1 PETER 2:16 - Edisana ñwed Abasi Ibom

¹⁶ Edu uwem nte mmɔ emi enyenede unen ke idem mmɔ, edi ekusaŋa ke unen oro efuk udu, edi esaŋa nte ifin Abasi.

1 PETER 2:16 ပူးပေါင်းရင်းမြစ်များ

MATTHEW 23:13

Edi eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo eberi Obio Ubɔŋ heaven ebaha owo: koro mbufo idukke ke idem mbufo, inyuŋ iyakke mmɔ emi eyomde ndiduk ebe eduk.

JOHN 15:22

Edieke mmeŋkpedige nditiŋ ŋkpɔ nnɔ mmɔ, mmɔ ikpenyeneke idiɔk-ŋkpɔ: edi ke emi mmɔ inyeneke se etiŋde enyaŋa idem ke idiɔk-ŋkpɔ mmɔ.

ŊWED MBON ROME 6:18

ema esio mbufo ke ubɔk idiɔk-ŋkpɔ, mbufo emekabare edi ifin edinen ido.

ŊWED MBON ROME 6:22

Edi ke emi ema ekosio mbufo itie-ufin idiɔk-ŋkpɔ, enyuŋ enam mbufo edi ikɔt Abasi, mbufo esioŋo mfri eke ɔwɔrɔde edisana ido ɔnɔ mbufo, utit esie onyuŋ edi nsinsi uwem.

1 ŊWED CORINTH 7:22

Koro owo eke Ɔbɔŋ okotde enye ke itie ufin edi eyen-isɔŋ Ɔbɔŋ. Ntre ŋko owo eke ekotde enye ke itie eyen-isɔŋ edi ofin Christ.

ŊWED MBON GALATIA 5:1

CHRIST okosio nnyin ke itie ufin, ete idi nditɔ-isɔŋ; esɔŋɔ eda ndien, ekuyak etɔŋɔ ntak ekɔmɔ mbufo ke ɔkpɔnɔ itie-ufin.

ŊWED MBON GALATIA 5:13

Nditɔ-ete, ekekot mbufo ete edidi nditɔ-isɔŋ; edi ekuda itie eyen-isɔŋ mbufo eyom ufaŋ enɔ obukidem, edi esaŋa utom enɔ kiet eken ke ima.

ŊWED MBON EPHESUS 6:6

Ekunam utom enyin owo, nte mbon mbukpek, edi enam se Abasi amade ye esit kiet nte ifin Christ;

ŊWED MBON COLOSSAE 3:24

sia mbufo efiɔkde ete iyebɔ Ɔbɔŋ udeme nte utip mbufo. Mbufo enam utom enɔ Christ Ɔbɔŋ.

1 ŊWED THESSALONICA 2:5

Koro akanam owo ikwe nnyin idade ikɔ nnem-inua nte mbufo efiɔkde; Abasi onyuŋ edi ntiense ete, akanam nnyin inyuŋ idaha ikɔ idip mbumek;

JAMES 1:25

Edi owo eke owukde enyin ese ata edifɔn ibet Abasi emi anamde owo ɔwɔrɔ ufin, onyuŋ ɔsɔŋɔde ada ke esit, idige andikokop emi efrede, edi edi andinanam; owo emi eyekut eridiɔŋ ke erinam esie.

JAMES 2:12

Etiŋ ŋkpɔ enyuŋ enam ŋkpɔ, nte mmɔ emi Abasi edidade ibet eke anamde owo ɔwɔrɔ ufin ekpe ikpe mmɔ.

2 PETER 2:19

Mmɔ eŋwɔŋɔ enɔ mmɔ ete iyenam mmɔ ebɔhɔ ufin, kpa ke ini mmɔ ke idem mmɔ edukde ufin enɔ nsobo; koro owo odukde ufin ɔnɔ ŋkpɔ ekededi eke akande enye.

JUDE 1:4

Koro ndusuk owo ema edɔŋ ikpat ndibe-ndibe eduk ke otu mbufo, kpa mmɔ emi ekenimde mmɔ enɔ ubiom-ikpe emi toto ke eset; owo eke miteŋeke Abasi, enyuŋ ewɔŋɔrede mfɔn Abasi nnyin esin ke obukpo uwem, enyuŋ ekaŋde Jesus Christ emi edide ukure Ete-ufɔk ye ɔbɔŋ nnyin.