1 PETER 1:21 - Edisana ñwed Abasi Ibom

²¹ Oto Enye ke mbufo ebuɔt idem ye Abasi, emi akanamde Enye eset ke mkpa, onyuŋ ɔnɔde Enye ubɔŋ, kpaŋ mbuɔtidem ye idori-enyin mbufo ekpodu ke Abasi.

1 PETER 1:21 ပူးပေါင်းရင်းမြစ်များ

ŊWED MME PSALM 42:5

Ukpɔŋ mi, nsinam afo ɔfuhɔde, onyuŋ etimerede mi ke idem? Dori enyin ye Abasi; koro nyesuk ŋkɔm enye ke erinyaŋa iso esie.

JEREMIAH 17:7

Osuk ɔfɔfɔn ɔnɔ owo eke ɔbuɔtde idem ye Jehovah, eke Jehovah onyuŋ edide iberedem esie.

MATTHEW 28:18

Edi Jesus asaŋa ekpere mmɔ, onyuŋ ɔdɔhɔ mmɔ ete, Enɔ Mi ofuri odudu ke heaven ye ke isɔŋ.

JOHN 12:44

Edi Jesus ofiori ɔkpɔsɔŋ ete, Owo eke ɔbuɔtde idem ye ami ibuɔtke idem ye Ami, edi ɔbuɔt ye Enye emi ɔkɔdɔŋde Mi:

JOHN 14:1

EKUYAK esit otimere mbufo: ebuɔt idem ye Abasi, enyuŋ ebuɔt idem ye ami.

JOHN 14:6

Jesus ɔbɔrɔ enye ete, Ami ndi usuŋ ye akpanikɔ ye uwem: owo baba kiet itieneke Ete, ibɔhɔke ebe ke ami.

JOHN 17:1

JESUS etiŋ mme ikɔ emi; ndien emenere enyin ese enyɔŋ, onyuŋ ɔdɔhɔ ete, Ete, ini emedi; nɔ Eyen Fo ubɔŋ, man Eyen Fo ɔnɔ Fi ubɔŋ;

JOHN 17:24

Ete, mmoyom nte mmɔ emi Afo ɔkɔnɔde Mi edidu ye ami ke ebiet eke ndude; man mmɔ ekut ubɔŋ Mi emi Afo ɔkɔnɔde Mi: koro Afo akamama Mi, ndien ediwuk adaha ererimbot.

JOHN 17:5

Ndien ke emi, Ete, da ubɔŋ, eke ŋkenyenede ye Afo ndien ererimbot edidu, nɔ Mi.

JOHN 3:34

Koro Enye emi Abasi okosiode ɔdɔŋ etiŋ ikɔ Abasi: koro Abasi idomoke domo Spirit inɔ Enye.

UTOM MME APOSTLE 2:24

Edi Abasi amatat ubiak mkpa anam Enye eset: koro mkpa mikemeke ndimum Enye ŋkama.

UTOM MME APOSTLE 3:13

Abasi Abraham ye eke Isaac ye eke Jacob, Abasi mme ete nnyin, amada ubɔŋ ɔnɔ Owo Esie Jesus; emi mbufo ekedade enɔ, enyuŋ ekaŋde ke iso Pilate, ke ini enye aduakde ndisana Enye nyak.

UTOM MME APOSTLE 3:15

edi Abasi amanam Enye eset ke mkpa; emi nnyin idide mme ntiense.

UTOM MME APOSTLE 4:10

eyak kpukpru mbufo ye kpukpru mbon Israel efiɔk ete, ke enyiŋ Jesus Christ eyen Nazareth, emi mbufo ekewotde ke cross, emi Abasi akanamde eset ke mkpa, edi enyiŋ emi esin owo emi ada ke iso mbufo ye nsɔŋidem.

ŊWED MBON ROME 10:9

Koro edieke afo adade inua fo onyime ete Jesus edi Ɔbɔŋ, onyuŋ onimde ke akpanikɔ ke esit fo ete, Abasi akanam Enye eset ke mkpa, eyebɔhɔ:

ŊWED MBON ROME 4:24

ekewet kabaŋa nnyin ŋko; edibat mbuɔtidem enɔ nnyin, emi ibuɔtde idem ye Enye emi akanamde Jesus Ɔbɔŋ nnyin eset ke mkpa;

2 ŊWED CORINTH 6:15

Nso udeme ke edinen ido enyene ye ukwaŋido? Nso abuana ke uŋwana enyene ye ekim? Nso nduk ke Christ oduk ye Belial? Nso udeme ke andinim ke akpanikɔ enyene ye owo eke minimke ke akpanikɔ?

ŊWED MBON EPHESUS 1:15

Mmɔdo ami nde, ke mma ŋkokop mbaŋa mbuɔtidem eke mbufo enyenede ye Ɔbɔŋ Jesus,

ŊWED MBON COLOSSAE 1:27

Emi Enye onyimede ndisian mmɔ uwak ubɔŋ eke odude ke ndibe-ŋkpɔ emi ke otu mme Gentile, ete, Christ ke odudu ke esit mbufo nte idori-enyin ubɔŋ;

1ŊWED TIMOTHY 1:1

AMI Paul, emi ndide apostle Christ Jesus, nte ekemde ye uyo Abasi Andinyaŋa nnyin ye eke Christ Jesus idori-enyin nnyin, ŋwet ŋwed emi nnɔ esɔk Timothy, ata eyen mi ke mbuɔtidem;

1ŊWED TIMOTHY 3:16

Owo ikemeke ndineni ete ido Abasi edi akwa ndibe-ŋkpɔ; Edi Enye emi akayararede Idem Esie ke obukidem; Ewut Enye nte edinen ke Spirit; Enye owut idem ɔnɔ mme angel; Ekwɔrɔ Enye ke otu mme idut, Ebuɔt idem ye Enye ke ererimbot. Emen Enye edɔk ke ubɔŋ.

MME HEBREW 2:9

Edi nnyin ikut Enye, emi ekenamde Enye ekpri akan mme angel ke ini esisit kaŋa man Enye akpa mkpa, kpa Jesus, nte ayarade ubɔŋ ye ukpono man ke mfɔn Abasi Enye akpatabi mkpa ke ibuot kpukpru owo.

MME HEBREW 6:1

EYAK nnyin ikpɔŋ ndien nditiŋ mbaŋa akpa eritɔŋɔ ukpep-ŋkpɔ Christ, isin idem ibine ifiɔk eke ɔfɔnde ama; ikutɔŋɔ ntak inim ukot ifiɔk ke erikpep mbaŋa erikabare-esit ke utom mkpa,

MME HEBREW 7:25

Ke ntak emi Enye onyuŋ ekeme ndinyaŋa mmɔ emi esaŋade ke Enye ekpere Abasi ɔyɔhɔ-ɔyɔhɔ, sia enye odude uwem ke nsinsi ndinam mkpe-ubɔk nnɔ mmɔ.

1 PETER 1:11

mmɔ eduŋɔre eyom ndifiɔk ini mme oruk ini eke Spirit Christ emi odude mmɔ ke esit asiakde, ke ini Enye ebemde iso etiŋ abaŋa mme ndutuhɔ Christ, ye ubɔŋ eke editienede mmɔ ke edem.

1 PETER 1:3

Itoro enyene Abasi ye Ete Ɔbɔŋ nnyin Jesus Christ, emi, nte asaŋade ekekem ye akwa mbɔm Esie, okobonde nnyin obufa ada esin ke odu-uwem idori-enyin oto ke eriset Jesus Christ ke mkpa;

1 PETER 3:22

emi ama ɔnyɔŋ ke heaven eketie ke ubɔk nnasia Abasi, ke ema ekosuk mme angel ye mme andikara ye mme odudu esin ke idak Esie.