1 NDIDEM 9:3 - Edisana ñwed Abasi Ibom

³ Ndien Jehovah ɔdɔhɔ enye, ete, Mmokop akam fo, ye mkpe-ubɔk fo oro afo akanamde ke iso mi: mmonim ufɔk emi afo ɔkɔbɔpde, ke edisana, man nnim enyiŋ mi do ke nsinsi: ndien enyin mi ye esit mi eyedu do kpukpru ini.

1 NDIDEM 9:3 ပူးပေါင်းရင်းမြစ်များ

1 NDIDEM 8:29

yak enyin fo esuk ese ufɔk emi ke okoneyo ye ke uwemeyo, kpa ebiet emi afo ɔdɔhɔde ete, “Enyiŋ mi eyedu do:” nyuŋ kop akam eke owo fo edibɔŋde ese ebiet emi.

2 NDIDEM 20:5

Fiak kɔdɔhɔ Hezekiah, etubom ikɔt mi, ete, Ntem ke Jehovah, Abasi David usɔ, ɔdɔhɔ, ete, Mmokop mkpe-ubɔk fo, mmokut mmɔŋ-eyet fo; sese, nyenam udoŋɔ okure fi: afo eyedɔk ke ufɔk Jehovah ke ɔyɔhɔ usen ita.

2 NDIDEM 21:7

Onyuŋ ada edisɔi ŋkpɔ Asherah oro enye akanamde, onim ke ufɔk oro Jehovah ɔkɔdɔhɔde David ye Solomon eyen esie, ete, Nyenim enyiŋ mi ke nsinsi ke ufɔk emi, ye ke Jerusalem emi mmekde ke otu kpukpru esien Israel.

2 CHRONICLES 33:7

Enye onyuŋ ada edisɔi mbiet ŋkpɔ oro enye akanamde, eneŋere onim ke ufɔk Abasi oro Abasi ɔkɔdɔhɔde David ye Solomon eyen esie, ete, Ke ufɔk emi ye ke Jerusalem emi mmekde ke otu kpukpru esien Israel, ke ndisin enyiŋ mi ke nsinsi:

2 CHRONICLES 6:40

O Abasi mi, mbɔk, tat enyin fo, nyuŋ kpaŋ utɔŋ fo nɔ akam ebiet emi.

EZRA 6:12

Ndien yak Abasi emi akanamde enyiŋ esie oduŋ do, osobo kpukpru ndidem ye obio eke edimenerede ubɔk mmɔ ndikpuhɔre, nnyuŋ ŋwuri ufɔk Abasi emi odude ke Jerusalem. Ami Darius mmowuk ewuhɔ: yak emen idem enam.”

ŊWED MME PSALM 10:17

O Jehovah, afo omokop se mbon ukut eyomde: eyesɔŋ mmɔ esit, eyekpaŋ utɔŋ fo;

ŊWED MME PSALM 116:1

MMAMA koro Jehovah okopde uyo mi, ye mkpe ubɔk mi Koro enye akpaŋade utɔŋ esie ɔnɔ mi,

ŊWED MME PSALM 34:17

Mme nti owo eseme, ndien Jehovah okop, onyuŋ osio mmɔ ke kpukpru nnanenyin mmɔ.

ŊWED MME PSALM 65:3

Ikɔ isop esɔŋɔ ekan mi: afo eyesio isop ndudue nnyin efep.

ŊWED MME PSALM 66:19

edi Abasi omokop ke akpanikɔ; omonyuŋ akpaŋ utɔŋ ke uyo mkpe-ubɔk mi.

EXODUS 20:11

koro Jehovah akadade usen itiokiet anam enyɔŋ, ye isɔŋ, ye inyaŋ, ye kpukpru se idude mmɔ ke esit, ndien odop ke ɔyɔhɔ usen itiaba: mmɔdo Jehovah ɔdiɔŋde usen sabbath, onyuŋ onim enye ke edisana.

EXODUS 29:44

Nyenyuŋ nnim tent esop ke itie uwa ke edisana ŋkpɔ; nnyuŋ nnim Aaron ye nditɔ esie ke edisana, man eda oku mi.

JEREMIAH 15:1

NDIEN Jehovah ɔdɔhɔ mi, ete, Moses ye Samuel ekpedu ke iso mi, ukpɔŋ mi ikpamaŋa mbio emi: sio mmɔ ke iso mi duɔk, yak mmɔ enyuŋ ewɔŋɔ.

JEREMIAH 7:10

ndien edi edida ke iso mi ke ufɔk emi ekerede enyiŋ mi, enyuŋ edɔhɔ, ete, Nnyin imɔbɔhɔ man inam ofuri mbubiam emi?

DANIEL 9:23

Uyo ɔwɔrɔ ke ini eritɔŋɔ mkpe-ubɔk fo, ndien ami ndi nditiŋ nnɔ fi: koro afo enemde Abasi esit: tim fiɔk ndien ŋkpɔ, nyuŋ tim kere ŋkukut.

NUMBERS 16:38

Kpa mme censer mbon emi ediɔkde ye ukpɔŋ mmɔ, ndien yak edom mbat-mbat, eda efuk itie uwa: koro mme mmɔ oro ekedade mmɔ edi ke iso Jehovah, mmɔdo mmɔ edide edisana: ndien mmɔ edidi idiɔŋɔ nditɔ Israel

MATTHEW 6:9

Ebɔŋ akam ntem ndien, ete, Ete nnyin emi odude ke heaven: Yak ikpono enyin Fo,

JOHN 11:42

Ami nnyuŋ mfiɔk nte okop uyo Mi kpukpru ini; edi kabaŋa otu owo emi edade ekan ekuk, ŋkɔdɔhɔ ntem, man mmɔ enim ke akpanikɔ ete Afo ɔkɔdɔŋ Mi.

UTOM MME APOSTLE 10:31

Cornelius, ema ekop akam fo, enyuŋ eti ŋkpɔ mfɔn eke ɔnɔde mme ubuene ke iso Abasi.

DEUTERONOMY 11:12

isɔŋ emi Jehovah Abasi fo akamade: Jehovah Abasi fo onyuŋ etiŋ enyin ke esit kpukpru ini, ɔtɔŋɔde ke eritɔŋɔ isua, tutu osim utit isua.

DEUTERONOMY 12:11

ndien ama ekem, mbufo eda kpukpru se ntemede mbufo, kpa edifɔp uwa mbufo, ye mme uwa emem mbufo, ye mme ɔyɔhɔ ubak ŋkpɔ mbufo duop, ye edimenere uwa ubɔk mbufo, ye kpukpru akaŋa eke mbufo emekde ndikaŋa nnɔ Jehovah, eka ke ebiet emi Jehovah Abasi fo edimekde ndinam enyiŋ esie oduŋ do:

DEUTERONOMY 12:21

Edieke ebiet emi Jehovah Abasi fo edimekde ndinim enyiŋ esie do, oyomde fi usun akan ndien da enaŋ fo ye erɔŋ fo eke Jehovah ɔnɔde fi, wot kpa nte ŋketemede fi, nyuŋ ta ke ebiet fo, kpa nte esit fo amade.

DEUTERONOMY 12:5

Edi mbufo eyom ebiet emi Jehovah Abasi mbufo edimekde ke otu kpukpru mme esien mbufo osio, ete inim enyiŋ esie, man enye oduŋ do, enyuŋ eka do:

DEUTERONOMY 16:11

ndien dat esit ke iso Jehovah Abasi fo, afo, ye eyen eren fo, ye eyen fo aŋwan, ye ofin eren fo, ye ofin aŋwaŋ fo, ye Levite eke odude ke obio fo, ye esen owo, ye eyen-akpa, ye ebe-akpa eke edude ke otu fo, ke ebiet emi Jehovah Abasi edimekde ndinim enyiŋ esiemɔ do.

1 JOHN 5:14

Nnyin imonyuŋ ibure ifiɔk ibaŋa Enye, ite, edieke nnyin ibeŋede ŋkpɔ ekededi nte ekemde uduak Esie, Enye ɔbiɔŋ utɔŋ ke ebeŋe nnyin;