1 PETER 2:2 - Edisana ñwed Abasi Ibom

² nte nsek-nditɔ, eyom ata mmɔŋ-eba Spirit, man mbufo eda enye ekɔri esim erinyaŋa,

1 PETER 2:2 ပူးပေါင်းရင်းမြစ်များ

2 SAMUEL 23:5

Koro nte ufɔk mi itiehe ntem ye Abasi? Koro enye amanam nsinsi ediomi ye ami, emi ediɔŋde ke kpukpru ŋkpɔ, enyuŋ enimde: koro nte enye idinamke ofuri erinyaŋa mi ye ima esit mi etibe?

ŊWED JOB 17:9

Edi edinen owo eyemum usuŋ esie akama: ndien owo eke ubɔk asanade eyediɔŋ ɔsɔŋ aka iso.

MME ŊKE 4:18

Edi usuŋ nti owo ebiet uŋwana eke asiahade, aka iso ayama, tutu osim ufɔt uwemeyo.

HOSEA 14:5

Nyenam ye Israel nte mbara: enye eyesiaha nte lily, onyuŋ omum oruŋ esie nte Lebanon.

HOSEA 14:7

Mmɔ eke eduŋde ke idak mfut esie eyefiak edi; mmɔ eyefiari nte ibokpot, enyuŋ esiaha nte vine; etop esie eyebiet eke wine Lebanon.

HOSEA 6:3

Ndien nnyin iyefiɔk, nnyin iyebine ikɔfiɔk Jehovah: enye iditreke ndiwɔrɔ nte usiere, eyenyuŋ osim nnyin nte edim, nte akpa ye ukperedem edim ebitde isɔŋ.

MALACHI 4:2

Ndien utin edinen ido asiaha ɔnɔ mmɔ: se inamde itɔŋ uwem ɔsɔŋɔ onyuŋ odu enye ke mba; ndien mbufo eyewɔŋɔ ekefrɔ nte nditɔ-enaŋ ŋkuhɔ.

MATTHEW 18:3

ete, Ke akpanikɔ ke ndɔhɔ mbufo, ibɔhɔke mbufo ewɔŋɔre ekabare etie nte ŋkpri nitɔwɔŋ, mbufo ididukke ke Obio Ubɔŋ Heaven.

MATTHEW 19:14

Edi Jesus ɔdɔhɔ mmɔ ete, Eyak ŋkpri nditɔ, ekukpan mmɔ nditiene Mi; koro Obio Ubɔŋ Heaven edide eke oruk emi.

MARK 10:15

Ke akpanikɔ ke ndɔhɔ mbufo, Owo ekededi eke midibɔhɔ Obio Ubɔŋ Abasi nte ekpri eyen, ididukke duk ke esit.

LUKE 18:17

Ke akpanikɔ ke ndɔhɔ mbufo nte, Owo ekededi eke midibɔhɔ Obio Ubɔŋ Abasi nte ekpri eyen ididukke duk ke esit.

ŊWED MBON ROME 6:4

Mmɔdo ke baptism nnyin ikɔbuhɔ ye Enye iduk ke mkpa; man, nte Ete akadade ubɔŋ Esie anam Christ eset ke mkpa, kpa ntre ke nnyin ŋko ikpasaŋa ke obufa uwem.

1 ŊWED CORINTH 14:20

Nditɔ-ete mi, ekudi nditɔwɔŋ ke ekikere, edi ke erinam ibak etie nte nsek nditɔ; edi ke ekikere etie nte ikpɔ owo.

ŊWED MBON EPHESUS 2:21

Ke Enye ke kpukpru ufɔk kiet kiet etim ekpaha ekɔri ewɔrɔ edi edisana temple ke Ɔbɔŋ.

ŊWED MBON EPHESUS 4:15

Edi man nnyin imum akpanikɔ ye ima ikɔri ke kpukpru ŋkpɔ, ikabare isim Enye emi edide Ibuot, kpa Christ;

2 ŊWED THESSALONICA 1:3

Ana nte nnyin ikɔm Abasi kpukpru ini ibaŋa mbufo, nditɔ-ete, kpa nte odotde nnyin ndinam ntre, koro mbuɔtidem mbufo ɔkɔride eti-eti, ima emi kpukpru mbufo emade kiet eken onyuŋ okponde;

1 PETER 1:23

Ema ebon mbufo obufa, idige ke ubon eke edikpade, edi ke ubon eke midikemeke ndikpa, oto ke ikɔ Abasi, emi odude uwem onyuŋ ebigide ke nsinsi.

2 PETER 3:18

Edi etie ke mfɔn ye ifiɔk Ɔbɔŋ ye Andinyaŋa nnyin Jesus Christ ekɔri ŋkɔri. Yak ubɔŋ enyene Enye ke emi ye ke nsinsi. Amen.