1 NDIDEM 9:24 - Edisana ñwed Abasi Ibom

²⁴ Edi eyen Pharaoh aŋwan oto ke obio David ɔdɔk ke ufɔk esie emi enye (Solomon) ɔkɔbɔpde ɔnɔ enye. Ndien enye ɔbɔp Millo ŋko.

1 NDIDEM 9:24 ပူးပေါင်းရင်းမြစ်များ

2 SAMUEL 5:7

Edi David ada ɔkpɔsɔŋ ebiet Zion: oro edi obio David.

2 SAMUEL 5:9

Ndien David oduŋ ke ɔkpɔsɔŋ ufɔk oro: onyuŋ osio enye enyiŋ Obio David. David onyuŋ anam ibibene akan okuk, ɔtɔŋɔde ke Millo oduk ke esit.

1 NDIDEM 11:27

Ndien emi edi ntak emi enye ekemenerede ubɔk esie aŋwana ye edidem; Solomon ɔkɔbɔp Millo, onyuŋ ɔdiɔŋ ŋwure obio David ete esie:

1 NDIDEM 3:1

EKEM Solomon okoro ukot ye Pharaoh edidem Egypt, onyuŋ ada eyen Pharaoh ɔdɔ, ada enye edi ke obio David, tutu enye edibɔp ufɔk esiemɔ, ye ufɔk Jehovah, ye ibibene Jerusalem akan okuk.

1 NDIDEM 7:8

Ndien enye anam ufɔk esie eke enye oduŋde do ke esien eken ke esit etehe, kpa nte anamde emi. Solomon onyuŋ anam ufɔk ebiet etehe emi, ɔnɔ adiaha Pharaoh emi enye ɔkɔdɔde.

2 CHRONICLES 32:5

Ndien ŋko enye ɔsɔŋ esit ɔbɔp ofuri ibibene eke owurede, onyuŋ eneŋere enye onim tutu osim ke mme tower, ye ibibene efen ke edem, onyuŋ ɔdiɔŋ ɔsɔŋ Millo, ye obio David, onyuŋ anam ediwak onyim ye otu-ekɔŋ.

2 CHRONICLES 8:11

Ekem Solomon ada eyen Pharoah aŋwan ke obio David ɔdɔk ke ufɔk emi ɔkɔbɔpde ɔnɔ enye: koro enye ɔdɔhɔde, ete, Ŋwan mi ididuŋke ke ufɔk David edidem Israel: koro ebiet emi ekebe Jehovah okodukde ke esit, edide edisana.