1 PETER 2:21 - Edisana ñwed Abasi Ibom

²¹ Ekekot mbufo ete edinam oro; koro Christ ke Idem Esie ama okut ndutuhɔ kabaŋa mbufo, onyuŋ ɔkpɔŋ uwut-ŋkpɔ ɔnɔ mbufo, ete, mbufo ekpetiene esaŋa ke nde ikpat Imɔ.

1 PETER 2:21 ပူးပေါင်းရင်းမြစ်များ

ŊWED MME PSALM 85:13

Edinen ido eyesaŋa enye ke iso; eyenyuŋ esin nnyin ke usuŋ ikpat esie.

MATTHEW 10:38

Ndien owo eke mimenke cross esie itiene Mi idotke ye Ami.

MATTHEW 11:29

Emen ɔkpɔnɔ Mi ekɔŋɔ ke itɔŋ mbufo, enyuŋ ekpebe Mi; koro mme-nyene ifure-ifure ido nnyuŋ nsuhɔre idem ke esit; ndien mbufo eyekut nduɔk-odudu enɔ ukpɔŋ mbufo.

MATTHEW 16:24

Ekem Jesus ɔdɔhɔ mbet Esie ete, Edieke owo ekededi oyomde nditiene Mi, yak enye otuk idem esie, onyuŋ emen cross esie, etiene Mi.

LUKE 24:26

Nte inaŋa nte Christ okut mme ukut emi, ndien ebe oduk ke Ubɔŋ Esie?

JOHN 13:15

Koro mmɔnɔ mbufo uwut-ŋkpɔ nte, mbufo nde enam kpa nte Ami ŋkanamde mbufo.

JOHN 16:33

Ntiŋ mme ŋkpɔ emi nnɔ mbufo, man mbufo enyene emem ke Idem Mi. Mbufo eyekut ukut ke ererimbot: edi esɔŋ esit; Ami ŋkakan ererimbot.

UTOM MME APOSTLE 14:22

ekpe ye mmɔ ete esuk eyire ke mbuɔtidem, enyuŋ esian mmɔ ete, nnyin inyene ndibe ke ediwak ukut nduk ke Obio Ubɔŋ Abasi.

UTOM MME APOSTLE 17:3

onyuŋ asian owut mmɔ, ete Christ enyene ndikpa nnyuŋ nset ke mkpa; onyuŋ ɔdɔhɔ mmɔ ete, Jesus, emi ŋkwɔrɔde nnɔ mbufo, edi Christ.

UTOM MME APOSTLE 9:16

koro ami nyewut enye adaŋa ediwak ŋkpɔ nte enye enyenede ndikut kabaŋa enyiŋ Mi.

ŊWED MBON ROME 8:29

Koro mme owo emi Enye ekebemde iso ɔfiɔk, ke Enye okonyuŋ ebem iso onim ete mmɔ ekpekabare ebiet Imɔ, man Enye oro edidi akpan ke otu ediwak nditɔ-ete:

1 ŊWED CORINTH 11:1

MBUFO ekabare ekpebe mi kpa nte ami ŋkpebede Christ.

ŊWED MBON EPHESUS 5:2

enyuŋ esaŋa ke ima kpa nte Christ ŋko akamade mbufo, okonyuŋ ayakde Idem Esie ɔnɔ kibuot nnyin, nte enɔ ye uwa emi edade esɔk Abasi, emi osiode ufik eke enemde.

ŊWED MBON PHILIPPI 2:5

Yak mbufo enyene oruk esit emi okodude ke Christ Jesus.

1 ŊWED THESSALONICA 3:3

mbak owo ndomo kiet edisehere ɔkpɔŋ itie esie ke ntak ukut oro; koro mbufo ke idem mbufo efiɔkde ete oro edi akaŋa nnyin.

1 ŊWED THESSALONICA 4:2

Koro mbufo efiɔk mme item eke nnyin ikɔnɔde mbufo ke enyiŋ Ɔbɔŋ Jesus.

2 ŊWED TIMOTHY 3:12

Ke akpanikɔ kpukpru owo eke eyomde ndidu eti uwem ke Christ Jesus enyene ndibiom isin-enyin.

MME HEBREW 2:10

Koro odotde Enye, emi kpukpru ŋkpɔ esuŋɔde ye Enye, kpukpru ŋkpɔ enyuŋ etode ke Enye, ke erida ediwak nditɔ nduk ubɔŋ ndinam asiakusuŋ eriyaŋa mmɔ asaŋa ke ndutuhɔ akabare ɔfɔn ama

1 PETER 1:20

emi Abasi ekebemde iso onim ndien ediwuk adaha ererimbot emi; ema enyuŋ eyarare Enye ke ukperedem ini emi, man ɔfɔn ye mbufo.

1 PETER 2:24

Enye ke Idem Esie obiom mme idiɔk-ŋkpɔ nnyin ke ikpɔhidem Esie ke eto, man nnyin ikpakpa ikpɔŋ idiɔk-ŋkpɔ, inyuŋ idu uwem inɔ edinen ido.

1 PETER 3:18

Koro Christ ŋko-ŋko ama akpa kabaŋa mme idiɔk-ŋkpɔ ini kiet, Edinen owo ke ibuot mmɔ emi minenke, man Enye ada nnyin ɔsɔk Abasi: ewot Enye ke obukidem, edi enam Enye edidu uwem ke Spirit.

1 PETER 3:9

Ekuda idiɔk esio usiene idiɔk; ekunyuŋ esuŋi owo ke ini esuŋide mbufo; edi ekam ediɔŋ mmɔ. Koro ekekot mbufo ete edinam emi, man mbufo eda eridiɔŋ enyene.

1 PETER 4:1

SIA Christ okokutde ukut ke obukidem, mbufo nde eda ekikere emi esine nte ŋkpɔ-ekɔŋ esɔŋɔ idem mbufo esit; koro enye emi okokutde ukut ke obukidem ama adianare ke idiɔk-ŋkpɔ ama;

1 PETER 4:13

Edi adaŋa nte mbufo ebuanade ke ndutuhɔ Christ, ekam edara; man mbufo ekpenyuŋ edat esit eti-eti ke adaŋemi ediyararede ubɔŋ Esie.

1 JOHN 2:6

Nnyin ida emi ifiɔk ite idodu ke Enye: owo eke ɔdɔhɔde ete imɔ iduŋ ke Enye, akpasaŋa odu uwem kpa nte Enye akasaŋade.

1 JOHN 3:16

Nnyin ida emi ifiɔk ima, koro Enye akayakde uwem Esie ɔnɔ kabaŋa nnyin: nnyin nde ikponyuŋ iyak uwem nnyin inɔ kabaŋa nditɔ-ete.

ERIYARARE 12:11

Mmɔ ema ekan enye oto ke iyip Eyen-erɔŋ, Onyuŋ oto ke se mmɔ etiŋde nte ntiense. Mmɔ imaŋa uwem mmɔ tutu osim mkpa.