1 PETER 1:19 - Edisana ñwed Abasi Ibom

¹⁹ edi ekada iyip eke ɔsɔŋde urua efak mbufo, nte iyip eyen-erɔŋ eke ananade ndo onyuŋ ananade ntɔi, kpa eke Christ:

1 PETER 1:19 ပူးပေါင်းရင်းမြစ်များ

EXODUS 12:5

Yak eyen ufene mbufo ɔfɔn ama, edi ayara, osim isua kiet: mbufo esioŋo enye edide ke erɔŋ, onyuŋ edide ke ebot.

ISAIAH 44:22

Mma nsɔhi mme ukwaŋ-ŋkpɔ fo nte idiɔk enyɔŋ mfep, nsɔhi mme idiɔk ido fo nte obubit enyɔŋ: fiak tiene mi: koro mfakde fi.

ISAIAH 53:7

Etuk enye, enye onyuŋ ɔsuhɔre idem esie onim, inyuŋ itatke inua esiemɔ; eda enye nte eyen-erɔŋ eka, ete ekewot, ndien kpa nte uman erɔŋ odopde inua ke iso mme andifat enye, kpa ntre enye inyuŋ itatke inua esiemɔ.

DANIEL 9:24

Edori urua ata ye duop ebaŋa oruk fo, ye edisana obio fo, eke edinamde ndudue okure, edinyuŋ emade idiɔk ido, enyuŋ esiode isop ukwaŋ-ŋkpɔ efep, eke enyuŋ edade nsinsi edinen iso eduk, enyuŋ enimde seal ke ŋkukut ye prophecy, enyuŋ eyetde Ata Edisana ke aran.

LEVITICUS 1:10

Ndien enɔ esie ama oto ke ŋkpri ufene, mme ke erɔŋ, mme ke ebot, ke eke edifɔp uwa, yak enye ada ayara eke ɔfɔnde ama ɔsɔk.

LEVITICUS 22:20

Mbufo ekuwa baba ŋkpɔ kiet eke obiomode ndo: koro midibɔhɔ mbufo ke ubɔk.

ZECHARIAH 13:7

Jehovah mme udim ɔdɔhɔ, ete, Ofut, demere yom ekpemerɔŋ mi, yom owo emi edide nsaŋa mi: kpi ekpemerɔŋ, ndien erɔŋ eyesuana: ndien nyekabare ubɔk mi nnam ŋkpri nditɔwɔŋ.

NUMBERS 7:27

Abak enaŋ kiet, ye okukim kiet, ye eyen erɔŋ isua kiet, ke edifɔp uwa:

NUMBERS 7:39

Abak enaŋ kiet, ye okukim kiet, ye eyen erɔŋ isua kiet, ke edifɔp uwa:

MATTHEW 20:28

kpa nte Eyen Owo mikedige, man enam ŋkpɔ enɔ Enye edi man Enye anam ŋkpɔ ɔnɔ owo, onyuŋ ɔnɔ uwem Esie ndifak ediwak owo.

MATTHEW 26:28

koro emi edi iyip Mi, eke obufa ediomi, emi eduɔkde ebaŋa ediwak owo, man efen mme idiɔk-ŋkpɔ mmɔ.

JOHN 1:29

Ke ndaŋ-nsiere John okut nte Jesus asaŋade ekpere enye, onyuŋ ɔdɔhɔ ete, Sese, Eyen-erɔŋ Abasi emi emende mme idiɔk-ŋkpɔ ererimbot efep.

JOHN 1:36

onyuŋ ɔdɔhɔ ete, Sese, Eyen-erɔŋ Abasi!

UTOM MME APOSTLE 20:28

Etim ese idem mbufo, ye ofuri otu erɔŋ, emi Edisana Spirit okonimde mbufo ke mme andikpeme mmɔ, ete ebɔk mbon ufɔk Abasi, emi Enye ekedepde ke iyip Esie.

ŊWED MBON ROME 3:25

emi Abasi okosiode onim ete edi uwa emem ke iyip Esie, oto ke mbuɔtidem; man Abasi ayarare edinen ido Esie, sia Enye ke ime osioŋode idem efep ke mme idiɔk-ŋkpɔ emi owo ekenamde ke ini eke ebede;

ŊWED MBON EPHESUS 1:7

Nnyin inyuŋ inyene ubɔhɔ-ufin nnyin ke Enye oto ke iyip Esie, kpa erifen mme idiɔk-ŋkpɔ nnyin, adaŋa nte mfɔn Esie awakde.

ŊWED MBON COLOSSAE 1:14

emi nnyin inyenede ubɔhɔ-ufin ke Enye, kpa erifen mme idiɔk-ŋkpɔ nnyin.

1 PETER 1:2

emi Abasi Ete ekemekde mmɔ, nte asaŋade ekekem ye mbem-iso ifiɔk Esie, emi Spirit onyuŋ osuk ananam mmɔ esana, man mmɔ ekpesuk ibuot enɔ Jesus Christ, Enye okponyuŋ ada iyip Esie osime mmɔ ke idem. Mfɔn ye emem akpakam osim mbufo uwak-uwak.

1 PETER 3:18

Koro Christ ŋko-ŋko ama akpa kabaŋa mme idiɔk-ŋkpɔ ini kiet, Edinen owo ke ibuot mmɔ emi minenke, man Enye ada nnyin ɔsɔk Abasi: ewot Enye ke obukidem, edi enam Enye edidu uwem ke Spirit.

1 JOHN 1:7

edi edieke nnyin isaŋade ke uŋwana, kpa nte Enye odude ke uŋwana, nnyin imoduk nduk ye kiet eken, ndien iyip Jesus Eyen Esie eyet nnyin isana ke kpukpru mme idiɔk-ŋkpɔ.

1 JOHN 2:2

Enye onyuŋ edi usio-isop mme idiɔk-ŋkpɔ nnyin, inyuŋ idige eke nnyin ikpɔŋ, edi eke ofuri ererimbot nde.

ERIYARARE 1:5

onyuŋ oto Jesus Christ, emi edide ntiense emi anamde akpanikɔ, andibem iso mmana ke otu mme akpa-mkpa, ye andikara ndidem isɔŋ. Enye emi amade nnyin, okonyuŋ adade iyip Esiemɔ atat nnyin uruk mme idiɔk-ŋkpɔ nnyin;

ERIYARARE 14:1

EKEM ŋkut, ndien sese, Eyen-erɔŋ ke adada ke Obot Zion, thousand owo ikie ye aba ye inaŋ enyuŋ eda ye Enye, kpa mmɔ emi ekewetde enyiŋ Esie ye enyiŋ Ete Esie ke ɔkpɔ-iso mmɔ.

ERIYARARE 14:5

Ndien owo ikwe mmɔ abiaŋa ke inua; mmɔ inyuŋ inyeneke ndo.

ERIYARARE 5:6

Ndien ŋkut ke ufɔt ebekpo, ye ke ufɔt ŋkpɔ-uwem inaŋ, ye ke ufɔt mbiowo, Eyen-erɔŋ adade do, nte ŋkpɔ eke ekewotde Enye; Enye onyuŋ enyene nduk itiaba ye enyin itiaba, emi edide mme Spirit Abasi itiaba, emi esiode edɔŋ ke ofuri isɔŋ.

ERIYARARE 5:9

Ndien mmɔ ekwɔ obufa ikwɔ ete, Afo omodot ndida ŋwed, ndinyuŋ ndianare mme ufik-ŋkpɔ esie; koro ekewotde Fi, Afo ama onyuŋ ada iyip fo osio owo ke kpukpru esien, ye usem, ye obio, ye idut, afak mmɔ ɔnɔ Abasi;

ERIYARARE 7:14

Ndɔhɔ enye nte, Ɔbɔŋ mi, afo ɔmɔfiɔk. Ekem enye ɔdɔhɔ mi ete, Mmɔ oro edi mmɔ emi eketode ke akwa ukut ewɔŋɔ, ekenyuŋ eyetde ɔfɔŋidem mmɔ enam afia ke iyip Eyen-erɔŋ.