1 PETER 2:17 - Edisana ñwed Abasi Ibom

¹⁷ Ekpono kpukpru owo. Ema nditɔ-ete. Eteŋe Abasi. Ekpono edidem.

1 PETER 2:17 ပူးပေါင်းရင်းမြစ်များ

GENESIS 20:11

Ndien Abraham ɔdɔhɔ, ete, Koro ŋkɔdɔhɔde, nte, Baba uteŋe Abasi iduhe ke ebiet emi; ndien eyewot mi ebaŋa

GENESIS 22:12

Ndien enye ɔdɔhɔ ete, Kuda ubɔk fo utuk eyen oro, kunyuŋ unam enye baba ŋkpɔ kiet: koro ke emi ke mfiɔk nte afo efefehe Abasi, afo unyuŋ usinke mi eyen fo kierakiet.

GENESIS 42:18

Ekem, ke ɔyɔhɔ usen ita, Joseph ɔdɔhɔ mmɔ ete, Mbufo enam ŋkpɔ emi edu uwem; ami mfefehe Abasi.

1 CHRONICLES 29:20

Ndien David ɔdɔhɔ ofuri esop oro, ete, Mbufo, ndien etoro Jehovah Abasi mbufo. Ndien ofuri esop oro etoro Jehovah Abasi mme ete mmɔ, enyuŋ enuhɔ, etuak ibuot enɔ Jehovah, ye edidem.

ŊWED MME PSALM 111:10

Uteŋe Jehovah edi eritɔŋɔ ifiɔk: kpukpru mmɔ eke enamde mmɔ enyene eti ibuot. Itoro esie ebigi ke nsinsi.

EXODUS 20:12

Kpono usɔ ye uka; kpaŋ usen fo ekpebige ke isɔŋ emi Jehovah Abasi fo ɔnɔde fi.

MME ŊKE 1:7

Uteŋe Jehovah edi akpan ifiɔk: mbon ndisime ese eti ibuot ye item ke ndek.

MME ŊKE 23:17

Kuyak esit fo ofibe mme idiɔk owo ufup: edi du ke uteŋe Jehovah kpukpru ini.

MME ŊKE 24:21

Eyen mi, bak Jehovah ye edidem: kunyuŋ ubuana ye mbon nsɔŋ-ibuot:

ECCLESIASTES 8:2

Ami (ndɔhɔ nte): Nim uyo edidem, baŋa uŋwɔŋɔ Abasi!

LEVITICUS 19:32

Daha da ke iso owo iwat, nyuŋ kpono ebiowo iso, nyuŋ bak Abasi fo: ami ndi Jehovah.

ZECHARIAH 11:14

Ndien nsibe esaŋ mi eken oro, kpa Ubɔp-ŋkpɔ, man mbiat iman ke ufɔt Judah ye Israel.

MATTHEW 22:21

Mmɔ ete, Enyene Caesar. Ekem Enye ɔdɔhɔ mmɔ ete, Enɔ Caesar ndien ŋkpɔ eke enyenede Caesar; enyuŋ enɔ Abasi ŋkpɔ eke enyenede Abasi.

JOHN 13:35

Mbufo ema ema kiet eken, kpukpru owo eyeda oro efiɔk ete mbufo edi mbet Mi.

ŊWED MBON ROME 12:10

Eda ima nditɔ-ete ema kiet eken; esɔp ndikpono kiet eken;

ŊWED MBON ROME 13:7

Enɔ kpukpru owo se idide udeme mmɔ: eda utomo enɔ mmɔ emi ekpebɔde utomo; eda utip enɔ mmɔ emi ekpebɔde utip; efehe mmɔ emi edotde ndik; ekpono mmɔ emi edotde ukpono.

2 ŊWED CORINTH 7:1

SIA nnyin imenyene mme uŋwɔŋɔ emi, ndima mi, eyak nnyin iyet kpukpru se isabarede obukidem ye spirit ifep ke idem nyin, inam nti ido nnyin efɔn ema ke eribak Abasi.

ŊWED MBON EPHESUS 5:21

Esuk idem enɔ kiet eken ke uteŋe Christ.

ŊWED MBON PHILIPPI 2:3

Ekunam baba ŋkpɔ kiet ke ndomo-idem mme ke ntaŋ-idem, edi yak owo kiet kiet ada nsuhɔre-esit abat ete, owo eŋwen ɔfɔn akan imɔ.

1ŊWED TIMOTHY 6:1

YAK kpukpru mmɔ emi esinede ke idak ufin ebat mme ete mmɔ nte owo emi edotde ɔyɔhɔ ukpono, mbak owo editiŋ idiɔk adian enyiŋ Abasi ye ikɔ Abasi eke ekpepde.

MME HEBREW 13:1

YAK ima mbufo ye nditɔ-ete osuk amana ada.

1 PETER 1:22

Sia mbufo ema ekeda nsuk-ibuot enɔ akpanikɔ enam ukpɔŋ mbufo esana, ekeme ndinyene ata ima nditɔ-ete, esɔŋɔ ema kiet eken ke ofuri esit.

1 PETER 2:13

Esuk idem enɔ kpukpru idaha eke enimde ke otu owo kabaŋa Ɔbɔŋ; enɔ edidem nte andikara kpukpru owo;

1 PETER 5:5

Kpasuk ntre, mbufo mkparawa, esuk idem enɔ mbiowo. Kpukpru mbufo enyuŋ ebɔbɔ nsukidem ke idem nte mbɔbɔ, enam ŋkpɔ enɔ kiet eken: koro Abasi aŋwaŋwana ye mbon iseri, edi ɔfɔn ido ye mbon nsukidem.

1 SAMUEL 15:30

Ndien enye ɔdɔhɔ ete, Mma nnam idiɔk ido: edi kam kpono mi, mbɔk, ke iso mbiowo ikɔt mi, ye ke iso Israel, nyuŋ tiene mi fiak edem, man ntuak ibuot nnɔ Jehovah Abasi fo.