1 PETER 2:23 - Edisana ñwed Abasi Ibom

²³ Ke ini owo osuŋide Enye, Enye isuŋike mmɔ usiene; ke ini Enye ebede ke ndutuhɔ, Enye itiŋke ikɔ ndige; edi ayak ikɔ Esie esin ke ubɔk Andikpe edinen ikpe.

1 PETER 2:23 ပူးပေါင်းရင်းမြစ်များ

GENESIS 18:25

Nsa fo O! Ndinam ntem, ndiwot mmɔ eke enende ye mmɔ eke minenke: mmɔ eke enende ndinyuŋ ntie nte mmɔ eke minenke, nsa fo O! Nte Ebierikpe ofuri ererimbot idinamke se inende?

ŊWED MME PSALM 10:14

Afo omokut; koro afo etiŋde enyin ese ibak ye iyaresit man ada mmɔ esin ke ubɔk fo: eyen ukut ayak idem ɔnɔ fi; afo edi iberedem eyen-akpa.

ŊWED MME PSALM 31:5

Nyeda spirit mi nsin fi ke ubɔk: Jehovah Abasi akpanikɔ, afo amafak mi.

ŊWED MME PSALM 37:5

Kpat usuŋ fo nɔ Jehovah, nyuŋ buɔt idem fo ye enye, ndien enye eyenam.

ŊWED MME PSALM 7:11

Abasi ekpe ikpe edinen owo; Abasi onyuŋ ayat esit (ye mme idiɔk owo) kpukpru usen.

ŊWED MME PSALM 96:13

Koro enye edide; koro enye edide ndikpe ikpe ererimbot: enye eyekpe ekondo ke edinen ido, ye mme idut ke akpanikɔ esie.

ISAIAH 53:7

Etuk enye, enye onyuŋ ɔsuhɔre idem esie onim, inyuŋ itatke inua esiemɔ; eda enye nte eyen-erɔŋ eka, ete ekewot, ndien kpa nte uman erɔŋ odopde inua ke iso mme andifat enye, kpa ntre enye inyuŋ itatke inua esiemɔ.

LUKE 23:41

Ndien ke akpanikɔ nnyin ikut ufen eke enende: koro nnyin ibɔ utip eke odotde ke erinam nnyin: edi owo emi iduehe baba ŋkpɔ kiet.

LUKE 23:46

Ndien Jesus ofiori ke ɔkpɔsɔŋ uyo, ete, Ete, mmayak spirit Mi nsin Fi ke ubɔk; ndien ke Enye amaɔkɔdɔhɔ ntem, Enye ayak Spirit Esie.

LUKE 23:9

Enye obup Jesus ediwak mbume; edi Jesus ibɔrɔke baba ikɔ kiet.

UTOM MME APOSTLE 17:31

koro Enye omonim usen eke Enye edikpede ikpe ɔnɔ ererimbot ke edinen ido, ke ubɔk Owo emi Enye ekemekde; Enye onyuŋ ada erinam emi Enye anamde Owo oro eset ke mkpa ayarare owut kpukpru owo ete edidi ntem.

UTOM MME APOSTLE 4:29

Ndien ke emi, Jehovah, se ikɔ emi esinde mmɔ ndik eke mmɔ etiŋde; nyuŋ nɔ mme asaŋutom Fo odudu nditiŋ ikɔ Fo ke ofuri uko,

UTOM MME APOSTLE 7:59

Ndien mmɔ etɔŋɔ Stephen ke itiat, nte enye esemede okot Ɔbɔŋ, ete Ɔbɔŋ Jesus, bɔ ukpɔŋ mi.

UTOM MME APOSTLE 9:1

EDI Saul ke osuk ofime ikɔ-ndikhe ye ikɔ-nsobo adian mbet Ɔbɔŋ;

ŊWED MBON ROME 2:5

edi ke nsɔŋesit fo ye unana erikabare-esit fo, ɔkɔ iyaresit onim ɔnɔ idem fo ke usen iyaresit ye eriyarare edinen ubiere-ikpe Abasi;

ŊWED MBON EPHESUS 6:9

Ndien mbufo mme ete, enam kpa ntem ye mmɔ, enyuŋ etre nditiŋ ikɔ ndikhe; sia efiɔkde ete, Ete mmɔ ye eke mbufo odu ke heaven; Enye inyuŋ iteŋeke owo enyin.

2 ŊWED THESSALONICA 1:5

emi edide iŋwaŋ-iŋwaŋ idiɔŋɔ edinen ikpe Abasi; man ebat ete mbufo emedot ndiduk ke Obio Ubɔŋ Abasi, emi ekutde ndutuhɔ ebaŋa enye;

2 ŊWED TIMOTHY 1:12

Emi esin mi ŋkut ndudtuhɔ emi; edi ŋkopke but; koro mmɔfiɔk Enye emi ŋkɔbuɔtde idem ye Enye, mmonyuŋ mbure mfiɔk nte, Enye emekeme ndikpeme se ŋkayakde nsin Enye ke ubɔk tutu osim usen oro.

2 ŊWED TIMOTHY 4:8

Ema enim anyanya eti ido ebeŋe mi, emi Ɔbɔŋ, kpa Edinen Ebierikpe, edinɔde mi ke usen oro; idinyuŋ inɔŋɔ mi ikpɔŋ, edi eyenyuŋ ɔnɔ kpukpru mmɔ emi emade eriyarare Esie.

MME HEBREW 12:3

Ese Enye emi okobiomde oruk idiɔk ndutiŋ oro mme idiɔk owo etiŋde edian Idem Esie, mbak mbufo edikpa mba, ekop mmem-idem ke ukpɔŋ.

1 PETER 3:9

Ekuda idiɔk esio usiene idiɔk; ekunyuŋ esuŋi owo ke ini esuŋide mbufo; edi ekam ediɔŋ mmɔ. Koro ekekot mbufo ete edinam emi, man mbufo eda eridiɔŋ enyene.

1 PETER 4:19

Ntem ke ɔfɔn mmɔ emi ekutde ndutuhɔ nte uduak Abasi edide eyak ukpɔŋ mmɔ ke erinam eti ŋkpɔ esin ke ubɔk Andibot, emi edide Abasi akpanikɔ.

ERIYARARE 19:11

Ekem ŋkut nte ebererede heaven; ndien sese, afia enaŋ-mbakara, Andidoro enye ke edem ekere Anam-akpanikɔ ye Ata Akpanikɔ, Enye onyuŋ asaŋa ke edinen ido ekpe ikpe onyuŋ aŋwana ekɔŋ.