1 PETER 1:4 - Edisana ñwed Abasi Ibom

⁴ ete nnyin idida udeme eke mikemeke ndibiara, eke ŋkpɔ misabakere, eke minyuŋ ikemeke ndibe mfep, inyene.

1 PETER 1:4 ပူးပေါင်းရင်းမြစ်များ

ŊWED MME PSALM 31:19

Ufɔn fo okpon didie emi afo onimde ɔnɔ mmɔ eke ebakde fi, onyuŋ anamde ɔnɔ mmɔ eke ebuɔtde idem mmɔ ye afo ke iso nditɔ owo!

ŊWED MME PSALM 47:4

Enye eyemek udeme nnyin ɔnɔ nnyin, kpa ubɔŋ Jacob emi enye amade. [Selah.]

ISAIAH 66:22

Koro kpa nte mbufa enyɔŋ ye obufa isɔŋ, emi ndinamde, edade ke iso mi kpa ntre ke nditɔ mbufo ye enyiŋ mbufo edida: emi edi uyo Jehovah.

EZEKIEL 47:12

Ndien kpukpru oruk eto udia eyekɔri ke mben akpa ke edem mbiba; ikɔŋ esie idikeŋeke, mfri esie idinyuŋ ikurede: eyeŋwum obufa ke ekem ɔfiɔŋ esie; koro mmɔŋ esie editode ke edisana ebiet. Ndien mfri esie eyedi udia, ikɔŋ esie eyenyuŋ edi ibɔk.

MATTHEW 25:34

Ekem Edidem eyedɔhɔ mmɔ emi edude ke ubɔk nnasia, ete, Edi, mbufo emi Ete Mi ɔdiɔŋde, edida ubɔŋ emi ekonimde enɔ mbufo toto ke eritɔŋɔ ererimbot.

MARK 10:17

Ekem nte Jesus ɔwɔrɔde oduk usuŋ, owo kiet efehe etiene Enye, ɔtɔŋɔ edɔŋ ɔnɔ Enye, onyuŋ obup Enye ete, Eti Andikpep, ndinam nso man nnyene nsinsi uwem?

UTOM MME APOSTLE 20:32

Ndien ke emi mmayak mbufo nsin ke ubɔk Abasi, ye ke ikɔ mfɔn Esie, emi enyenede odudu ndinam mbufo ekɔri esɔŋɔ idem, nnyuŋ nnɔ mbufo udeme ke otu mmɔ emi enamde mmɔ esana.

UTOM MME APOSTLE 26:18

nte atat mmɔ enyin, man mmɔ ekabare ewɔŋɔ ke ekim, eduk ke uŋwana, ekpɔŋ odudu Satan, etiene Abasi, man mmɔ ebɔ erifen mme idiɔk-ŋkpɔ ye udeme ke otu mmɔ emi enamde mmɔ esana oto ke mbuɔtidem mmɔ ye ami.

ŊWED MBON ROME 8:17

Edi edieke nnyin idide nditɔ, imonyuŋ inyene udeme ke se enimde enɔ nditɔ; imenyene udeme ke se Abasi onimde; imasaŋa ye Christ inyene udeme: koro ana nte nnyin ima ikut ndutuhɔ ye Enye, inyenyuŋ ida ubɔŋ ye Enye.

1 ŊWED CORINTH 9:25

Owo ekededi eke onyuŋ aŋwanade mbɔk akama idem ke ufat ke kpukpru usuŋ. Ndien mmɔ enam emi ndibɔ anyanya eke edibiarade; edi nnyin inam man ibɔ anyanya eke midibiarake.

ŊWED MBON GALATIA 3:18

Koro edieke erida udeme nnyene asaŋade ye erinim ibet, isaŋake aba ye uŋwɔŋɔ: edi Abasi akada uŋwɔŋɔ emen ŋkpɔ emi ɔnɔ Abraham.

ŊWED MBON EPHESUS 1:11

Ke Christ enyuŋ enam nnyin (mme Jew) idi udeme Abasi, sia Enye, emi adade ekikere esit Esie anam kpukpru ŋkpɔ ewɔrɔ, ekebemde iso aduak ndinim nnyin nnɔ emi;

ŊWED MBON EPHESUS 1:14

kpa Spirit emi edide akpa ubak udeme nnyin, tutu osim ini eke edifakde ofuri udeme enɔ nnyin ida inyene, man ubɔŋ Abasi enyene itoro.

ŊWED MBON EPHESUS 1:18

Enye akpakam onyuŋ aŋwaŋa enyin esit mbufo, man mbufo efiɔk se idori-enyin eke Enye okotde nnyin idibɔ edide;

ŊWED MBON COLOSSAE 1:12

mbufo ekpekam ekɔm Ete, emi akanamde nnyin idot ndibuana ke udeme nti owo ke uŋwana:

ŊWED MBON COLOSSAE 1:5

emi otode ke idori-enyin emi ekenimde enɔ mbufo ke heaven, emi mbufo ekebemde iso ekop ebaŋa ke ikɔ akpanikɔ gospel emi okosimde mbufo;

ŊWED MBON COLOSSAE 3:24

sia mbufo efiɔkde ete iyebɔ Ɔbɔŋ udeme nte utip mbufo. Mbufo enam utom enɔ Christ Ɔbɔŋ.

2 ŊWED TIMOTHY 4:8

Ema enim anyanya eti ido ebeŋe mi, emi Ɔbɔŋ, kpa Edinen Ebierikpe, edinɔde mi ke usen oro; idinyuŋ inɔŋɔ mi ikpɔŋ, edi eyenyuŋ ɔnɔ kpukpru mmɔ emi emade eriyarare Esie.

MME HEBREW 10:34

Koro mbufo ekatuade mmɔ emi edude ke ŋkpɔkɔbi mbɔm, enyuŋ enyime ke idaresit ete ebume inyene mbufo, sia mbufo efiɔkde ete imenyene inyene eke ɔfɔnde akan onyuŋ ebigide.

MME HEBREW 9:15

Ke ntak emi Enye onyuŋ edi esine-ufɔt obufa ediomi, man, sia kiet ama akakpa ndifak owo nsio ke mme ndudue eke mmɔ ekesinede ke idak akpa ediomi edue, mmɔ emi ekekotde ekpɔbɔ uŋwɔŋɔ nsinsi udeme.

JAMES 1:11

Koro utin asiahade asaŋa ye ufiop-ufiop ofim ɔfɔp mbiet; ndien ndiye ikɔŋ esie ekibe eduɔŋɔ, uyai mmɔ onyuŋ abiara: ntre ke owo inyene edinyuŋ eyemere ke mbubine esie.

1 PETER 3:9

Ekuda idiɔk esio usiene idiɔk; ekunyuŋ esuŋi owo ke ini esuŋide mbufo; edi ekam ediɔŋ mmɔ. Koro ekekot mbufo ete edinam emi, man mbufo eda eridiɔŋ enyene.

1 PETER 5:4

Ndien ke adaŋemi Akwa Andikpemerɔŋ ediyararede idem, mbufo eyebɔ anyanya ubɔŋ eke midibiarake.

ERIYARARE 21:27

Edi baba ŋkpɔ ndek kiet ididukke ke esit, ye owo eke anamde mbubiam ido onyuŋ osude nsu; ke mibɔhɔke mmɔ ikpɔŋ-ikpɔŋ emi ewetde enyiŋ mmɔ ke ŋwed uwem Eyen-erɔŋ.