1 PETER 1:2 - Edisana ñwed Abasi Ibom

² emi Abasi Ete ekemekde mmɔ, nte asaŋade ekekem ye mbem-iso ifiɔk Esie, emi Spirit onyuŋ osuk ananam mmɔ esana, man mmɔ ekpesuk ibuot enɔ Jesus Christ, Enye okponyuŋ ada iyip Esie osime mmɔ ke idem. Mfɔn ye emem akpakam osim mbufo uwak-uwak.

1 PETER 1:2 ပူးပေါင်းရင်းမြစ်များ

ISAIAH 55:7

yak idiɔk owo ɔkpɔŋ usuŋ esie, yak oburobut owo ɔkpɔŋ ekikere esie: onyuŋ afiak etiene Jehovah: ndien enye eyetua enye mbɔm; etiene Abasi nnyin, koro Enye eyewak ndidahado.

ISAIAH 65:22

Mmɔ idibɔpke, ndien owo eŋwen oduŋ; iditɔhɔ, ndien owo efen adia: koro usen ikɔt mi ebietde usen eto, ndien nedimek ikɔt mi eyedia se ubɔk mmɔ enamde.

ISAIAH 65:9

Ndien nyeda mkpasip ke Jacob, ye owo eke adade ikpɔ obot mi enyene ke Judah, ŋwɔrɔ: ndien ndimek owo mi eyeda enye enyene, ikɔt mi eyenyuŋ eduŋ do.

DANIEL 4:1

NEBUCHADNEZZAR edidem ɔkɔm kpukpru mme idut ye obio, ye usem, emi eduŋde ke ofuri ererimbot, ete, Yak emem mbufo okpon.

DANIEL 6:25

Ndien Darius edidem ewet ɔnɔ kpukpru mme idut, ye obio, ye usem eke eduŋde ke ofuri ererimbot, ete, Emem mbufo akpakam awak.

LEVITICUS 1:5

Ndien yak enye owot enaŋ oro ke iso Jehovah: ndien nditɔ Aaron, mme oku, eda iyip esie edi, enyuŋ esime iyip oro ke itie-uwa emi ekperede enyin-usuŋ tent esop, ekanare ekuk.

MATTHEW 24:22

Ndien ke mikpesibeke mme usen oro emuhɔ, baba owo kiet ikpɔbɔhɔke; edi kabaŋa ndimek ikɔt Abasi eyesibe mme usen oro emuhɔ.

MATTHEW 24:24

Koro mme christ nsu ye mme prophet nsu eyedaha eda, enyuŋ ewut ikpɔ mme idiɔŋɔ ye mme utibe-ŋkpɔ man, edieke mmɔ ekpekemede, eda ndimek ikɔt Abasi ewaha ekpɔŋ usuŋ.

MATTHEW 24:31

Ndien Enye eyesio mme angel Esie ɔdɔŋ ye akwa uyom ukorowo, mmɔ eyenyuŋ etaŋ ndimek ikɔt Esie ke ikpehe ofim mbinaŋ ebon ɔtɔ kiet, ɔtɔŋɔde ke utit heaven kiet tutu osim eken.

MARK 13:20

Koro mikpedige nte Ɔbɔŋ ama esibe mme usen oro emuhɔ, baba owo kiet ikpɔbɔhɔke: edi kabaŋa ndimek ikɔt Esie, emi Enye emekde, Enye ama esibe mme usen oro emuhɔ.

MARK 13:22

ekunim ke akpanikɔ; mme Christ nsu ye mme prophet nsu eyewɔrɔ edi, eyenyuŋ ewut mme idiɔŋɔ ye mme utibe ŋkpɔ, man, edieke mmɔ ekpekemede, eda ndimek ikɔt Abasi ekpɔŋ usuŋ.

MARK 13:27

Ndien Enye eyesio mme angel ɔdɔŋ editaŋ ndimek ikɔt Esie eto ke ikpehe ofim mbinaŋ ebon ɔtɔ kiet, ɔtɔŋɔde ke ata utit isɔŋ tutu osim ata utit ikpa-enyɔŋ.

LUKE 18:7

Nte Abasi idinyuŋ isioho usiene inɔ ndimek ikɔt Esie, emi esemede enɔ Enye uwem-eyo ye okoneyo, okposuk edi nte Enye emede anyan ime ke ikɔ mmɔ?

UTOM MME APOSTLE 15:18

Ntem ke Jehovah, emi anamde owo efiɔk ŋkpɔ emi toto ke eritɔŋɔ ererimbot, ɔdɔhɔ.

UTOM MME APOSTLE 2:23

ke ɔkpɔsɔŋ uduak ye mbe-iso ifiɔk Abasi ke ekeda kpa Jesus emi eyak ke ubɔk mme anana-ibet, ekɔŋ ke cross ewot.

UTOM MME APOSTLE 20:32

Ndien ke emi mmayak mbufo nsin ke ubɔk Abasi, ye ke ikɔ mfɔn Esie, emi enyenede odudu ndinam mbufo ekɔri esɔŋɔ idem, nnyuŋ nnɔ mbufo udeme ke otu mmɔ emi enamde mmɔ esana.

ŊWED MBON ROME 1:5

(emi ke ubɔk Esie ke mma mbɔ mfɔn ye idaha apostle, ndida nnam kpukpru mme idut esuk ibuot ke mbuɔtidem, kabaŋa enyiŋ Esie:

ŊWED MBON ROME 1:7

ewet ɔnɔ esɔk kpukpru mmɔ emi edukde Ke Rome emi Abasi amade, onyuŋ okotde ete edidi ndisana ikɔt Esie. Mfɔn ye emem, emi etode ke ubɔk Abasi Ete nnyin ye Ɔbɔŋ Jesus Christ, akpakam odoro mbufo.

ŊWED MBON ROME 11:2

Abasi ikɔduɔkke ikɔt Esie emi Enye ekebemde iso ɔfiɔk. Mme nte mbufo ifiɔkke se Ŋwed Abasi ɔdɔhɔde ke se ewetde ebaŋa Elijah? adaŋa nte enye ekpede Abasi ubɔk abiat Israel ete,

ŊWED MBON ROME 11:28

Ke ŋkaŋ gospel, mmɔ edi mme asua kabaŋa mbufo: edi ke ŋkaŋ erimek, Abasi ama mmɔ kabaŋa mme ete mmɔ.

ŊWED MBON ROME 15:16

ŋkpedi asaŋa-utom Christ Jesus nnɔ mme Gentile, ŋkpe-nyuŋ ŋkama gospel nte oku Abasi, man oto do eriwa mme Gentile akpakabare edi se Abasi adarade ndibɔ, sia Edisana Spirit ama anam enye asana.

ŊWED MBON ROME 16:19

Kpukpru owo ema ekop etop nsuk-ibuot mbufo; emi esin mi mbure mbure mbaŋa mbufo. Edi mmoyom mbufo edi mme ɔfiɔk-ŋkpɔ ke erinam eti, enyuŋ edi ɔkɔi ke erinam idiɔk.

ŊWED MBON ROME 16:26

Emi enyuŋ edade se mme prophet ekewetde, nte nsinsi Abasi ɔkɔnɔde uyo, enam kpukpru mme idut efiɔk, man mmɔ esuk ibuot ke mbuɔtidem:

ŊWED MBON ROME 8:13

Koro edieke mbufo edude uwem nte obukidem etemede, mbufo enyene ndikpa; edi edieke mbufo edade spirit, mbufo ewot erinam eke obukidem anamde, mbufo eyedu uwem.

ŊWED MBON ROME 8:33

Anie edidori ndimek ikɔt Abasi ikɔ?

1 ŊWED CORINTH 1:30

Edi mbufo edi ubon emi Enye okobonde ke Christ Jesus, emi Abasi akanamde akabare edi ifiɔk ɔnɔ nnyin, kpa edinen-ido, ye erikabare-ndi-edisana, ye uwɔrɔ-ufin;

1 ŊWED CORINTH 6:11

Ndien ndusuk mbufo eketie ntem; edi ema eyet mbufo, ema enam mbufo esana, ema etebe mbufo ikpe ke enyiŋ Ɔbɔŋ Jesus Christ, ye ke Spirit Abasi nnyin.

2 ŊWED CORINTH 10:5

Nnyin iwuri ekikere esit owo, ye kpukpru edikoŋ ŋkpɔ eke emenerede idem ke enyɔŋ eŋwana ye ifiɔk Abasi; inyuŋ imum kpukpru ekikere nte mbuot-ekɔŋ, inam mmɔ esuk ibuot enɔ Christ;

2 ŊWED CORINTH 13:14

Mfɔn Ɔbɔŋ Jesus Christ, ye ima Abasi, ye nsaŋa Edisana Spirit, akpakam odu ye mbufo kpukpru.

DEUTERONOMY 7:6

Koro afo edide edisana ikɔt Jehovah Abasi fo: Jehovah Abasi fo ama emek fi ete edi ata ikɔt imɔ akan kpukpru mme idut emi edude ke iso ererimbot.

ŊWED MBON COLOSSAE 3:12

Nte mmɔ emi Abasi ekemekde, emi Abasi akanamde mmɔ esana onyuŋ amade, eda ndien esit mbɔm esine, ye mfɔn-ido, ye nsuk-idem, ye ifure-ifure ido, ye ime;

2 ŊWED THESSALONICA 2:13

Edi ana ɔnɔ nyin ndikɔm Abasi kpukpru ini mbaŋa mbufo, nditɔ-ete emi Ɔbɔŋ amade, koro Abasi ama ɔkɔtɔŋɔ ke eritɔŋɔ emek mbufo ɔnɔ erinyaŋa, ke erinam mbufo esana ke Spirit, ye ke erinam mbufo ebuɔt idem ke akpanikɔ Esie.

2 ŊWED TIMOTHY 2:10

Ntre ke mme ime ye kpukpru ŋkpɔ mbaŋa mmɔ emi Abasi ekemekde, man mmɔ ŋko enyene erinyaŋa emi odude ke Christ Jesus, enyuŋ ebɔ nsinsi ubɔŋ.

TITUS 1:1

AMI Paul, emi ndide owo Abasi ye apostle Jesus Christ, man ndimek ikɔt Abasi enyene mbuɔtidem, enyuŋ enyene ifiɔk akpanikɔ eke asaŋade ye uteŋe Abasi, ke idori-enyin nsinsi uwem;

MME HEBREW 10:22

eyak nnyin isaŋa ikpere ye esit akpanikɔ ke ɔyɔhɔ mbuɔt-idem idem, ye esit eke esimede esio ifiɔk idiɔk-ŋkpɔ efep ye idem eke eyetde ke ata mmɔŋ:

MME HEBREW 11:28

Oto mbuɔtidem enye onim passover ye erisime iyip, mbak andisobo akpan edituk mmɔ.

MME HEBREW 12:24

ye Jesus emi edide esine-ufɔt obufa ediomi, ye erisime iyip, eke etiŋde se ifɔnde ikan iyip Abel.

MME HEBREW 5:9

ndien ke ema ekenam Enye ɔfɔn ama, Enye akabare edi ntak nsinsi erinyaŋa ɔnɔ kpukpru owo emi ekopde uyo Esie;

1 PETER 1:14

Nte nditɔ nsuk-ibuot, ekukama aba idem ekekem ye mme idiɔk udɔŋ eke mbufo ekenyenede, ke adaŋemi enanade ifiɔk;

1 PETER 1:19

edi ekada iyip eke ɔsɔŋde urua efak mbufo, nte iyip eyen-erɔŋ eke ananade ndo onyuŋ ananade ntɔi, kpa eke Christ:

1 PETER 1:20

emi Abasi ekebemde iso onim ndien ediwuk adaha ererimbot emi; ema enyuŋ eyarare Enye ke ukperedem ini emi, man ɔfɔn ye mbufo.

1 PETER 1:22

Sia mbufo ema ekeda nsuk-ibuot enɔ akpanikɔ enam ukpɔŋ mbufo esana, ekeme ndinyene ata ima nditɔ-ete, esɔŋɔ ema kiet eken ke ofuri esit.

1 PETER 2:9

Edi mbufo edi ubon eke emekde; edi mme oku edidem, edi edisana obio, edi ikɔt eke Abasi onimde ɔnɔ Idem Esie, man mbufo eka ekataŋa mme utibe erinam Esie, emi okokotde mbufo osio ke ekim, esin ke utibe uŋwana esie;

2 PETER 1:2

Mfɔn ye emem akpakam oto ke erifiɔk Abasi ye Jesus Ɔbɔŋ nnyin etiene mbufo uwak-uwak.

2 JOHN 1:1

EBIOWO ɔnɔ ŋwed emi esɔk eti ŋwan emi Abasi ekemekde, ye nditɔ esie emi mmade ke esit akpanikɔ; inyuŋ idige ami ikpɔŋ mma mmɔ, edi kpukpru mmɔ emi efiɔkde akpanikɔ;

2 JOHN 1:13

Nditɔ eyen-ete fo aŋwan, emi Abasi ekemekde, ete ekɔm mbufo.

JUDE 1:2

Mbɔm ye emem ye ima akpakam ɔdɔdiɔŋ etiene mbufo uwak-uwak.