1 PETER 1:3 - Edisana ñwed Abasi Ibom

³ Itoro enyene Abasi ye Ete Ɔbɔŋ nnyin Jesus Christ, emi, nte asaŋade ekekem ye akwa mbɔm Esie, okobonde nnyin obufa ada esin ke odu-uwem idori-enyin oto ke eriset Jesus Christ ke mkpa;

1 PETER 1:3 ပူးပေါင်းရင်းမြစ်များ

1 NDIDEM 8:15

Ndien enye ɔdɔhɔ, ete, Ekɔm Jehovah Abasi Israel, emi akadade inua esie etiŋ ɔnɔ David ete mi, okonyuŋ adade ubɔk esie anam osu, ete,

1 CHRONICLES 29:20

Ndien David ɔdɔhɔ ofuri esop oro, ete, Mbufo, ndien etoro Jehovah Abasi mbufo. Ndien ofuri esop oro etoro Jehovah Abasi mme ete mmɔ, enyuŋ enuhɔ, etuak ibuot enɔ Jehovah, ye edidem.

2 CHRONICLES 31:8

Ekem adaŋemi Hezekiah ye mbɔŋ edide edikut mme otu oro, mmɔ ekɔm Jehovah ye ikɔt esie Israel.

ŊWED MME PSALM 41:13

Ekɔm Jehovah Abasi Israel, ke nsinsi nsinsi. Amen, ye Amen.

ŊWED MME PSALM 86:15

Edi afo, O Ɔbɔŋ, edi Abasi esit mbɔm ye eke mfɔnido; usɔpke iyaresit, edi awak mfɔn ye akpanikɔ.

ŊWED MME PSALM 86:5

Koro afo, Ɔbɔŋ, ɔmɔfɔn, omonyuŋ ama ndidahado; omonyuŋ awak ima ye kpukpru mmɔ eke esemede enɔ fi.

EXODUS 34:6

Ndien Jehovah ɔbiɔŋɔ enye ke iso, ataŋa ete, Jehovah, Jehovah, Abasi mbɔm, ye mfɔn, ye anyan ime,

ISAIAH 26:19

Mme akpa-mkpa fo eyedu uwem, mme okpo mi eyebuhɔre. Mbufo emi eduŋde ke ntan edemere, ekwɔ: koro mbara ikɔŋ edide mbara fo, ndien isɔŋ eyeman mme ekpo.

JONAH 4:2

O Jehovah, mbɔk, nte emi idige uyo mi ke ŋkodude ke edem nnyin? Oro ekesin mi mfehe ŋka ke Tarshish ke akpa: koro mfiɔkde nte afo edi Abasi mbɔm ye mfɔn, usɔpke iyaresit, edi okpon ima, onyuŋ akabare esit ke idiɔk-ŋkpɔ.

JOHN 1:13

emi mimanake oto ke iyip, mme ke erinyime obukidem, mme ke erinyime owo, edi emana oto Abasi.

ŊWED MBON ROME 12:12

Eda esit ke idori-enyin; enyene ime ke ukut; ekɔbɔ ke eribɔŋ akam;

ŊWED MBON ROME 15:13

Abasi idori-enyin akpakam ɔyɔhɔ mbufo ye kpukpru idaresit ye emem ke mbuɔtidem mbufo, man mbufo enyene uwak idori-enyin oto ke odudu Edisana Spirit.

ŊWED MBON ROME 4:25

emi ekeyakde enɔ kabaŋa ndudue nnyin, ekenyuŋ enamde Enye eset, man ikpe etebe nnyin.

ŊWED MBON ROME 5:10

Koro edieke Abasi akadade mkpa Eyen Esie esin emem ke ufɔt nnyin ye Idem Esie ke adaŋemi nnyin ikedide mme asua, ŋwaŋwaediso, sia ima ikabare itie ke emem ye Enye, ke Abasi eyeda uwem Eyen Esie anyaŋa nnyin.

ŊWED MBON ROME 8:11

Edi edieke Spirit Abasi emi akanamde Jesus eset ke mkpa oduŋde ke esit mbufo, Enye emi akanamde Christ Jesus eset ke mkpa eyenyuŋ anam ikpɔhidem mbufo emi enyenede ndikpa edu uwem, oto ke Spirit Esie emi oduŋde ke esit mbufo.

ŊWED MBON ROME 8:24

Koro ema enyaŋa nnyin ke idori-enyin emi: edi idori-enyin eke owo okutde ke enyin idige idori-enyin; koro anie odori enyin abaŋa se enye okutde?

1 ŊWED CORINTH 13:13

Ntem ke mbuɔtidem, ye idori-enyin, ye ima esuk edu, mmɔ mbita; edi andikpon-ŋkan ke otu mmɔ edi ima.

1 ŊWED CORINTH 15:20

Edi ke akpanikɔ ema enam Christ eset ke mkpa, nte akpa mbuŋwum ke otu mmɔ emi edede idap.

2 ŊWED CORINTH 1:3

Itoro enyene Abasi ye Ete Ɔbɔŋ nnyin Jesus Christ, Ete mbɔm ye Abasi kpukpru ndɔŋesit:

ŊWED MBON GALATIA 6:16

Emem ye mbɔm akpakam odoro kpukpru mme andisaŋa ke item emi ke idem, onyuŋ odoro Israel Abasi.

ŊWED MBON EPHESUS 1:17

Mmebeŋe nte Abasi Ɔbɔŋ nnyin Jesus Christ, Ete ubɔŋ akpakam ɔnɔ mbufo spirit ɔniɔŋ ye eriyarare, emi mbufo edidade efiɔk Enye;

ŊWED MBON EPHESUS 1:3

Itoro enyene Abasi ye Ete Ɔbɔŋ nnyin Jesus Christ, emi akadade kpukpru ŋkpɔ mfɔn eke spirit ke mme itie heaven ɔdiɔŋ nnyin ke Christ.

ŊWED MBON EPHESUS 1:7

Nnyin inyuŋ inyene ubɔhɔ-ufin nnyin ke Enye oto ke iyip Esie, kpa erifen mme idiɔk-ŋkpɔ nnyin, adaŋa nte mfɔn Esie awakde.

ŊWED MBON EPHESUS 2:4

Edi Abasi, emi enyenede uwak mbɔm, oto ke akwa ima eke Enye akamade nnyin,

ŊWED MBON EPHESUS 3:20

Enye emi ekemede ndinam ŋkpɔ awak akan se nnyin ibeŋede inyuŋ ikerede, nte odudu Esie eke anamde utom ke idem nnyin edide,

ŊWED MBON COLOSSAE 1:23

Edieke mbufo eyirede ke mbuɔtidem enyene iwuk enyuŋ esɔŋɔ eda, mindinyuŋ iyakke ŋkpɔ anam mbufo edianare ekpɔŋ idori-enyin gospel emi mbufo ekekopde; kpa gospel emi ekɔkwɔrɔde enɔ kpukpru owo ke idak ikpa-enyɔŋ: emi ekonyuŋ enɔde mi Paul ete ŋkwɔrɔ.

ŊWED MBON COLOSSAE 1:27

Emi Enye onyimede ndisian mmɔ uwak ubɔŋ eke odude ke ndibe-ŋkpɔ emi ke otu mme Gentile, ete, Christ ke odudu ke esit mbufo nte idori-enyin ubɔŋ;

1 ŊWED THESSALONICA 1:3

sia nnyin mitreke nditi utom mbuɔtidem mbufo, ye ɔkpɔsɔŋ utom ima mbufo, ye ime idori-enyin eke mbufo enyenede ke Ɔbɔŋ nnyin Jesus Christ, ke iso Abasi ye Ete nnyin.

1 ŊWED THESSALONICA 4:13

Edi nnyin imaŋa mbufo enana ifiɔk, nditɔ-ete, ebaŋa mmɔ emi edede, mbak mbufo edifuhɔ, kpa nte mmɔ eken eke minyeneke idori-enyin.

2 ŊWED THESSALONICA 2:16

Ndien Ɔbɔŋ nnyin Jesus Christ, ke Idem Esie, ye Abasi Ete nnyin, emi akamade nnyin, onyuŋ ɔnɔde nnyin nsinsi ndɔŋesit ye eti idori-enyin ke mfɔn,

1ŊWED TIMOTHY 1:14

edi mfɔn Ɔbɔŋ nnyin ama awak eti-eti ɔnɔ mi, ɔkɔrɔ ye mbuɔtidem ye ima eke odude ke Christ Jesus.

TITUS 2:13

inyuŋ itie ibet eti idori-enyin ye eriyarare Ubɔŋ Akwa Abasi ye Andinyaŋa nnyin Christ Jesus;

MME HEBREW 3:6

edi Christ ke anam akpanikɔ nte Eyen, emi akarade ufɔk Abasi: ndien nnyin idi ufɔk Abasi emi, edieke nnyin isɔŋɔde imum uko nnyin ye mbure eke nnyin iburede ke idori-enyin nnyin tutu osim akpatre.

JAMES 1:18

Oto ke uduak Esie ke Enye akada ikɔ akpanikɔ aman nnyin, man nnyin ikpetie nte akpa mbuŋwum ke otu mmɔ emi Enye okobotde.

1 PETER 1:13

Mmɔdo efak ɔfɔŋ esit mbufo, efara ke idem, enyuŋ edori enyin ɔyɔhɔ-ɔyɔhɔ ke ufɔn eke edidade esɔk mbufo ke eriyarare Jesus Christ.

1 PETER 1:21

Oto Enye ke mbufo ebuɔt idem ye Abasi, emi akanamde Enye eset ke mkpa, onyuŋ ɔnɔde Enye ubɔŋ, kpaŋ mbuɔtidem ye idori-enyin mbufo ekpodu ke Abasi.

1 PETER 1:23

Ema ebon mbufo obufa, idige ke ubon eke edikpade, edi ke ubon eke midikemeke ndikpa, oto ke ikɔ Abasi, emi odude uwem onyuŋ ebigide ke nsinsi.

1 PETER 2:2

nte nsek-nditɔ, eyom ata mmɔŋ-eba Spirit, man mbufo eda enye ekɔri esim erinyaŋa,

1 PETER 3:15

edi eteŋe Christ ke esit mbufo nte Ɔbɔŋ. Kpukpru ini ebeŋe idem ndibɔrɔ kpukpru owo eke edibupde mbufo ntak idori-enyin emi mbufo enyenede; edi ekpeme ndibɔrɔ ke suŋ-suŋ ido ye ke ido uteŋe;

1 PETER 3:21

mmɔŋ eke ebietde mmɔŋ oro ke eda enyaŋa mbufo ke emi, oro edi baptism, emi midige eriyet ɔkɔp ikpɔhidem mfep, edi edide eribeŋe eke nnyin ibeŋede Abasi anam nnyin inyene edisana esit ke iso Esie, oto ke eriset Jesus Christ;

1 PETER 3:5

Koro ntem ke nti iban, emi ekedoride enyin ye Abasi, ekam esibana idem ke eyo oko;

1 JOHN 2:29

Edieke mbufo efiɔkde ete, Enye edi edinen, efiɔk ŋko ete edi Enye okobon kpukpru owo eke enamde edinen ido.

1 JOHN 3:3

Kpukpru owo eke edoride enyin ke Enye ntem enam idem asana, kpa nte Enye asanade.

1 JOHN 3:9

Baba owo kiet eke Abasi okobonde inamke idiɔk-ŋkpɔ, koro se Abasi adade obon enye nte eyen oduŋde enye ke idem; enye inyuŋ ikemeke ndinam idiɔk-ŋkpɔ, sia edide Abasi okobon enye.

1 JOHN 4:7

Ndima, eyak nnyin ima kiet eken; koro ima oto Abasi; kpukpru owo eke emade-ma, edi Abasi okobon mmɔ, mmɔ enyuŋ efiɔk Abasi.

1 JOHN 5:1

KPUKPRU owo eke enimde ete, Jesus edi Christ, edi Abasi okobon enye; ndien kpukpru owo eke emade Enye emi edide Andibon, ema enye emi Enye okobonde ŋko.

1 JOHN 5:18

Nnyin imɔfiɔk ite, kpukpru owo emi Abasi okobonde inamke idiɔk. Eyen Abasi, emi Abasi okobonde, ekpeme enye, andidiɔk inyuŋ itukke enye ubɔk.

1 JOHN 5:4

Koro kpukpru owo eke Abasi okobonde ekan ererimbot; ndien emi edi erikan eke akakande ererimbot, kpa mbuɔtidem nnyin.