1 PETER 1:6 - Edisana ñwed Abasi Ibom

⁶ Mbufo enyuŋ edadara ke ini oro eti-eti, okposuk edi nte akpanade nte nsio-nsio idomo enam mbufo edu ke mfuhɔ ke emi ke ekpri ini;

1 PETER 1:6 ပူးပေါင်းရင်းမြစ်များ

ŊWED MME PSALM 119:28

Ukpɔŋ mi atua eyet ke mfuhɔ: menere mi nim ke enyɔŋ, nte ikɔ fo asaŋade.

ŊWED MME PSALM 119:75

O Jehovah, mmɔfiɔk nte mme ikpe fo enende: akpanikɔ omonyuŋ esin fi otuk mi.

ŊWED MME PSALM 34:19

Ediwak ukut esim eti owo; edi Jehovah osio enye ke mmɔ kpukpru.

ŊWED MME PSALM 35:10

Kpukpru mme ɔkpɔ mi eyedɔhɔ, ete, Jehovah, anie ebiet fi, emi osiode owo ukut ke ubɔk owo eke ɔsɔŋde akan enye? (Ke osio) owo ukut ye ubuene ke ubɔk owo eke obumede enye?

ŊWED MME PSALM 69:20

udɔŋɔ anam mi: mmonyuŋ ntie mbet owo eke atuade mi mbɔm, edi iduhe; nnyuŋ mbet mme ɔdɔŋ esit, edi ŋkwe.

ŊWED MME PSALM 9:14

man ntaŋa ofuri itoro fo ke inua-otop adiaha Zion: nyedara erinyaŋa fo.

ŊWED MME PSALM 95:1

MBUFO edi, nnyin ikwɔ inɔ Jehovah; isio mkpo idara inɔ akwa itiat erinyaŋa nnyin.

ISAIAH 61:10

Nyedat esit eti-eti ke Jehovah, ukpɔŋ mi eyebre abaŋa Abasi mi: koro enye emesine mi edisine-ŋkpɔ erinyaŋa ke idem, amada ekura edinen ido ofuk mi, kpa nte ɔdɔ-ŋwan ayarade anyanya esiemɔ, ye nte ŋwan ndɔ esinede ŋkpɔ mbana esie ke idem.

ISAIAH 61:3

ete, nnim nnɔ nditɔ Zion eke etuade, nnɔ mmɔ anyanya ke ibuot ntɔŋ, aran idaresit ke ibuot ntuaŋa, ɔfɔŋ-idem itoro ke ibuot mkpa-esit; ndien mmɔ eyekere ete, Ofriyo eti ido emi Jehovah ɔkɔtɔde, man ada ukpono ke esit.

MATTHEW 11:28

Etiene Mi, kpukpru mbufo emi ekpade mba enyuŋ ebiomde edidobi mbiomo, ndien Ami nyenɔ mbufo nduɔk-odudu.

MATTHEW 26:37

Ndien Enye ada Peter ye nditɔ Zebedee iba adian idem, onyuŋ ɔtɔŋɔ ndifuhɔ, nnyuŋ ndu ke nnanenyin.

MATTHEW 5:12

Edaresit, edara eti-eti: koro utip mbufo ke Heaven omokpon: koro kpa ntre ke mmɔ ekanam mme prophet emi ebemde mbufo iso edu isin enyin.

LUKE 1:47

Spirit mi omonyuŋ adara ke Abasi Andinyaŋa mi.

LUKE 10:20

Edi ekudat esit koro mme spirit esukde ibuot enɔ mbufo; edi edat esit koro ema ewet enyiŋ mbufo ke heaven.

LUKE 2:10

Angel onyuŋ ɔdɔhɔ mmɔ ete, Ekufehe ndik; koro sese, mmada eti mbuk akwa idaresit, eke edinyenede kpukpru owo, nsɔk mbufo;

JOHN 16:22

Mmɔdo mbufo edude ke mfuhɔ ke emi; edi nyetɔŋɔ ntak ŋkut mbufo, esit eyenyuŋ adat mbufo, ndien baba owo kiet idibɔhɔ mbufo idaresit mbufo.

JOHN 16:33

Ntiŋ mme ŋkpɔ emi nnɔ mbufo, man mbufo enyene emem ke Idem Mi. Mbufo eyekut ukut ke ererimbot: edi esɔŋ esit; Ami ŋkakan ererimbot.

UTOM MME APOSTLE 14:22

ekpe ye mmɔ ete esuk eyire ke mbuɔtidem, enyuŋ esian mmɔ ete, nnyin inyene ndibe ke ediwak ukut nduk ke Obio Ubɔŋ Abasi.

ŊWED MBON ROME 12:12

Eda esit ke idori-enyin; enyene ime ke ukut; ekɔbɔ ke eribɔŋ akam;

ŊWED MBON ROME 5:11

Itreke do ikpɔŋ, edi nnyin imonyuŋ ibure mbure ke Abasi, oto ke Ɔbɔŋ nnyin Jesus Christ, emi edide Enye akada nnyin oduk ke emem ye Abasi ke emi.

ŊWED MBON ROME 5:2

Ndien oto ke Enye ke nnyin ikasaŋa ke mbuɔtiden iduk ke itie mfɔn eke nnyin idade ke esit, imonyuŋ ibure mbure ke idori-enyin ubɔŋ Abasi.

ŊWED MBON ROME 9:2

mmenyene akwa mfuhɔ ye ubiak emi midoboke ke esit mi.

2 ŊWED CORINTH 4:17

Koro mfefere ukut nnyin, emi midibigike bigi, ɔdɔdiɔŋ anam nnyin inyene nsinsi ubɔŋ, eke okponde odobi;

2 ŊWED CORINTH 6:10

edi idu ke idaresit kpukpru ini; ete, enye edi idem-idem owo, edi ke inanam ediwak owo ekabare mbon inyene; ete, enye inyeneke baba ŋkpɔ kiet, edi imenyene kpukpru ŋkpɔ.

ŊWED MBON GALATIA 5:22

Edi mbuŋwum Spirit edi ima, ye idaresit, ye emem,

ŊWED MBON PHILIPPI 2:26

Koro mbufo kpukpru edɔŋde enye; enye okonyuŋ odu ke nnanenyin, koro mbufo ema ekop ete enye ɔdɔdɔŋɔ.

ŊWED MBON PHILIPPI 3:3

Koro nnyin idi mme ana mbobi, kpa nnyin emi ituakde ibuot inɔ Abasi ke Spirit, inyuŋ iburede mbure ke Christ Jesus minyuŋ iberike idem ke obukidem.

ŊWED MBON PHILIPPI 4:4

Edat esit ke Ɔbɔŋ kpukpru ini; nyetɔŋɔ ntak ndɔhɔ, Edat esit.

1 ŊWED THESSALONICA 1:6

Mbufo ema enyuŋ ekabare edi mme andikpebe nnyin ye mme andikpebe Ɔbɔŋ, enyuŋ ebɔ ikɔ Abasi ye idat esit Edisana Spirit ke ufɔt ɔkpɔsɔŋ ukut;

JAMES 1:2

Enim ete edi ŋkpɔ ɔyɔhɔ idaresit, nditɔ-ete mi, ke ini nsio-nsio idomo esimde mbufo;

JAMES 1:9

Yak eyen-ete eke odude ke usuhɔre-itie obure mbure ke akamba itie esie; yak owo inyene onyuŋ obure ke itie erisuhɔre esie;

JAMES 4:9

Edu ke nnan-enyin, enyuŋ efuhɔ, enyuŋ etua eyet; eyak imam mbufo akabare edi eseme, idara mbufo onyuŋ akabare edi mfuhɔ.

1 PETER 3:17

Koro ɔfɔn mbufo ndikut ndutuhɔ mbaŋa erinam eti ido ke Abasi onyimede, akan ndikut mbaŋa erinam se idiɔkde.

1 PETER 4:7

Edi utit kpukpru ŋkpɔ ke ekpere. Mmɔdo mbufo enyene eti ibuot, enyuŋ efara ke idem, man ekeme ndibɔŋ akam.

1 PETER 5:10

Ndien Abasi kpukpru mfɔn, emi okokotde mbufo ete ediduk ke nsinsi ubɔŋ Imɔ ke Christ, ke ini mbufo ema ekut ukut ke ekpri ini, eyenam mbufo efɔn ema, enyuŋ esɔŋɔ eda, enyuŋ ekop idem.

1 SAMUEL 2:1

NDIEN Hannah ɔbɔŋ akam, ete, Esit mi ke adara Jehovah; nduk mi okoŋ ke Jehovah; inua mi atara akan mme asua mi; koro edinyaŋa fo adatde mi esit.