1 PETER 2:12 - Edisana ñwed Abasi Ibom

¹² Ekama idem nte odotde ke iso mme Gentile, man ke nde eke mmɔ etiŋde ŋkpɔ ebiat mbufo ete edi mme anam-idiɔk, mmɔ ekpada nti ido mbufo, emi edikutde ke ini eke edide ndidomo mbufo nse, enɔ Abasi ubɔŋ.

1 PETER 2:12 ပူးပေါင်းရင်းမြစ်များ

ŊWED MME PSALM 37:14

Mme idiɔk owo esio ofut, enyuŋ ekɔk utiga mmɔ, ete iduɔk eyen ukut ye ubuene, inyuŋ iwot mbon esit kiet.

ŊWED MME PSALM 50:23

Owo eke awade uwa ekɔm eyekpono mi: ama onyuŋ edi owo eke otimde ndinim ido, nyewut enye erinyaŋa eke Abasi anyaŋade.

ISAIAH 10:3

Ndien mbufo edinam nso ke usen ufen, ye ke ini eke nsobo otode ke anyan usuŋ edi? Mbufo edifeŋe etiene anie eyom uŋwam? Ndien ke ebiet ewe ke mbufo edinim ubɔŋ mbufo?

DANIEL 6:4

Ndien ikpɔ owo ye mbɔŋ oro esin ubɔk eyom ndikut ikɔ eke ekpedoride Daniel ke edem ŋkpɔ obio; edi mmɔ ikemeke ndikut baba ŋkpɔ kiet ye idiɔk ido kiet eke ekpedoride enye, koro enye edide owo akpanikɔ, ndien mmɔ ikwe baba ndudue kiet, ye baba idiɔk ido kiet eke ekpedoride enye.

MATTHEW 10:25

Ekem eyen ukpep-ŋkpɔ nditie nte andikpep enye, asaŋa-utom ndinyuŋ ntie nte ete-ufɔk esie. Edieke mmɔ ema ekot ete-ufɔk ete, Beelzebub, ŋwaŋwaediso ke mmɔ edikot nditɔ ufɔk esie ntre.

MATTHEW 5:11

Ɔfɔfɔn ɔnɔ mbufo ke adaŋemi owo edisuŋide mbufo, enyuŋ enam mbufo isin-enyin, enyuŋ etiŋ kpukpru oruk idiɔk-ŋkpɔ ke nsu edian mbufo kabaŋa Mi.

MATTHEW 5:16

Kpa ntre yak uŋwana mbufo ayama ke iso owo, man mmɔ ekut nti utom mbufo, enyuŋ etoro Ete mbufo emi odude ke Heaven.

MATTHEW 9:8

Edi ke ini mme otu owo ekutde ŋkpɔ emi, ndik anam mmɔ, mmɔ enyuŋ etoro Abasi emi akayakde oruk odudu emi ɔnɔ owo.

LUKE 1:68

Itoro enyene Jehovah Abasi Israel; Koro Enye emedi ndise ikɔt Esie, onyuŋ afak mmɔ;

LUKE 19:44

eyenyuŋ esuhɔre fi enim ke isɔŋ, ye nditɔ fo emi eduŋde fi ke esit; ndien idikpɔŋke itiat kiet ke enyɔŋ itiat eken ke esit fo; koro afo mukɔdiɔŋɔke ini eke Abasi edide edise fi.

LUKE 6:22

Ɔfɔfɔn ɔnɔ mbufo ke ini owo edisuade mbufo, edinyuŋ edianarede mbufo ke idem mmɔ efep, ediyuŋ esuŋide mbufo, enyuŋ esin enyiŋ mbufo nte idiɔk ŋkpɔ kabaŋa Eyen Owo.

JOHN 13:31

Ke enye ama ɔkɔwɔrɔ, Jesus ɔdɔhɔ ete, Eyen Owo ɔkɔbɔ ubɔŋ ke emi, Abasi okonyuŋ ɔbɔ ubɔŋ ke idem Eyen.

UTOM MME APOSTLE 15:14

Nditɔ-ete, ekpaŋ utɔŋ enɔ mi: Simeon omobuk nte Abasi ekebemde iso edi edise mme Gentile, ndisio ikɔt ke otu mmɔ nnɔ enyiŋ Esie.

UTOM MME APOSTLE 24:13

Mmɔ ikemeke ndiwut fi, ete, se mme imɔ etiŋde idian mi edi akpanikɔ.

UTOM MME APOSTLE 25:7

Ke ini Paul edide, mme Jew, emi ekotode ke Jerusalem esuhɔre edi. Eda ekanare enye ekuk, edori enye ediwak mkpɔsɔŋ ikɔ eke mmɔ mikemeke ndiwut ete edi akpanikɔ.

UTOM MME APOSTLE 28:22

Edi iyom ndikop se ekerede ke inua fo: edi ama edi ŋka emi, nnyin imɔfiɔk ite mme owo etiŋ ŋkpɔ ebiat enye ke kpukpru ebiet.

ŊWED MBON ROME 12:17

Ekuda idiɔk esio owo usiene idiɔk. Esin idem ekere ndinam ido eke enyenede ukpono ke enyin kpukpru owo.

ŊWED MBON ROME 13:13

Yak nnyin isaŋa ukpono-ukpono, nte owo asaŋade ke uwemeyo; ikusaŋa ke otime-otime ido ye mbuŋwɔŋi, ikusaŋa ke use ye mbubiam ido, ikusaŋa ke utɔk ye ufup.

ŊWED MBON ROME 14:18

Owo eke asaŋade ke oruk usuŋ emi anam ŋkpɔ ɔnɔ Christ, eneŋere enem Abasi esit, onyuŋ okut itoro ke ubɔk owo.

ŊWED MBON ROME 15:9

man mme Gentile enyuŋ enɔ Abasi ubɔŋ ebaŋa mbɔm Esie; nte ewetde ete, Ke ntak emi nyenɔ Fi itoro ke otu mme Gentile, Nyenyuŋ ŋkwɔ enyiŋ Fo.

1 ŊWED CORINTH 14:25

ndibe ŋkpɔ eke edude enye ke esit ewɔrɔ ke aŋwa; ntem ke enye eyeduɔ okibi iso esie ke isɔŋ, onyuŋ atuak ibuot ɔnɔ Abasi, onyime aŋwa-aŋwa ete Abasi odu ke otu mbufo ke akpanikɔ.

2 ŊWED CORINTH 1:12

Koro mbure eke nnyin iburede edi emi, kpa ikɔ-ntiense emi esit nnyin etiŋde ete, nnyin ikasaŋa ke edisana ido ye akpanikɔ Abasi idu uwem ke ererimbot; isaŋake ke ikike eke obukidem, edi ke mfɔn Abasi; inyuŋ isaŋa ntem idu uwem ke otu mbufo ikan.

2 ŊWED CORINTH 13:7

Imekpe Abasi ubɔk ite mbufo ekudue ke baba ŋkpɔ kiet; ibeŋeke man ikpetie nte nti owo, edi man mbufo enam se inende okposuk edi nte ebatde nnyin nte mbukpo owo.

2 ŊWED CORINTH 8:21

koro imetiŋ enyin ikere se idotde, ke iso Ɔbɔŋ ye ke iso owo ŋko.

ŊWED MBON EPHESUS 2:3

Kpukpru nnyin ŋko ikonyuŋ isaŋa ye mmɔ ke ini oko, idu uwem ke idiɔk itɔŋ obukidem nnyin, inam se idɔŋde obukidem ye ekikere nnyin, ikonyuŋ idi nditɔ iyaresit ke uduot nnyin, kpa nte mmɔ eken.

ŊWED MBON EPHESUS 4:22

emi ekemde ye ido uwem mbufo ke eyo oko, onyuŋ ɔdiɔŋde diɔŋ abiara oto ke eritiene eke mbufo etienede idiɔk itɔŋ eke ebiaŋade owo;

ŊWED MBON PHILIPPI 1:27

Ekam edu uwem ke otu mbio-obio mbufo nte odotde ye gospel Christ, man ye ndidide ndise mbufo ye mmonyuŋ ndige, nyekop mbaŋa itie mbufo, nte, mbufo esɔŋɔ eda enyene spirit kiet, ke enyuŋ eda esit kiet eŋwana eŋwan ebaŋa mbuɔtidem emi odude ke gospel;

ŊWED MBON PHILIPPI 4:8

Ke akpatre item, nditɔ-ete, ŋkpɔ ekededi eke edide akpanikɔ, ye ŋkpɔ ekededi eke enyenede ukpono, ye ŋkpɔ ekededi eke enende, ye ŋkpɔ ekededi eke edide edisana, ye ŋkpɔ ekededi eke odotde ete ema, ye ŋkpɔ ekededi eke ɔwɔrɔde eti etop; edieke eti ido odude ke ŋkpɔ, edieke itoro onyuŋ odude, ekere ŋkpɔ oro.

1 ŊWED THESSALONICA 4:12

man mbufo edu uwem nte eyede ke iso mbon ererimbot, ekunyuŋ enana baba ŋkpɔ kiet.

1ŊWED TIMOTHY 2:2

ebaŋa ndidem ye kpukpru mmɔ emi edude ke ikpɔ itie; man nnyin idu uwem ifure ye emem, ke kpukpru uteŋe ye eti ido.

1ŊWED TIMOTHY 4:12

Kuyak owo esin fi kabaŋa uyen fo, edi di uwut-ŋkpɔ nɔ mmɔ emi enimde ke akpanikɔ, ke ikɔ-inua fo, ye ke edu uwem fo, ye ke ima, ye mbuɔtidem, ye edisana ido.

1ŊWED TIMOTHY 5:10

Enye enyene ndidi ŋwan emi ɔkɔdɔde ebe kiet, onyuŋ enyene ndiwɔrɔ eti etop mbaŋa nti utom esie, ete edi ŋwan emi ɔkɔbɔkde nditɔ, okonyuŋ akamade isen owo, onyuŋ eyetde ukot ikɔt Abasi, onyuŋ aŋwamde mbon ukut, onyuŋ esinde idem anam kpukpru oruk nti utom.

MME HEBREW 13:18

Ebɔŋ akam ebaŋa nnyin; koro nnyin imobure ifiɔk ite, imenyene esit emi mibiomke nnyin ke baba ŋkpɔ kiet, imonyuŋ iyom ndidu uwem nte ɔfɔnde ke kpukpru usuŋ.

MME HEBREW 13:5

Ekukɔmɔ ke ima inyene; enemesit ye se mbufo enyenede; koro Abasi ɔdɔhɔde ete, Ndikpuhu fi, ndinyuŋ ŋkpɔŋke fi.

JAMES 3:13

Anie ke otu mbufo enyene eti ibuot onyuŋ edi ɔniɔŋ? Yak enye ada eti edu esie owut ubɔkutom esie ke suŋ-suŋ ido eti ibuot.

1 PETER 2:15

Koro Abasi aduak ntem ete, mbufo eda nti ido ekibi inua mbon ndisime, eke mifiɔkke se mmɔ etiŋde.

1 PETER 3:16

etiŋ enyin enyene esit eke asanade, man ke nde eke etiŋde ŋkpɔ edian mbufo, mmɔ eke esuede eti uwem mbufo ke Christ ekpadia but.

1 PETER 4:11

Edieke owo etiŋde ikɔ, yak enye etiŋ nte etiŋ ikɔ Abasi: ŋko, edieke owo anamde ŋkpɔ ɔnɔ ekemmɔ owo yak enye anam nte ada odudu eke Abasi ɔnɔde anam; man ke kpukpru ŋkpɔ Abasi edinyene ubɔŋ oto ke Jesus Christ. Ubɔŋ ye erikara enyene Enye ke nsinsi-nsinsi. Amen.

2 PETER 3:11

Sia kpukpru ŋkpɔ emi edibiarade ntem, nso oruk owo ke mbufo ekpedi ke edisana ido ye ke uteŋe Abasi?

RUTH 3:14

Ndien enye ana ke ukot esie tutu eyo esiere: ndien adaha ke enyɔŋ ke ini owo mikemeke ndidiɔŋɔ owo. Ndien enye ɔdɔhɔ ete, Kuyak efiɔk ete ke ŋwan edi ke ebiet-ubek.