fi.

UTOM MME APOSTLE 20:28

Etim ese idem mbufo, ye ofuri otu erɔŋ, emi Edisana Spirit okonimde mbufo ke mme andikpeme mmɔ, ete ebɔk mbon ufɔk Abasi, emi Enye ekedepde ke iyip Esie.

UTOM MME APOSTLE 26:18

nte atat mmɔ enyin, man mmɔ ekabare ewɔŋɔ ke ekim, eduk ke uŋwana, ekpɔŋ odudu Satan, etiene Abasi, man mmɔ ebɔ erifen mme idiɔk-ŋkpɔ ye udeme ke otu mmɔ emi enamde mmɔ esana oto ke mbuɔtidem mmɔ ye ami.

UTOM MME APOSTLE 26:28

Ndien Agrippa ɔdɔhɔ Paul ete, Kpa ke ekpri eritiŋ emi ɔdɔŋ fi ndinam mi ŋkabare ndi Christian.

ŊWED MBON ROME 9:24

kpa nnyin, emi Enye okonyuŋ okotde, idige ke otu mme Jew ikpɔŋ, edi ke otu mme Gentile nde?

1 ŊWED CORINTH 3:17

Edieke owo owuride temple Abasi, Abasi eyesobo owo oro. Koro temple Abasi edide ibet, mbufo enyuŋ edi temple oro.

ŊWED MBON EPHESUS 1:14

kpa Spirit emi edide akpa ubak udeme nnyin, tutu osim ini eke edifakde ofuri udeme enɔ nnyin ida inyene, man ubɔŋ Abasi enyene itoro.

ŊWED MBON EPHESUS 1:6

enem Enye esit ndinam emi, man ɔwɔrɔ itoro ɔnɔ ubɔŋ mfɔn Esie, emi Enye ɔkɔfɔnde ye nnyin ke Eyen Ima Esie.

ŊWED MBON EPHESUS 3:21

yak ubɔŋ enyene Enye ke ufɔk Abasi ye ke Christ Jesus, ke kpukpru emana ke nsinsi nsinsi. Amen.

DEUTERONOMY 10:15

Edi mme usɔ ema enem Jehovah esit, enye onyuŋ ama mmɔ, ama onyuŋ emek mbufo ubon mmɔ emi etienede mmɔ edem, ke otu kpukpru obio, kpa nte edide mfin emi.

DEUTERONOMY 14:2

koro afo edide edisana mbio Jehovah Abasi fo, Jehovah ama onyuŋ emek fi ete edi ata ikɔt esiemɔ, akan kpukpru mme idut emi edude ke iso isɔŋ.

DEUTERONOMY 18:2

Ndien mmɔ ekunyene udeme ke otu nditɔ ete mmɔ: edi Jehovah edi udeme mmɔ, kpa nte enye ɔkɔdɔhɔde mmɔ.

DEUTERONOMY 4:20

Ndien Jehovah akada mbufo oto ke ikaŋ utara-ukwak, ke Egypt, ɔwɔrɔ, man edi mbio udeme esie, nte edide mfin emi.

DEUTERONOMY 7:6

Koro afo edide edisana ikɔt Jehovah Abasi fo: Jehovah Abasi fo ama emek fi ete edi ata ikɔt imɔ akan kpukpru mme idut emi edude ke iso ererimbot.

ŊWED MBON PHILIPPI 3:14

Mmesin ifik ŋka iso mbine utit mbuba, man ŋkɔbɔ utip akwa ikot eke Abasi okokotde mi ke Christ Jesus.

ŊWED MBON COLOSSAE 1:13

emi okosiode nnyin ke odudu ekim, esin ke Obio Ubɔŋ Eyen Ima Esie:

2 ŊWED TIMOTHY 1:9

emi ama anyaŋa nnyin, onyuŋ okot nnyin edisana ikot; itoho ke se nnyin inamde edi oto ke uduak ye mfɔn Esiemɔ, emi ekɔnɔde nnyin ke Christ Jesus, ndien nsinsi eyo edidu;

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

1 PETER 1:2

emi Abasi Ete ekemekde mmɔ, nte asaŋade ekekem ye mbem-iso ifiɔk Esie, emi Spirit onyuŋ osuk ananam mmɔ esana, man mmɔ ekpesuk ibuot enɔ Jesus Christ, Enye okponyuŋ ada iyip Esie osime mmɔ ke idem. Mfɔn ye emem akpakam osim mbufo uwak-uwak.

1 PETER 2:5

eyeda mbufo nde, nte mme odu-uwem itiat, ebɔp esin ke ufɔk eke spirit, enyuŋ enam mbufo edi ndisana oku, ndiwa uwa spirit, eke Abasi adarade ndibɔ oto ke Jesus Christ.

1 PETER 4:11

Edieke owo etiŋde ikɔ, yak enye etiŋ nte etiŋ ikɔ Abasi: ŋko, edieke owo anamde ŋkpɔ ɔnɔ ekemmɔ owo yak enye anam nte ada odudu eke Abasi ɔnɔde anam; man ke kpukpru ŋkpɔ Abasi edinyene ubɔŋ oto ke Jesus Christ. Ubɔŋ ye erikara enyene Enye ke nsinsi-nsinsi. Amen.

ERIYARARE 1:6

Enye omonyuŋ anam nnyin idi obio Ubɔŋ, idi mme oku inɔ Abasi ye Ete Esie; enɔ Enye ubɔŋ ye erikara ekondo ke nsinsi-nsinsi. Amen.

ERIYARARE 20:6

Ɔfɔfɔn ɔnɔ owo emi enyenede udeme ke akpa eriset: enye edi edisana; udiana akpa mkpa inyeneke odudu ke idem mmɔ emi: edi mmɔ eyedi mme oku Abasi ye Christ, mmɔ eyenyuŋ eda ubɔŋ ye Enye ke tɔsin isua.

ERIYARARE 5:10

omonyuŋ anam mmɔ edi Obio Ubɔŋ ye mme oku enɔ Abasi: mmɔ eyenyuŋ eda ubɔŋ ke isɔŋ.

1 SAMUEL 12:22

Koro Jehovah midikpɔŋke ikɔt esie ke abaŋa akamba enyiŋ esiemɔ: koro Jehovah amama ndinim mbufo ke ikɔt esiemɔ.