1 PETER 1:12 - Edisana ñwed Abasi Ibom

¹² Ema enyuŋ eyarare ewut mmɔ ete, idige kabaŋa idem mmɔ, edi kabaŋa mbufo, ke mmɔ emen ikɔ oro etiŋ, kpa ikɔ oro ema etaŋa ke emi enɔ mbufo, ke inua mmɔ emi ekwɔrɔde gospel enɔ mbufo ke Edisana Spirit, emi ekɔdɔŋde oto ke heaven edi. Ɔdɔŋ mme angel ndinyuŋɔ ŋkpɔ emi mfiɔk.

1 PETER 1:12 ပူးပေါင်းရင်းမြစ်များ

EXODUS 25:20

Ndien cherubim oro etiga mba mmɔ ke enyɔŋ, efuk itie usio-isop ke mba mmɔ; ndien kiet onyuŋ asak iso ese kiet; iso mme cherubim enyuŋ ese itie usio-isop.

MME ŊKE 1:23

Mbufo ekabare ke nduari mi: sese, nyeŋwaŋa spirit mi nduɔk mbufo ke idem, nyenam mbufo efiɔk ikɔ mi.

ISAIAH 32:15

tutu etie ke enyɔŋ eŋwaŋa nnyin spirit ke idem, ndien wilderness eyekabare edi eti iŋwaŋ, eyenyuŋ ebat eti iŋwaŋ ke akai.

ISAIAH 53:1

ANIE onim mbuk nnyin ke akpanikɔ? Ubɔk Jehovah onyuŋ ayarare ɔnɔ anie?

DANIEL 10:1

KE ɔyɔhɔ isua Cyrus edidem Persia ita, eyarare ŋkpɔ enɔ Daniel emi enyiŋ esie ekerede Belteshazzar; ndien ikɔ oro edi akpanikɔ, ekɔŋ onyuŋ okpon. Enye onyuŋ otim ɔfiɔk ikɔ oro, onyuŋ ɔwɔrɔ ɔniɔŋ ke ŋkukut oro.

DANIEL 12:13

Edi afo ka okuo tutu osim ke utit: ndien afo eyeduɔk odudu, onyuŋ ada ke udeme fo ke utit mme usen.

DANIEL 12:9

Ka okuomɔ, Daniel: koro edipde ikɔ emi, enyuŋ enim mmɔ seal ke esit tutu osim ke utit ini.

DANIEL 2:19

Ndien eyarade ndibe ŋkpɔ emi enɔ Daniel ke ndap ke okoneyo.

DANIEL 2:22

Enye ayarare ndituŋɔ ye ndibe-ndibe ŋkpɔ, ke ɔfiɔk se idude ke ekim, uŋwana onyuŋ oduŋ ye enye.

DANIEL 2:47

Edidem ɔbɔrɔ Daniel onyuŋ ɔdɔhɔ, ete, Ke akpanikɔ Abasi mbufo edi Abasi mme abasi ye Ɔbɔŋ ndidem: edi enye ayarare ndibe-ndibe ŋkpɔ, koro afo ekemede ndiyarare ndibe ŋkpɔ emi.

DANIEL 8:13

Ndien ŋkop nte edisana owo kiet ɔdɔhɔde, ndien edisana owo kiet eken obup enye oro ɔkɔdɔhɔde ete, Adaŋa didie ke ŋkukut onim nsinsi uwa ye uwa idiɔk ido ke se ibiarade, ete enyuŋ edigi edisana ebiet ye udim oro?

DANIEL 9:24

Edori urua ata ye duop ebaŋa oruk fo, ye edisana obio fo, eke edinamde ndudue okure, edinyuŋ emade idiɔk ido, enyuŋ esiode isop ukwaŋ-ŋkpɔ efep, eke enyuŋ edade nsinsi edinen iso eduk, enyuŋ enimde seal ke ŋkukut ye prophecy, enyuŋ eyetde Ata Edisana ke aran.

JOEL 2:28

Ndien ama ekem ke ini ŋkpɔ emi ebede, nyeŋwaŋa spirit mi nnɔ ofuri obukidem; ndien nditɔiren mbufo, ye nditɔ mbufo iban eyetiŋ prophecy, mbiowo mbufo eyedaba ndap, mkparawa mbufo eyekut ŋkukut.

AMOS 3:7

Koro Ɔbɔŋ Jehovah midinamke baba ŋkpɔ kiet, ke mibɔhɔke ini enye ayarade uduak esie ɔnɔ ikɔt esie mme prophet.

ZECHARIAH 12:10

Ndien nyeda spirit mfɔn ye eke mkpe-ubɔk ŋŋwaŋa ufɔk David ye mme andidiuŋ Jerusalem ke idem; ndien mmɔ eyese mi emi mmɔ ekekimde, eyenyuŋ eseme enye, kpa nte owo esemede ikpɔŋ eyen, enyuŋ etua enye, kpa nte

MATTHEW 11:25

Ke ini oro Jesus ɔbɔrɔ ete, Mmɔkɔm Fi, O Ete, Ɔbɔn enyɔŋ ye isɔŋ, koro Afo okodipde mbon eti ibuot ye mme asian mme ŋkpɔ emi, onyuŋ ayararede mmɔ ɔnɔ nsek nditɔ.

MATTHEW 11:27

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke Eyen ke mibɔhɔke Ete; baba owo kiet inyuŋ ifiɔkke Ete ke mibɔhɔke Eyen, ye owo ekededi eke Eyen amade ndiyarare Enye nnɔ.

MATTHEW 16:17

Jesus ɔbɔrɔ enye ete, Ɔfɔfɔn ɔnɔ fi Simon eyen Jonah, koro midige obuk ye iyip akayarare ŋkpɔ emi ɔnɔ fi, edi edi Ete Mi emi odude ke Heaven.

MARK 16:15

Enye onyuŋ ɔdɔhɔ mmɔ ete, Eka ke ofuri ererimbot ekekwɔrɔ gospel enɔ kpukpru owo.

LUKE 15:10

Ndɔhɔ mbufo nte, Kpasuk ntre ke idara odu ke iso mme angel Abasi abaŋa owo kiet emi akabarede esit.

LUKE 2:26

Edisana Spirit ama onyuŋ ayarare ɔnɔ enye ete enye idikpaha tutu enye okut Christ emi Jehovah ɔdɔŋde.

LUKE 9:6

Ndien mmɔ edaha ekasaŋa ke kpukpru obio-iŋwaŋ, ekwɔrɔ gospel, enyuŋ enam udɔŋɔ ekure ke kpukpru ebiet.

JOHN 15:26

Edi ke adaŋemi Iberedem, emi ndisiode ke ubɔk Ete ndɔŋ etiene mbufo, edidide, kpa Spirit akpanikɔ, emi otode ke Ete ɔwɔrɔ edi, Enye eyedi ntiense ɔnɔ Mi.

UTOM MME APOSTLE 10:44

Ke adaŋemi Peter osuk etiŋde ntem, Edisana Spirit ɔduɔ odoro kpukpru mmɔ emi ekopde ikɔ Abasi ke idem.

UTOM MME APOSTLE 16:10

Ke adaŋemi enye okutde ŋkukut oro, kpa ke idaha oro nnyin iyom usuŋ nte ikade ke Macedonia, ibiere ite, Abasi okot nnyin ete ikwɔrɔ gospel inɔ mmɔ.

UTOM MME APOSTLE 2:33

Mmɔdo sia ubɔk nnasia Abasi ama emenere Enye onim ke enyɔŋ, Enye ama onyuŋ ɔbɔ Ete Edisana Spirit emi ekɔŋwɔŋɔde ndinɔ, Enye aŋwaŋa se mbufo ekutde enyuŋ ekopde.

UTOM MME APOSTLE 4:31

Ndien ke mmɔ ema ekebɔŋ akam ema, ufɔk emi mmɔ ebonode ke esit enyek; ndien kpukpru mmɔ eyɔhɔ ye Edisana Spirit, enyuŋ etiŋ ikɔ Abasi uko-uko.

UTOM MME APOSTLE 4:8

Ekem Peter ɔyɔhɔ ye Edisana Spirit ɔdɔhɔ mmɔ ete,

UTOM MME APOSTLE 8:25

Ntre ke mmɔ ema ekɔnɔ ikɔ-ntiense, enyuŋ ekwɔrɔ ikɔ Ɔbɔŋ, mmɔ efiak enyɔŋɔ ke Jerusalem, enyuŋ ekwɔrɔ gospel enɔ ediwak obio-iŋwaŋ nditɔ Samaria.

ŊWED MBON ROME 1:15

Ntre ke ŋkaŋ mi, mmebeŋe idem ndikwɔrɔ gospel nnɔ mbufo nde emi edude ke Rome.

ŊWED MBON ROME 1:17

Koro do ke edinen ido eke Abasi ayarare, eke ɔtɔŋɔde ke mbuɔtidem: nte ewetde ete, Edinen owo edida mbuɔtidem odu uwem.

ŊWED MBON ROME 10:15

Mmɔ edinyuŋ enam didie ekwɔrɔ, ke mibɔhɔke edɔdɔŋ mmɔ? kpa nte ewetde ete, Ikpat mmɔ emi edade etop nti ŋkpɔ eye adaŋa didie!

ŊWED MBON ROME 15:19

mbe se Christ akadade mi anam, ke ikɔ ye utom, ke odudu mme idiɔŋɔ ye mme utibe-ŋkpɔ ye ke odudu edisana Spirit, man mme Gentile esuk ibuot. Ntem ke mma ntɔŋɔ ke Jerusalem ŋkwɔrɔ gospel Christ ɔyɔhɔ-ɔyɔhɔ tutu ŋkanare ŋkosim Illyricum.

1 ŊWED CORINTH 2:10

Edi Abasi akayarare mme ŋkpɔ emi ɔnɔ nnyin ke Spirit Esie; koro Spirit ɔdɔduŋɔre kpukpru ŋkpɔ, kpa ndituŋɔ ŋkpɔ Abasi.

2 ŊWED CORINTH 1:22

emi okonyuŋ efikde nnyin idiɔŋɔ ke idem, onyuŋ esinde Spirit Esie ke esit nnyin, nte akpa ubak udeme nnyin.

2 ŊWED CORINTH 6:6

ke edisana ido, ke ifiɔk, ke anyan ime, ke mfɔn-ido, ke spirit eke asanade, ke ata ima, ke ikɔ akpanikɔ, ke odudu Abasi;

ŊWED MBON GALATIA 1:12

Koro ami ŋkɔbɔhɔ enye ke ubɔk owo, inyuŋ idige owo ekpep mi, edi Jesus Christ akayarare enye ɔnɔ mi.

ŊWED MBON GALATIA 1:16

amade ndiyarare Eyen Esie ke esit mi, man ŋkpɔkwɔrɔ Enye ke otu mme Gentile; ndukke nneme idaha oro ye obuk ye iyip:

ŊWED MBON EPHESUS 3:10

Man oto do ke emi, ekpada ufɔk Abasi enam mme andikara ye mme enyene-odudu emi edude ke mme itie heaven efiɔk uwak-uwak ɔniɔŋ Abasi;

1 ŊWED THESSALONICA 2:9

Nditɔ-ete, mbufo emeti ɔkpɔsɔŋ utom eke nnyin ikanamde, ye nte nnyin ikakpade mba; ke erinam ubɔkutom nnyin okoneyo ye uwemeyo, mbak nnyin ididi mbiomo inɔ owo mbufo ekededi, nnyin ikɔkwɔrɔ gospel Abasi inɔ mbufo.

1ŊWED TIMOTHY 3:16

Owo ikemeke ndineni ete ido Abasi edi akwa ndibe-ŋkpɔ; Edi Enye emi akayararede Idem Esie ke obukidem; Ewut Enye nte edinen ke Spirit; Enye owut idem ɔnɔ mme angel; Ekwɔrɔ Enye ke otu mme idut, Ebuɔt idem ye Enye ke ererimbot. Emen Enye edɔk ke ubɔŋ.

MME HEBREW 11:13

Mmɔ emi kpukpru ekpaŋa ke mbuɔtidem; mmɔ ibɔhɔ se ekeŋwɔŋɔde enɔ mmɔ, edi eda nsan-nsan ekut, enyuŋ edara mme uŋwɔŋɔ oro, enyuŋ enyime ete mme imɔ idi isen owo ye oduduŋ ke isɔŋ.

MME HEBREW 2:4

Abasi onyuŋ ada mme idiɔŋɔ ye mme utibe ŋkpɔ, ye nsio-nsio ŋkpɔ odudu, ye erinɔ Edisana Spirit, nte Enye amade, etiene mmɔ etie ntiense.

MME HEBREW 4:2

Koro ke akpanikɔ ema ekwɔrɔ gospel enɔ nnyin, kpa nte eke-kwɔrɔde enɔ mmɔ; edi ikɔ eke mmɔ ekopde inamke mmɔ ufɔn, koro mikadianake ye mbuɔtidem ke esit mmɔ emi ekopde.

1 PETER 1:25

Edi ikɔ Abasi eyebigi ke nsinsi. Emi onyuŋ edi ikɔ gospel emi ekɔkwɔrɔde enɔ mbufo.

1 PETER 4:6

Koro ekekwɔrɔ gospel enɔ kpa mme akpa-mkpa kabaŋa emi, man edikpe ikpe ye mmɔ nte mme owo eke ekodude ke obukidem edi ekpedu uwem ke spirit, nte Abasi ɔnɔde item.

ERIYARARE 5:11

Ndien ŋkut nnyuŋ ŋkop uyo ediwak angel, emi ekande ebekpo ye ŋkpɔ-uwem ye mbiowo ekuk; ibat mmɔ osim thousand duop ke itie thousand duop ye mme thousand ke itie thousand;