1 PETER 1:13 - Edisana ñwed Abasi Ibom

¹³ Mmɔdo efak ɔfɔŋ esit mbufo, efara ke idem, enyuŋ edori enyin ɔyɔhɔ-ɔyɔhɔ ke ufɔn eke edidade esɔk mbufo ke eriyarare Jesus Christ.

1 PETER 1:13 ပူးပေါင်းရင်းမြစ်များ

1 NDIDEM 18:46

Ndien ubɔk Jehovah odoro Elijah ke idem; ndien enye ɔbɔbɔ mbɔbɔ ke isin esie, onyuŋ ebem Ahab iso efehe tutu osim ke inua-otop Jezreel.

2 NDIDEM 4:29

Ndien Elisha ɔdɔhɔ Gehazi, ete, Bɔbɔ mbɔbɔ ke isin, nyuŋ da esaŋ mi ke ubɔk fo, ka: okut owo ke usuŋ, kukɔm enye; owo onyuŋ ɔkɔm fi, kuyere enye; ndien dori eyen oro esaŋ mi ke iso.

ŊWED JOB 38:3

Bɔbɔ ndien mbɔhɔ ke isin fo nte eren-owo, ndien nyebup fi: ndien sian mi.

ŊWED JOB 40:7

Bɔbɔ ndien mbɔbɔ ke isin fo nte eren-owo: nyebup fi, ndien sian mi.

EXODUS 12:11

Ndien ntem ke mbufo edita enye; ebɔbɔ mbɔbɔ mbufo ke isin, esine ikpa-ukot mbufo ke ukot, ye esaŋ ke ubɔk mbufo: ndien mbufo eta enye ke nnyekidem; enye edi passover Jehovah.

ISAIAH 11:5

Ndien edinen ido eyedi ubɔp-ŋkpɔ idem esie, akpanikɔ eyenyuŋ edi mbɔbɔ esie.

JEREMIAH 1:17

Afo, ndien, bɔbɔ mbɔbɔ ke isin fo, nyuŋ daha da, nyuŋ nam kpukpru se ami nditemede fi tiŋ nɔ mmɔ: kuyak esit ɔduɔ fi ubaŋa mmɔ, mbak ami ndinam esit ɔduɔ fi ke iso mmɔ.

MATTHEW 20:4

Mbufo ŋko eduk ke iŋwaŋ-vine, ndien nyenɔ mbufo se inende. Ndien mmɔ eka.

LUKE 12:35

Efak ɔfɔŋ ke isin mbufo eda, enam mme utuenikaŋ mbufo esak;

LUKE 17:30

kpasuk ntre ke edidi ke usen emi Eyen Owo ediyararede idem.

LUKE 17:8

Sɔp di, tetie ke itie udia? nte idikam idɔhɔke enye ite, Nim udia nɔ mi ndia, nyuŋ beŋe idem, fak ɔfɔŋ fo, da mbet tutu ndia nnyuŋ ŋŋwɔŋ ŋkpɔ; ekem afo eyedia onyuŋ ɔŋwɔŋ okuo.

ŊWED MBON ROME 13:13

Yak nnyin isaŋa ukpono-ukpono, nte owo asaŋade ke uwemeyo; ikusaŋa ke otime-otime ido ye mbuŋwɔŋi, ikusaŋa ke use ye mbubiam ido, ikusaŋa ke utɔk ye ufup.

ŊWED MBON ROME 8:19

Koro ofuri ekondo etiede ke ɔkpɔsɔŋ udɔŋ, ebet ini eke ediyararede nditɔ Abasi.

1 ŊWED CORINTH 1:7

ntre ke mbufo inanake baba enɔ kiet, ke ini mbufo etiede ebet eriyarare Ɔbɔŋ nnyin Jesus Christ,

1 ŊWED CORINTH 13:13

Ntem ke mbuɔtidem, ye idori-enyin, ye ima esuk edu, mmɔ mbita; edi andikpon-ŋkan ke otu mmɔ edi ima.

ŊWED MBON EPHESUS 6:14

Esɔŋɔ eda ndien: eda akpanikɔ ebɔbɔ ke isin, enyuŋ esine edinen ido nte ukwak ikpanesit,

ŊWED MBON COLOSSAE 3:4

Ke adaŋemi Christ, emi edide uwem nnyin, edibiɔŋɔrede, adaŋoro ke mbufo ŋko eyebiɔŋɔre ye Enye ke ubɔŋ.

2 ŊWED THESSALONICA 1:7

ndinyuŋ nda nduɔk-odudu nnɔ mbufo emi ekutde ukut, kpa nte Enye edinamde ye nnyin ŋko, ke ini emi Ɔbɔŋ Jesus editode ke heaven ɔbiɔŋɔre ke ikaŋ emi asakde, ye mme angel odudu Esie,

2 ŊWED TIMOTHY 4:5

Edi ama edi afo, fara ke idem ke kpukpru ŋkpɔ, biom ukut, nam utom ɔkwɔrɔ-gospel, nam utom fo ma.

2 ŊWED TIMOTHY 4:8

Ema enim anyanya eti ido ebeŋe mi, emi Ɔbɔŋ, kpa Edinen Ebierikpe, edinɔde mi ke usen oro; idinyuŋ inɔŋɔ mi ikpɔŋ, edi eyenyuŋ ɔnɔ kpukpru mmɔ emi emade eriyarare Esie.

MME HEBREW 10:35

Mmɔdo ekuyak uko mbufo eduɔk, koro enye asaŋade ye akwa utip.

MME HEBREW 3:6

edi Christ ke anam akpanikɔ nte Eyen, emi akarade ufɔk Abasi: ndien nnyin idi ufɔk Abasi emi, edieke nnyin isɔŋɔde imum uko nnyin ye mbure eke nnyin iburede ke idori-enyin nnyin tutu osim akpatre.

MME HEBREW 6:19

idori-enyin oro ke nnyin inyene nte ukwak ubom ukpɔŋ nnyin, eke midikpuhu nnyin, edi ɔsɔŋɔde omum isɔŋ, onyuŋ ebede oduk ekeyire ke se idude ke esit ukara;

MME HEBREW 9:28

kpa ntre ŋko Christ, ke ekewade Enye ini kiet ete obiom idiɔk ŋkpɔ ediwak owo, eyetɔŋɔ ntak ɔbiɔŋɔre; edi Enye ididige ndinyene mbubehe ye idiɔk-ŋkpɔ, edi edidi ndinyaŋa mmɔ emi etiede ebet Enye.

1 PETER 1:10

Edi erinyaŋa emi ke mme prophet ema etim eyom enyuŋ eduŋɔre, kpa mme prophet emi eketiŋde ebaŋa ufɔn eke edinɔde mbufo;

1 PETER 3:15

edi eteŋe Christ ke esit mbufo nte Ɔbɔŋ. Kpukpru ini ebeŋe idem ndibɔrɔ kpukpru owo eke edibupde mbufo ntak idori-enyin emi mbufo enyenede; edi ekpeme ndibɔrɔ ke suŋ-suŋ ido ye ke ido uteŋe;

1 PETER 4:7

Edi utit kpukpru ŋkpɔ ke ekpere. Mmɔdo mbufo enyene eti ibuot, enyuŋ efara ke idem, man ekeme ndibɔŋ akam.

1 PETER 5:12

Ŋwet ŋwed emi ibio-ibio nnɔ esɔk mbufo ke ubɔk silvanus, emi ndade nte eyen-ete emi anamde akpanikɔ; man nsɔŋɔ mbufo esit, nnyuŋ ŋwut mbufo nte, emi edi ata mfɔn Abasi. Esɔŋɔ eda ke esit.

1 PETER 5:8

Efara ke idem enyuŋ ekpeme; asua mbufo, kpa, Satan, ke oyoyo nte

1 JOHN 3:3

Kpukpru owo eke edoride enyin ke Enye ntem enam idem asana, kpa nte Enye asanade.