1 NDIDEM 9:6 - Edisana ñwed Abasi Ibom

⁶ Edi edieke mbufo ye nditɔ mbufo edifiakde edem, enyuŋ etre nditiene mi, minyuŋ inimke mbet mi, ye mme ewuhɔ mi, emi ŋkonimde ke iso mbufo, edi ema eka ekenam ŋkpɔ mme abasi efen, enyuŋ etuak ibuot enɔ mmɔ:

1 NDIDEM 9:6 ပူးပေါင်းရင်းမြစ်များ

2 NDIDEM 18:12

koro mmɔ mikekopke uyo Jehovah Abasi mmɔ, edi ebiat ediomi esie, ye kpukpru se Moses owo Jehovah eketemede, minyuŋ ikopke, inyuŋ inamke.

2 NDIDEM 22:17

ke usiene emi mmɔ ekekpɔŋde mi, enyuŋ efɔpde incense enɔ abasi efen, man eyat mi esit ke kpukpru utom ubɔk mmɔ; oro esin iyaresit mi asak ye ebiet emi, idinyuŋ inimeke.

1 CHRONICLES 28:9

Ndien afo Solomon eyen mi, fiɔk Abasi usɔ, nyuŋ nam ŋkpɔ esie ke ofuri esit, ye ke ima ukpɔŋ: koro Jehovah ɔduŋɔde kpukpru esit owo, onyuŋ otim ɔfiɔk kpukpru se ekikere obotde: afo ama oyom enye, eyekut enye; edi ama ɔkpɔŋ enye, enye eyemen fi ɔduɔk tutu amama.

2 CHRONICLES 15:2

ndien enye ɔwɔrɔ okosobo ye Asa, onyuŋ ɔdɔhɔ enye, ete: Asa ye ofuri Judah ye Benjamin, mbufo ekop uyo mi, Jehovah ada ye mbufo ke ini mbufo ededa ye enye; ndien edieke mbufo ediyomde enye, mbufo eyekut enye; edi edieke mbufo edikpɔŋde enye, enye eyekpɔŋ mbufo.

ŊWED MME PSALM 89:30

Nditɔ esie ema ekpɔŋ ewuhɔ mi, ndien misaŋake ke mme item mi;

ŊWED MME PSALM 89:31

ema ebiat mbet mi, ndien minimke ido mi;

ŊWED MME PSALM 89:32

nyeda ndien eto mmia mmɔ ke mme ukwaŋ-ŋkpɔ mmɔ, nnyuŋ nda ikpa mmia mmɔ ke oburobut ido mmɔ.

JEREMIAH 26:4

Nyuŋ dɔhɔ mmɔ, ete, Ntem ke Jehovah ɔdɔhɔ, ete, Mbufo minyimeke ndikop uyo mi nnyuŋ nsaŋa ke mme ewuhɔ mi emi ŋkonimde ke iso mbufo:

ŊWED ESEME 1:8

Jerusalem amanam idiɔk eti-eti; mmɔdo enye akabarede edi edidehe: kpukpru mmɔ eke ekekponode enye ese enye ke ndek, koro mmɔ ekutde enye iferi: enye onyuŋ eseme, onyuŋ akabare afiak edem.

1 SAMUEL 15:11

Mmatua mkpɔfiɔk koro ŋkonimde Saul ke edidem: koro enye ama akabare ɔkpɔŋ mi, inyuŋ inamke uyo mi. Ndien Samuel ayat esit, onyuŋ eseme ɔnɔ Jehovah ke ofuri okoneyo.

1 SAMUEL 2:30

Mmɔdo Jehovah Abasi Israel ɔdɔhɔde ete, Kakpan ke ŋkɔdɔhɔ, nte ke ufɔk fo,ye ufɔk usɔ eyesaŋa ke iso mi ke nsinsi: edi ke emi Jehovah ɔdɔhɔ ete, Nsa mi O! koro nyekpono mmɔ eke ekponode mi, edi nyesin mme andisuene mi ke ndek.