1 PETER 1:23 - Edisana ñwed Abasi Ibom

²³ Ema ebon mbufo obufa, idige ke ubon eke edikpade, edi ke ubon eke midikemeke ndikpa, oto ke ikɔ Abasi, emi odude uwem onyuŋ ebigide ke nsinsi.

1 PETER 1:23 ပူးပေါင်းရင်းမြစ်များ

JEREMIAH 23:28

Yak prophet eke ndap odude ye enye etiŋ ndap; ndien yak owo eke ikɔ mi odude ye enye, etiŋ ikɔ mi akpan-akpan. Ikpɔk ibokpot asaŋa nso ye idem ibokpot? Jehovah ɔdɔhɔ.

LEVITICUS 11:37

Ndien adaŋemi okpo mmɔ ɔduɔde, ke uduot ŋkpɔ ekededi eke etɔde, enye edidi edisana.

MALACHI 2:3

Sese, nyeduari mkpasip mbaŋa mbufo; nnyuŋ ntiam ifuɔ nduɔk mbufo ke iso, kpa ifuɔ usɔrɔ mbufo; ndien owo eyemen mbufo efep ɔkɔrɔ ke esit.

MATTHEW 24:35

Enyɔŋ ye isɔŋ eyebe efep, edi ikɔ Mi idibehe ifep.

LUKE 8:11

Ŋke oro edi emi. Mkpasip edi ikɔ Abasi.

JOHN 1:13

emi mimanake oto ke iyip, mme ke erinyime obukidem, mme ke erinyime owo, edi emana oto Abasi.

JOHN 1:3

Oto ke Enye ekenam kpukpru ŋkpɔ; ndien mitoho ke Enye, inamke ŋkpɔ baba kiet eke ekenamde.

JOHN 3:3

Jesus ɔbɔrɔ enye ete, ke akpanikɔ ke ndɔhɔ fi nte, Edieke owo mitɔŋɔke ntak imana, enye ikemeke ndikut Obio Ubɔŋ Abasi.

JOHN 3:5

Ke akpanikɔ ke ndɔhɔ fi nte, Edieke owo mimanake oto ke mmɔŋ ye Spirit, enye ikemeke ndiduk ke Obio Ubɔŋ Abasi.

JOHN 6:63

Edi spirit anam owo odu uwem: obukidem inɔŋɔ owo baba udori kiet: mme ikɔ oro ŋketiŋde nnɔ mbufo edi spirit enyuŋ edi uwem.

ŊWED MBON ROME 1:23

edi mmɔ ekabare ndisime; mmɔ ekpuhɔre ubɔŋ Abasi emi odude uwem ke nsinsi, esin ke mbiet idem owo eke enyenede ndikpa, ye ke mbiet inuen, ye eke unam ukot inaŋ, ye se inyɔnide.

MME HEBREW 4:12

Koro ikɔ Abasi enyene uwem, onyuŋ ananam ŋkpɔ, onyuŋ ɔsɔp akan kpukpru ofut iso iba, okim abahare ukpɔŋ ye spirit, ye ikek ye ndia; onyuŋ enyene ukeme ndiduŋɔre ekikere ye uduak esit owo.

JAMES 1:18

Oto ke uduak Esie ke Enye akada ikɔ akpanikɔ aman nnyin, man nnyin ikpetie nte akpa mbuŋwum ke otu mmɔ emi Enye okobotde.

1 PETER 1:25

Edi ikɔ Abasi eyebigi ke nsinsi. Emi onyuŋ edi ikɔ gospel emi ekɔkwɔrɔde enɔ mbufo.

1 PETER 1:3

Itoro enyene Abasi ye Ete Ɔbɔŋ nnyin Jesus Christ, emi, nte asaŋade ekekem ye akwa mbɔm Esie, okobonde nnyin obufa ada esin ke odu-uwem idori-enyin oto ke eriset Jesus Christ ke mkpa;

1 JOHN 3:9

Baba owo kiet eke Abasi okobonde inamke idiɔk-ŋkpɔ, koro se Abasi adade obon enye nte eyen oduŋde enye ke idem; enye inyuŋ ikemeke ndinam idiɔk-ŋkpɔ, sia edide Abasi okobon enye.

1 JOHN 5:18

Nnyin imɔfiɔk ite, kpukpru owo emi Abasi okobonde inamke idiɔk. Eyen Abasi, emi Abasi okobonde, ekpeme enye, andidiɔk inyuŋ itukke enye ubɔk.