1 PETER 1:5 - Edisana ñwed Abasi Ibom

⁵ Abasi okonyuŋ onim udeme oro ke heaven ɔnɔ mbufo, emi Enye adade odudu Esie ekpeme oto ke mbuɔtidem, ete, edisim erinyaŋa eke enimde ebet akpatre ini ndiwut idem.

1 PETER 1:5 ပူးပေါင်းရင်းမြစ်များ

ŊWED JOB 19:25

Ndien ami mmɔfiɔk nte ke Andifak mi odu uwem; ndien ke akpatre enye eyedaha ada ke ntan isɔŋ:

ŊWED MME PSALM 37:28

Koro Jehovah amade edinen ikpe, ndien ikpɔŋke mbon-ima esie; eyekpeme mmɔ ke nsinsi: edi eyesibe ubon mme idiɔk owo efep.

MME ŊKE 2:8

Enye ekpeme usuŋ ikpe, onyuŋ etiŋ enyin ese usuŋ mbon-ima esie.

ISAIAH 45:17

Jehovah anyaŋa Israel nsinsi erinyaŋa: but ye esuene idinamke mmɔ ke nsinsi-nsinsi.

ISAIAH 51:6

Mbufo emenere enyin mbufo ke enyɔŋ, enyuŋ ese isɔŋ ke idak; koro enyɔŋ eyesuana nte nsuŋikaŋ, isɔŋ eyenyuŋ ataha nte ɔfɔŋidem, ndien mme andiduŋ enye eyekpaŋa ŋko kpasuk ntre: edi erinyaŋa mi eyebigi ke nsinsi, eti ido mi idinyuŋ inuahake.

ISAIAH 54:17

Baba ŋkpɔ ekɔŋ kiet eke ebotde ebaŋa fi idikwe unen; afo eyenyuŋ anam ikɔ otip kpukpru edeme eke edahade eda enam ikɔ ye afo. Jehovah ɔdɔhɔ ete, Emi edi udeme ikɔt Jehovah, edinen ido mmɔ onyuŋ oto ye ami.

ISAIAH 66:22

Koro kpa nte mbufa enyɔŋ ye obufa isɔŋ, emi ndinamde, edade ke iso mi kpa ntre ke nditɔ mbufo ye enyiŋ mbufo edida: emi edi uyo Jehovah.

JEREMIAH 23:4

Ndien nyedori mme ɔbɔk eke edibɔkde mmɔ, ndien mmɔ idifeheke aba ndik, idem idinyuŋ ikpaha aba mmɔ, mmɔ idinyuŋ isopke: ke edi Jehovah ɔdɔhɔ.

JEREMIAH 32:40

Nyenyuŋ nnim nsinsi ediomi ye mmɔ, nte ndikabakede ŋkpɔŋ mmɔ, ntre ndifɔn ye mmɔ; nyenyuŋ nda uteŋe mi nsin mmɔ ke esit, man ekukabare ekpɔŋ mi.

JOHN 12:48

Owo eke esinde Mi, onyuŋ etrede ndibɔ ikɔ Mi nda, enyene andibiere-ikpe esie: ikɔ eke ŋketiŋde, kpa ikɔ oro edibiere ikpe ɔnɔ enye ke akpatre usen.

JOHN 17:15

Mbeŋeke nte Afo osio mmɔ ke ererimbot efep, edi mmebeŋe nte ekpeme mmɔ ke idiɔk esie.

JOHN 4:14

edi owo ekededi eke ɔŋwɔŋde mmɔŋ emi Ami ndinɔde enye idikopke nsat-itɔŋ aba: edi mmɔŋ oro ndinɔde enye eyekabare edi idim mmɔŋ ke esit esie eke otopde akabare ɔwɔrɔ edi nsinsi uwem.

JOHN 5:24

Ke akpanikɔ ke ndɔhɔ mbufo, Owo eke ekopde uyo Mi, onyuŋ ɔbuɔtde idem ye Enye emi ɔkɔdɔŋde Mi, enyene nsinsi uwem, inyuŋ idukke ke ikpe, edi ama oto ke mkpa ebe oduk ke uwem.

ŊWED MBON ROME 11:20

Edi ntre: ekewak mmɔ eduɔk oto ke unana mbuɔtidem mmɔ, afo onyuŋ ada do ke mbuɔtidem fo.

ŊWED MBON ROME 8:18

Koro mbat nte ndutuhɔ eke ikutde idaha emi idige se idotde ndida ndomo ye ubɔŋ eke ediyararede ke idem nnyin.

1 ŊWED CORINTH 1:21

Sia Abasi okonimde ke ɔniɔŋ Esie, ete ererimbot ekuda eti ibuot eke mmɔ efiɔk Imɔ, ɔfɔn Abasi ke enyin ndida ukwɔrɔ-ikɔ, emi owo esede ke ndisime, nnyaŋa mmɔ emi enimde ke akpanikɔ.

2 ŊWED CORINTH 1:24

Idige nte nnyin idedi mme andikara mbufo ke ŋkpɔ mbuɔtidem, edi nte idedi mme andiŋwam mbufo ndiyene idaresit. Koro ke mbuɔtidem ke mbufo edada.

ŊWED MBON GALATIA 2:20

Ema ewot mi ke cross ye Christ; edi ke ndodu uwem; edi idige aba ami ke idem mi ke ndu uwem, edi Christ ke odu uwem ke esit mi. Ndien uwem eke ndude ke obukidem ke emi, ke ndu ke mbuɔtidem, kpa mbuɔtidem eke nnyenede ye Eyen Abasi, emi akamade mi, okonyuŋ ayakde Idem Esie ɔnɔ abaŋa mi.

ŊWED MBON EPHESUS 2:8

Koro ke mfɔn ke ema enyaŋa mbufo oto ke mbuɔtidem: erinyaŋa emi inyuŋ itoho mbufo; edi Abasi ɔnɔnɔ:

ŊWED MBON EPHESUS 3:17

Christ akpakam onyuŋ oduŋ ke esit mbufo oto ke mbuɔtidem; mbufo ekpekam enyuŋ emum ŋkam enyuŋ esɔŋɔ ewuhɔ ke ima,

ŊWED MBON PHILIPPI 1:6

mmonyuŋ mbure mfiɔk ŋkpɔ emi, nte, Enye emi ɔkɔtɔŋɔde eti utom ke esit mbufo eyenam enye ɔfɔn ama ndien edisim usen Jesus Christ:

ŊWED MBON PHILIPPI 4:7

Ndien emem Abasi, emi ayaŋade ifiɔk owo, eyekpeme mbufo esit ye ekikere ke Christ Jesus.

2 ŊWED TIMOTHY 3:15

toto ke uyen afo ama ɔfiɔk Edisana Ŋwed Abasi, emi ekemede ndinam fi ɔwɔrɔ ɔniɔŋ ɔbɔ erinyaŋa ke eribuɔt idem ye Christ Jesus.

TITUS 2:13

inyuŋ itie ibet eti idori-enyin ye eriyarare Ubɔŋ Akwa Abasi ye Andinyaŋa nnyin Christ Jesus;

MME HEBREW 6:12

man mbufo ekukop ifem, edi edi mendikpebe mmɔ emi ekesaŋade ke mbuɔtidem ye ime ebɔ mme uŋwɔŋɔ Abasi enyene.

MME HEBREW 9:28

kpa ntre ŋko Christ, ke ekewade Enye ini kiet ete obiom idiɔk ŋkpɔ ediwak owo, eyetɔŋɔ ntak ɔbiɔŋɔre; edi Enye ididige ndinyene mbubehe ye idiɔk-ŋkpɔ, edi edidi ndinyaŋa mmɔ emi etiede ebet Enye.

1 PETER 1:13

Mmɔdo efak ɔfɔŋ esit mbufo, efara ke idem, enyuŋ edori enyin ɔyɔhɔ-ɔyɔhɔ ke ufɔn eke edidade esɔk mbufo ke eriyarare Jesus Christ.

1 PETER 4:13

Edi adaŋa nte mbufo ebuanade ke ndutuhɔ Christ, ekam edara; man mbufo ekpenyuŋ edat esit eti-eti ke adaŋemi ediyararede ubɔŋ Esie.

1 PETER 5:1

AMI nsɔŋɔ nnɔ mbiowo emi edude ke otu mbufo uyo, kpa ami emi ke idem mi nsaŋade ye mmɔ ndi ebiowo,

2 PETER 1:3

Sia Odudu Abasi ama ɔkɔnɔ nnyin kpukpru ŋkpɔ eke esaŋade ye uwem ye uteŋe Abasi, oto erifiɔk Enye emi akadade ubɔŋ ye nti ido Esie okot nnyin;

1 JOHN 3:2

Ndima, nnyin idi nditɔ Abasi ke emi; ndien iyarakere kaŋa iwut se nnyin ididide. Edi nnyin ifiɔk ite, edieke Enye ediwɔrɔde owut idem nnyin iyebiet Enye, koro nnyin iyekut Enye nte Enye edide.

JUDE 1:1

JUDAS emi edide owo Jesus Christ, ye eyen-eka James ewet ŋwed emi ɔnɔ esɔk mmɔ emi ekekotde, emi Abasi Ete amade, emi enyuŋ ekpemede mmɔ enɔ Jesus Christ.

JUDE 1:24

Ama edi Enye emi ekemede ndikpeme mbufo, ete, ekuduɔ, ndinyuŋ nnam mbufo eda ke iso Ubɔŋ Esie ke akwa idaresit, enana ndo;

1 SAMUEL 2:9

Enye eyekpeme ukot mbon ima esie, mme idiɔk owo eyenyuŋ edobo ke ekim: koro midige ke odudu ke owo ɔsɔŋ idem.