1 NDIDEM 9:1 - Edisana ñwed Abasi Ibom

¹ EDIKEM adaŋemi Solomon ɔkɔbɔpde ufɔk Jehovah, ye ufɔk edidem, ye kpukpru se itɔŋ ɔdɔŋde Solomon ndinam,

1 NDIDEM 9:1 ပူးပေါင်းရင်းမြစ်များ

1 NDIDEM 3:1

EKEM Solomon okoro ukot ye Pharaoh edidem Egypt, onyuŋ ada eyen Pharaoh ɔdɔ, ada enye edi ke obio David, tutu enye edibɔp ufɔk esiemɔ, ye ufɔk Jehovah, ye ibibene Jerusalem akan okuk.

1 NDIDEM 6:37

Mmɔ etɔŋɔ ndibɔp ufɔk Jehovah ke ɔyɔhɔ isua inaŋ, ke ɔfiɔŋ Ziv:

1 NDIDEM 7:1

SOLOMON onyuŋ ada isua duopeta ɔbɔp ufɔk esiemɔ; enye onyuŋ ama ofuri ufɔk esie.

1 NDIDEM 7:2

Enye ɔbɔp ufɔk akai Lebanon ŋko: uniɔŋ esie edi ibio-idomo-okuk ikie, ubom esie edi ibio-idomo-okuk aba ye duop, idaha esie onyuŋ edi ibio-idomo-okuk edip ye duop, odori enye ke udim obubɔk cedar inaŋ, onyuŋ odori beam a-cedar ke obubɔk.

1 NDIDEM 7:51

Ntem ke ofuri utom ufɔk Jehovah oro Solomon edidem anamde, okure. Ndien Solomon emen ŋkpɔ oro David ete esie okonimde, esin ke esit; ada silver, ye gold, ye mkpoduoho esin ke ebiet unim-ŋkpɔ ufɔk Jehovah.

1 NDIDEM 8:66

Ke ɔyɔhɔ usen itiaita enye ayak mbon oro enyɔŋɔ: ndien mmɔ ekɔm edidem, enyuŋ enyɔŋɔ ke mme tent mmɔ, edat esit enyuŋ enem esit ebaŋa kpukpru mfɔn emi Jehovah ɔkɔfɔnde David owo esie, ye Israel ikɔt esie.

1 NDIDEM 9:10

Edikem ke utit isua edip nte Solomon ɔkɔbɔp ufɔk mbiba oro, ufɔk Jehovah, ye ufɔk edidem,

1 NDIDEM 9:11

(Hiram edidem Tyre ekedi andiŋwam Solomon ke eto cedar, ye ke eto cypress, ye ke gold, kpa nte enye oyomde kpukpru), ndien edidem Solomon ɔnɔ Hiram obio edip ke isɔŋ Galilee.

1 NDIDEM 9:19

ye kpukpru obio unim-ŋkpɔ oro Solomon enyenede, mme obio chariot, ye mme obio mbon horse, ye kpukpru se itɔŋ ɔdɔŋde Solomon ndibɔp ke Jerusalem, ye ke Lebanon, ye ke ofuri isɔŋ emi enye akarade.

2 CHRONICLES 7:1

EKEM ke ini Solomon ɔbɔŋde akam ama, ikaŋ oto ke enyɔŋ ɔsuhɔre, edita mme edifɔp uwa, ye mme uwa emem; ubɔŋ Jehovah onyuŋ ɔyɔhɔ ke ufɔk.

2 CHRONICLES 7:11

Ekem, Solomon ama ufɔk Jehovah, ye ufɔk edidem: ndien kpukpru se idukde Solomon esit ndinam ke ufɔk Jehovah, ye ke ufɔk esiemɔ, enye otim anam ɔfɔn.

2 CHRONICLES 8:1

EDIKEM ke utit isua edip nte Solomon ɔkɔbɔp ufɔk Jehovah, ye ufɔk esiemɔ,

2 CHRONICLES 8:6

ye Baalath, ye kpukpru obio unim-ŋkpɔ oro Solomon enyenede, ye kpukpru obio mme chariot, ye obio mbon horse, ye kpukpru udɔŋ eke ɔdɔŋde Solomon ndibɔp ke Jerusalem, ye ke Lebanon, ye ke ofuri isɔŋ emi enye akarade.

ECCLESIASTES 2:10

Ndien nsinke enyin mi baba ŋkpɔ kiet eke mmɔ eyomde, mfarake esit mi ke baba idara kiet: koro esit akadatde mi ke ofuri ɔkpɔsɔŋ utom mi: ndien emi onyuŋ edi udeme mi, eke otode ke ofuri ɔkpɔsɔŋ utom mi.

ECCLESIASTES 2:4

Ŋkpɔ emi nnamde ikpɔn; mbɔp ufɔk nnɔ idem mi; ntɔ iŋwaŋ-vine nnɔ idem mi.

ECCLESIASTES 6:9

Se enyin ekutde ɔfɔn akan esit eke oyode; emi ŋko edi ikpikpu ŋkpɔ ye idomo eke miwɔrɔke usuŋ.