1 NDIDEM 9:8 - Edisana ñwed Abasi Ibom

⁸ ndien ufɔk emi eyedi edikoŋ: kpukpru owo eke edibede eyeyik, enyuŋ esi; ndien mmɔ eyedɔhɔ, ete, Nsinam Jehovah akanamde isɔŋ emi, ye ufɔk emi ntem?

1 NDIDEM 9:8 ပူးပေါင်းရင်းမြစ်များ

2 NDIDEM 22:17

ke usiene emi mmɔ ekekpɔŋde mi, enyuŋ efɔpde incense enɔ abasi efen, man eyat mi esit ke kpukpru utom ubɔk mmɔ; oro esin iyaresit mi asak ye ebiet emi, idinyuŋ inimeke.

2 NDIDEM 25:9

ndien enye ɔfɔp ufɔk Jehovah, ye ufɔk edidem, ye kpukpru ufɔk Jerusalem, ye kpukpru ikpɔ ufɔk ke enye ɔfɔp ke ikaŋ.

2 CHRONICLES 29:8

Mmɔdo iyaresit Jehovah odorode Judah ye Jerusalem, enye onyuŋ esin mmɔ ke afanikɔŋ, ye ke mkpaidem, ye ke nsi, kpa nte mbufo ekutde ye enyin mbufo.

2 CHRONICLES 36:19

Mmɔ enyuŋ efɔp ufɔk Abasi, enyuŋ ewuri ibibene Jerusalem, enyuŋ efɔp kpukpru ufɔk mbɔŋ mmɔ ke ikaŋ, enyuŋ ebiat kpukpru ndiye ŋkpɔ esie.

2 CHRONICLES 7:21

Ndien ufɔk emi okoŋde, eyedi se kpukpru owo eke esaŋade ebe enye eyikde; ndien mmɔ eyedɔhɔ ete, Nsinam Jehovah akanamde isɔŋ emi, ye ufɔk emi ntem?

ISAIAH 64:11

Edisana ye ediye ufɔk nnyin emi mme ete nnyin eketorode fi, ama ata ikaŋ: kpukpru ndinem ebiet emenyuŋ ebiara.

JEREMIAH 16:10

Ndien ama ekem ke ini afo editiŋde kpukpru ikɔ emi ɔnɔ mbio-obio emi, ndien mmɔ eyedɔhɔ fi, ete, Ke didie ke Jehovah ɔdɔhɔ ofuri akwa idiɔk-ŋkpɔ emi abaŋa nnyin? Nsinyuŋ idi idiɔk ido nnyin, ye oburobut ido nnyin, eke nnyin iduede ye Jehovah Abasi nnyin?

JEREMIAH 18:16

Ndien mmɔ enam isɔŋ mmɔ akabare edi se ibiarade, ye nsinsi ŋkpɔ nsi: kpukpru mmɔ eke esaŋade ebe eyekpa idem, enyuŋ eyibi ibuot mmɔ.

JEREMIAH 19:8

Ndien nyenim obio emi ke se esobode enyuŋ eside: kpukpru mmɔ eke esaŋade ebe enye eyekpa idem, enyuŋ esi ebaŋa kpukpru ufen esie.

JEREMIAH 22:28

Nte owo emi Coniah edi obukpo ibɔk eke asiahade? Nte enye edi ŋkpɔ ufɔk eke baba inem miduhe enye ke esit? Nsinam esiode enye ye nditɔ esie eduɔk? Nsinyuŋ inam edade mmɔ eduɔk ke idut eke mmɔ mifiɔkke?

JEREMIAH 25:9

Sese, mmɔŋ ndɔŋ ekeda kpukpru mme oruk edem edere, nnyuŋ ndɔŋ utom ke ɔtɔ Nebuchadnezzar edidem Babylon owo mi, nnyuŋ nda mmɔ ndi ekɔŋ ye isɔŋ emi, ye mme andiduŋ enye, ye kpukpru mme idut emi ekande enye ekuk; nyenyuŋ nsobo mmɔ, fap, nnyuŋ nnim mmɔ ke ŋwure, ye ŋkpɔ nsi, ye ke nsinsi ndon.

JEREMIAH 44:8

Enyuŋ eyat mi esit ke se ubɔk mbufo enamde, enyuŋ efɔp ŋkpɔ enɔ abasi efen ke isɔŋ Egypt emi mbufo edide ndiduŋ do, man esibe idem mbufo efep, man mbufo enyuŋ edi ŋkpɔ isuŋi ye esuene ke otu kpukpru mme idut ke ererimbot?

JEREMIAH 49:17

Edom eyenyuŋ akabare edi se esobode: kpukpru mmɔ eke esaŋade ebe enye eyekpa idem, enyuŋ esi ebaŋa kpukpru ufen esie.

JEREMIAH 5:19

Ndien ama ekem ke mbufo edidɔhɔde ete, Jehovah Abasi nnyin edinam nnyin kpukpru ŋkpɔ emi abaŋa nso? Dɔhɔ mmɔ ndien, ete, Kpa nte mbufo ekpɔŋde mi, enyuŋ enamde ŋkpɔ isen abasi ke isɔŋ mbufo, kpasuk ntre ke mbufo edinam ŋkpɔ isen owo ke isɔŋ eke midige eke mbufo.

JEREMIAH 50:13

Ifuresit Jehovah idiyakke owo oduŋ ke esit, edi ofuri esie eyedi ndon-ndon: kpukpru owo eke ebede Babylon eyekpa idem, enyuŋ esi ebaŋa kpukpru ufen esie.

JEREMIAH 52:13

ndien ɔfɔp ufɔk Jehovah ye ufɔk edidem; onyuŋ ɔfɔp kpukpru mme ufɔk Jerusalem, ye kpukpru ikpɔ ufɔk ke ikaŋ.

ŊWED ESEME 2:15

Kpukpru owo eke esaŋade ke usuŋ ebe ekwak ubɔk ebaŋa fi; mmɔ esi enyuŋ eyibi ibuot mmɔ ebaŋa adiaha Jerusalem, ete, Nte emi edi obio eke ekedɔhɔde ete ke enye eye ama, onyuŋ adat ofuri ererimbot esit?

DANIEL 9:12

Enye omonyuŋ anam uyo esie oro enye ɔkɔdɔhɔde abaŋa nnyin ye mme ebierikpe nnyin emi ekekpede ikpe nnyin, ɔsɔŋɔ ada: onyuŋ ada akwa idiɔk ŋkpɔ etiene nnyin: koro owo akanam minamke baba ke idak ofuri ikpa enyɔŋ, nte emi ekenamde ke Jerusalem:

DEUTERONOMY 28:37

Ndien afo eyedi ŋkpɔ mkpa-idem, ye ikwɔ, ye ufiet ke otu kpukpru mme idut eke Jehovah adade fi aka do.

DEUTERONOMY 29:23

nte ofuri isɔŋ esie edide brimstone, ye inuŋ, ye edisak ikaŋ, itɔhɔ ŋkpɔ ke esit, ŋkpɔ itibeke ke isɔŋ, baba ikɔŋ kiet inyuŋ ikɔrike ke esit, ebiet nsobo Sodom, ye eke Gomorrah, ye eke Admah, ye eke Zeboiim, emi Jehovah okosobode ke iyaresit esie ye ke ifiopesit esie: