1 PETER 2:15 - Edisana ñwed Abasi Ibom

¹⁵ Koro Abasi aduak ntem ete, mbufo eda nti ido ekibi inua mbon ndisime, eke mifiɔkke se mmɔ etiŋde.

1 PETER 2:15 ပူးပေါင်းရင်းမြစ်များ

ŊWED JOB 2:10

Kpɔŋ Abasi, ndien kpa mkpa. Ndien enye ɔdɔhɔ ŋwan, ete, Afo ɔdɔhɔ nte ndisime ŋwan ɔdɔhɔde; nte nnyin ibɔ Abasi eti ŋkpɔ, ndien idibɔhɔ idiɔk ŋkpɔ ŋko? Ke ofuri ŋkpɔ emi Job inamke idiɔk ke mkpɔk-inua esie.

ŊWED JOB 5:16

Ntre ke mbon mmeme enyene idorenyin, ndien ukwaŋŋkpɔ okibi inua esie.

ŊWED MME PSALM 107:42

Ndinen owo eyekut enyuŋ edara; ofuri idiɔk ido eyenyuŋ okibi inua esie.

ŊWED MME PSALM 5:5

Mbon iseri ididaha fi ke iso: afo asasua kpukpru mme anam idiɔk ido.

MME ŊKE 9:6

Ekpɔŋ mme ɔkɔi, enyuŋ edu, uwem; enyuŋ esaŋa ke usuŋ asian.

JEREMIAH 4:22

Koro ikɔt mi edide ndisime, mmɔ ifiɔkke mi; mmɔ edi nditeŋ nditɔ, inyuŋ inyeneke ibuot; etim efiɔk ndinam idiɔk, edi ifiɔkke ndinam eti.

MATTHEW 25:2

Ndien owo ition ke otu mmɔ edi ndisime, ition enyuŋ edi asian.

MATTHEW 7:26

Ndien kpukpru owo eke ekopde ikɔ Mi emi, ndien minimke, eyedomo enye ye ndisime owo emi ɔbɔpde ufɔk esie ke enyɔŋ utan:

ŊWED MBON ROME 1:21

koro okposuk edi nte mmɔ efiɔkde Abasi, mmɔ inɔŋɔ Enye ubɔŋ nte Abasi, inyuŋ inɔŋɔ Enye ekɔm; edi ekabare ekere ikpikpu ekikere, ndisime esit mmɔ onyuŋ akabare okim.

ŊWED MBON GALATIA 3:1

O MBON Galatia, emi enanade ibuot, anie ekebre esin mbufo ewɔŋɔre ekpɔŋ Jesus Christ; emi ekosiode ke iso mbufo nte owo emi ewotde ke cross?

DEUTERONOMY 32:6

Nte mbufo esio usiene ntem enɔ Jehovah, mbon ndisime ye unana ibuot? Nte idige enye edi usɔ emi akafakde fi? Edi enye akanam fi, onyuŋ ɔdiɔŋ fi onim.

1 ŊWED THESSALONICA 4:3

Koro emi edi uduak Abasi, ete mbufo ekpekabare esana, ete mbufo enyuŋ ebet use;

1 ŊWED THESSALONICA 5:18

Enɔ ekɔm ke kpukpru ŋkpɔ; koro emi edi se Abasi amade mbufo enam ke Christ Jesus.

1ŊWED TIMOTHY 1:13

emi ke eyo oko ŋkosuŋide Enye, ŋkonyuŋ ŋkɔbɔde Enye, nnyuŋ nnam Enye esuene: edi Abasi akatua mi mbɔm, koro ŋkanamde emi ke unana ifiɔk, ke ini mmenimke ke akpanikɔ:

TITUS 2:8

ye ekikere eke odobide, ye nti ikɔ eke owo mikemeke nditiŋ ndian; man but anam mmɔ emi ebiɔŋɔde nnyin, kemi mmɔ minyeneke se etiŋde edian nnyin.

TITUS 3:3

Koro nnyin ke idem nnyin ima inana ibuot tutuko, ima itut-utɔŋ, inyuŋ idue; iduk ufin inɔ nsio-nsio idiɔk udɔŋ ye mbre; ima idu uwem inam ibak, inyuŋ ifibeufup; nnyin ikedi se owo esuade, nnyin ikonyuŋ isua kiet eken.

1 PETER 2:12

Ekama idem nte odotde ke iso mme Gentile, man ke nde eke mmɔ etiŋde ŋkpɔ ebiat mbufo ete edi mme anam-idiɔk, mmɔ ekpada nti ido mbufo, emi edikutde ke ini eke edide ndidomo mbufo nse, enɔ Abasi ubɔŋ.

1 PETER 3:16

etiŋ enyin enyene esit eke asanade, man ke nde eke etiŋde ŋkpɔ edian mbufo, mmɔ eke esuede eti uwem mbufo ke Christ ekpadia but.

1 PETER 3:17

Koro ɔfɔn mbufo ndikut ndutuhɔ mbaŋa erinam eti ido ke Abasi onyimede, akan ndikut mbaŋa erinam se idiɔkde.

1 PETER 4:2

man mbufo ekuda aba ini eke ɔsuhɔde ɔnɔ mbufo ke obukidem esaŋa edu uwem ke mme idiɔk itɔŋ esit owo, edi esaŋa nte uduak Abasi edide.

2 PETER 2:12

Edi mme mmɔ emi, nte ŋkpɔ-uwem eke minyeneke ibuot, eke emanade ke uduot unam, man ekpemum mmɔ ewot, esuŋi ebaŋa se mmɔ mifiɔkke; eyeda nsobo unam esobo mmɔ; mmɔ eyenyuŋ ebɔ idiɔk ke utip idiɔk erinam mmɔ.

JUDE 1:10

Edi memmɔ emi esuŋi se ededi eke mmɔ mifiɔkke; mme ŋkpɔ eke mmɔ enyuŋ efiɔkde ke nda-mana, nte ŋkpɔ uwem eke minyeneke ibuot, ewɔrɔ edi nsobo enɔ mmɔ.