1 PETER 1:17 - Edisana ñwed Abasi Ibom

¹⁷ Ndien edieke mbufo esemede ekot Enye nte Ete, emi miteŋeke owo enyin, edi ebierede ikɔ ɔnɔ owo nte erinam esie edide, edu uwem ke ndik ke ini ndaŋ mbufo mi;

1 PETER 1:17 ပူးပေါင်းရင်းမြစ်များ

GENESIS 47:9

uwem fo edi ifaŋ? Ndien Jacob ɔdɔhɔ Pharaoh ete, Isua emi ndaŋde edi isua ikie ye edip ye duop: isua uwem mi iwakke, mmɔ ediɔk, inyuŋ isimke isua uwem mme ete mi eke mmɔ ekedaŋde.

1 CHRONICLES 29:15

Ŋkɔm nnyin idi isen owo ke iso fo, ye oduduŋ ke iso fo, nte kpukpru mme ete nnyin: mme usen nnyin ke isɔŋ ebiet mfut, idorenyin inyuŋ iduhe.

2 CHRONICLES 19:7

Eyak ndik Jehovah odoro mbufo, ndien; ekpeme idem enyuŋ enam: koro baba mme ukwaŋ-ŋkpɔ miduhe ye Jehovah Abasi nnyin, baba uteŋe-enyin, baba erida enɔ.

ŊWED JOB 34:19

Man ɔdɔhɔ enye emi miteŋeke mbɔŋ enyin, minyuŋ isehe mbon inyene ikan ubuene: koro edi ubɔk esie akanam kpukpru.

ŊWED MME PSALM 39:12

O Jehovah, kop mkpeubɔk mi, nyuŋ kpaŋ utɔŋ ke eseme mi; kudop uyo unɔ mmɔŋeyet mi: koro ami ndide esen owo ye afo, ye oduduŋ, kpa nte kpukpru mme ete mi ekedide.

ŊWED MME PSALM 89:26

Enye eyeseme okot mi, ete, Afo edi ete mi ye Abasi mi, ye akwa itiat erinyaŋa mi.

MME ŊKE 14:16

Enyene-ibuot owo efehe ndik, onyuŋ ɔwɔŋɔre ɔkpɔŋ idiɔk: edi ndisime owo eseri iseri, onyuŋ ɔsɔŋ enyin.

MME ŊKE 28:14

Ɔfɔn ɔnɔ owo eke osuk abakde (Abasi) kpukpru ini: edi owo eke anamde esit esie ɔsɔŋ eyeduɔ ke idiɔk.

JEREMIAH 3:19

Edi ami ndɔhɔ nte, Ndinam didie nsin fi ke otu nditɔ mi, nnyuŋ nnɔ fi isɔŋ inemesit, kpa ata ediye udeme udim mme idut? Ndien ndɔhɔ nte, Kot mi, ete, Ete mi: kunyuŋ ufiak edem ukpɔŋ mi.

ZEPHANIAH 3:9

Koro ke ini oro nyekabare edisana mkpɔk-inua nnɔ mme idut: man kpukpru mmɔ ekot enyiŋ Jehovah, man enam ŋkpɔ enɔ enye ke esit kiet.

MATTHEW 16:27

Koro Eyen Owo ɔmɔŋ edidi ke ubɔŋ Ete Esie ye mme angel Esie, ndien ke ini oro Enye eyenɔ owo kiet kiet nte utom esie edide.

MATTHEW 22:16

Ndien mmɔ esio mbet mmɔ ye mme Herodian edɔŋ ke ɔtɔ Esie, ete, Andikpep, nnyin imɔfiɔk ite Afo edi akpanikɔ, onyuŋ ekpep owo usuŋ Abasi ke akpanikɔ, unyuŋ ukereke owo; koro Afo uteŋeke owo enyin.

MATTHEW 6:9

Ebɔŋ akam ntem ndien, ete, Ete nnyin emi odude ke heaven: Yak ikpono enyin Fo,

ŊWED MBON ROME 11:20

Edi ntre: ekewak mmɔ eduɔk oto ke unana mbuɔtidem mmɔ, afo onyuŋ ada do ke mbuɔtidem fo.

2 ŊWED CORINTH 1:2

Mfɔn ye emem akpakam oto Abasi Ete nnyin ye Ɔbɔŋ Jesus Christ osim mbufo.

2 ŊWED CORINTH 5:6

Mmɔdo nnyin ikokop isɔŋ-esit kpukpru ini, inyuŋ ifiɔk ite, adaŋa ini nte nnyin idodu ke ikpɔhidem, iduhe ɔtɔ kiet ye Ɔbɔŋ;

2 ŊWED CORINTH 7:1

SIA nnyin imenyene mme uŋwɔŋɔ emi, ndima mi, eyak nnyin iyet kpukpru se isabarede obukidem ye spirit ifep ke idem nyin, inam nti ido nnyin efɔn ema ke eribak Abasi.

2 ŊWED CORINTH 7:11

edi mfuhɔ ido ererimbot ɔsuŋɔ ke mkpa. Mbufo ese kpa idem erifuhɔ emi mbufo efuhɔde, eke ekemde ye ido Abasi; nte enye anamde mbufo etiŋ enyin ekere ŋkpɔ, nte enye esinde mbufo ekaŋ idem, enyuŋ eyat esit; enyuŋ ekop ndik, enyuŋ enyene udɔŋ, enyuŋ ekop ufup, enyuŋ esio usiene. Ke kpukpru usuŋ mbufo emowut idem nte owo emi esanade ke ŋkpɔ emi.

ŊWED MBON GALATIA 2:6

Edi mmɔ oro ebatde ke ikpɔ owo (mmɔ edi se ededi, ibeheke mi do; Abasi iteŋeke owo enyin)—mme ɔwɔrɔ-etop oro ikɔrɔke mi baba obufa item kiet;

ŊWED MBON EPHESUS 1:17

Mmebeŋe nte Abasi Ɔbɔŋ nnyin Jesus Christ, Ete ubɔŋ akpakam ɔnɔ mbufo spirit ɔniɔŋ ye eriyarare, emi mbufo edidade efiɔk Enye;

ŊWED MBON EPHESUS 3:14

Ke ntak emi ntɔŋɔ edɔŋ nnɔ Ete,

ŊWED MBON EPHESUS 6:9

Ndien mbufo mme ete, enam kpa ntem ye mmɔ, enyuŋ etre nditiŋ ikɔ ndikhe; sia efiɔkde ete, Ete mmɔ ye eke mbufo odu ke heaven; Enye inyuŋ iteŋeke owo enyin.

DEUTERONOMY 10:17

Koro Jehovah mbufo edide Abasi mme abasi, ye ɔbɔŋ mme mbɔŋ, Abasi emi edide ata akwa, ye ɔkpɔsɔŋ, ye akpakop, emi miteŋeke owo baba kiet enyin, minyuŋ ibɔhɔ enɔ:

ŊWED MBON PHILIPPI 2:12

Ntre, ndima mi, kpa nte mbufo ekam esukde ibuot enɔ uyo mi kpukpru ini, idige ke ini ndude ye mbufo ikpɔŋ, edi akpan-akpan ke ini mmenduhe ye mbufo, esaŋa ke ndik ye nnyek-idem enam erinyaŋa mbufo ɔwɔrɔ usuŋ;

ŊWED MBON COLOSSAE 3:25

Koro owo eke anamde se idiɔkde eyebɔ utip idiɔk ŋkpɔ oro enye akanamde; Abasi iteŋeke owo enyin.

MME HEBREW 12:28

Mmɔdo sia nnyin inyenede Obio Ubɔŋ eke ŋkpɔ mikemeke ndinyeŋe, yak nnyin inyene esit ekɔm, inyuŋ ida emi inɔ Abasi, utom eke enemde Enye esit ke ukpono ye uteŋe.

MME HEBREW 4:1

MMƆDO sia uŋwɔŋɔ eriduk ke nduɔk-odudu Esie ɔsuhɔde, eyak nnyin ifehe ndik, mbak owo mbufo ekededi editie nte ŋkpɔ eke enye atabade nduɔk-odudu oro.

1 PETER 2:11

Ndima mi, mmebeŋe mbufo nte oduduŋ ye mbon isaŋ, nte, edianare ekpɔŋ idiɔk udɔŋ obukidem, emi eŋwanade ye ukpɔŋ owo.

1 PETER 3:15

edi eteŋe Christ ke esit mbufo nte Ɔbɔŋ. Kpukpru ini ebeŋe idem ndibɔrɔ kpukpru owo eke edibupde mbufo ntak idori-enyin emi mbufo enyenede; edi ekpeme ndibɔrɔ ke suŋ-suŋ ido ye ke ido uteŋe;