1 NDIDEM 8:7 - Edisana ñwed Abasi Ibom

⁷ Koro mme cherubim etatde mba mmɔ mbiba ke enyɔŋ ebiet ekebe, mme cherubim enyuŋ efuk ekebe ye esaŋ esie ke enyɔŋ.

1 NDIDEM 8:7 ပူးပေါင်းရင်းမြစ်များ

1 NDIDEM 6:27

Ndien enye onim mme cherubim ke ufɔt ufɔk eke odude ke esit; mmɔ enyuŋ etat mba mme cherubim, ndien mba kiet atuak ke ibibene kiet, mba cherub eken onyuŋ atuak ke ibibene eken; mba mmɔ enyuŋ esobo ke ufɔt ufɔk,

1 NDIDEM 8:6

Ndien mme oku emen ekebe ediomi Jehovah esin ke ebiet esie, ke ubet-etak ufɔk, kpa ata edisana ubet, ke idak mba mme cherubim.

1 NDIDEM 8:8

Ndien mmɔ edudi mme esaŋ ebon, ndien owo etie ke edisana ebiet ke iso ubet-etak okut mbuot esaŋ, edi owo eke odude ke esien ikwe mmɔ: ndien mmɔ edu do tutu osim mfin emi.

EXODUS 25:20

Ndien cherubim oro etiga mba mmɔ ke enyɔŋ, efuk itie usio-isop ke mba mmɔ; ndien kiet onyuŋ asak iso ese kiet; iso mme cherubim enyuŋ ese itie usio-isop.

ISAIAH 6:2

Mme seraphim eda enye ke enyɔŋ: kiet-kiet enyene mba itiokiet-itiokiet; ada iba ofuk iso esie, ada iba ofuk ukot esie, onyuŋ ada iba efe.

NUMBERS 4:6

ndien eda ufuhɔ-ŋkpɔ ikpa badger efuk enye, enyuŋ eda awawa ɔfɔŋ ebri enye ke enyɔŋ, ndien esin eto esie.

MME HEBREW 9:5

ye esaŋ Aaron emi esehede, ye mme itiat ŋwed ediomi edude ke esit; ndien ke enyɔŋ ekebe oro Cherubim ubɔŋ ekui itie usio-isop; edi nnyin ikemeke ndidɔhɔ mbaŋa ŋkpɔ emi kiet kiet ke emi.