1 NDIDEM 8:65 - Edisana ñwed Abasi Ibom

⁶⁵ Ndien ke ini oro Solomon ye ofuri Israel nde, kpa akwa esop, ɔtɔŋɔde ke ebiet emi edukde Hamath tutu osim ke akpa Egypt, enam usɔrɔ ke iso Jehovah Abasi nnyin, ke usen itiaba, ye usen itiaba, kpa usen duopenaŋ.

1 NDIDEM 8:65 ပူးပေါင်းရင်းမြစ်များ

GENESIS 15:18

Ke usen oro Jehovah odiomi ediomi ye Abram, ete, Ndada isɔŋ emi nnɔ ubon fo, ɔtɔŋɔde ke akpa Egypt, tutu osim akamba akpa, akpa Euphrates:

1 NDIDEM 3:15

Ndien Solomon edemere; ndien, sese, ndap ke edi. Ndien enye edi ke Jerusalem, edida ke iso ekebe ediomi Jehovah, onyuŋ etem akamba udia ɔnɔ kpukpru ikɔt esie.

1 NDIDEM 4:21

Solomon onyuŋ akara kpukpru mme idut, ɔtɔŋɔde ke Akpa ye idut mme Philistine, tutu osim ke adaŋa Egypt: mmɔ etomo utomo; enyuŋ edi ikɔt Solomon ofuri ini uwem esie.

1 NDIDEM 4:24

Koro enye akarade ofuri edem akpa emi, ɔtɔŋɔde ke Tiphsah tutu osim ke Gaza, onyuŋ akara kpukpru ndidem ke edem akpa emi; onyuŋ etie ke emem ke edem esie kpukpru.

1 NDIDEM 8:2

Ndien kpukpru mbio Israel esop idem ke ɔtɔ edidem Solomon ke ɔfiɔŋ Ethanim ke ini usɔrɔ (enye edi ɔyɔhɔ ɔfiɔŋ itiaba).

1 NDIDEM 8:66

Ke ɔyɔhɔ usen itiaita enye ayak mbon oro enyɔŋɔ: ndien mmɔ ekɔm edidem, enyuŋ enyɔŋɔ ke mme tent mmɔ, edat esit enyuŋ enem esit ebaŋa kpukpru mfɔn emi Jehovah ɔkɔfɔnde David owo esie, ye Israel ikɔt esie.

2 NDIDEM 14:25

Enye ɔtɔŋɔ ntak ada ofuri adaŋa Israel, ɔtɔŋɔde ke ebiet emi edukde Hamath tutu osim inyaŋ Arabah, ekem ke uyo Jehovah Abasi Israel, emi enye eketiŋde ke inua owo esie Jonah eyen Amittai, prophet oro okotode ke Gath-hepher.

2 NDIDEM 17:24

Ekem edidem Assyria ada owo ke Babylon, ye ke Cuthah, ye ke Avva, ye ke Hamath, ye ke Sepharvaim, edi edinim mmɔ ke mme obio Samaria ke ibuot nditɔ Israel: ndien mmɔ eda Samaria enyene, enyuŋ eduŋ ke mme obio esie.

2 NDIDEM 23:33

Ndien Pharaoh-necoh esin enye ke ŋkpɔkɔbi ke Riblah ke idut Hamath, ke ini enye adade ubɔŋ ke Jerusalem, onyuŋ adia isɔŋ isop talent silver ikie, ye talent gold kiet.

1 CHRONICLES 1:16

ye mme Zemarite, ye mme Hamathite.

1 CHRONICLES 13:5

Ntre ke David obon ofuri esop Israel, ɔtɔŋɔde ke Shihor Egypt, tutu osim ke ebiet emi edukde Hamath, man eda ekebe Abasi ke Kiriath-jearim edi.

2 CHRONICLES 30:13

Ntre ke ediwak owo ebono ke Jerusalem ndinim usɔrɔ uyo eke leaven miduhe, ke udiana-akpa ɔfiɔŋ, kpa ata akwa otu eti-eti.

2 CHRONICLES 30:23

Ndien kpukpru mbon-esop ediomi ndinim usen itiaba eŋwen: mmɔ enyuŋ enim usen itiaba eŋwen ke idaresit.

EXODUS 23:31

Nyenyuŋ nnim mme adaŋa fo, ɔtɔŋɔde ke Ididuot Inyaŋ tutu atuak ke Inyaŋ mme Philistine, onyuŋ ɔtɔŋɔde ke wilderness tutu osim ke Akpa: koro ndidade mme andiduŋ isɔŋ oro nsin fi ke ubɔk; ndien afo eyebin mmɔ ke iso fo efep.

ISAIAH 27:12

Ndien ama ekem ke usen oro, Jehovah eyetuak, ɔtɔŋɔde ke isɔŋ akpa tutu osim ke idim Egypt, ndien eyetaŋ mbufo kiet kiet ebon, O nditɔ Israel.

EZEKIEL 47:19

Ndien edem usuk ese usuk ɔtɔŋɔ ke Tamar aka ke mmɔŋ Meriboth-kadesh, oto aka ke akpa Egypt tutu osim ke akwa inyaŋ. Ndien emi edi adaŋa edem usuk ese usuk.

AMOS 6:14

Edi Jehovah Abasi mme udim ɔdɔhɔ, ete, Sese, ami mmɔŋ ndemere idut nnɔ mbufo, O ufɔk Israel, ndien mmɔ eyefik mbufo ɔtɔŋɔde ke ebiet emi edukde Hamath tutu osim ke akpa mmɔŋ itihere.

AMOS 6:2

Mbufo ebe eka Calneh ekese; enyuŋ eto do eka ke akamba Hamath; ndien esuhɔre ke Gath mme Philistine: nte mmɔ efɔn ekan mme idut emi? Nte adaŋa mmɔ okpon akan adaŋa mbufo?

NUMBERS 34:5

ndien adaŋa ɔkpɔŋ Azmon, ɔwɔŋɔre aka ke akpa Egypt, ndien ɔkɔwɔrɔ ke inyaŋ.

NUMBERS 34:8

etɔŋɔ ke obot Hor esiak adaŋa tutu osim ke ebiet emi edukde Hamath: ndien adaŋa mbufo eyeda ɔkɔwɔrɔ ke zedad:

JOSHUA 13:3

ye ofuri Geshuri, ɔtɔŋɔde ke Shihor emi anade ke iso Egypt, tutu osim adaŋa Ekron ese edem edere, emi ebatde ke eke mme Canaanite: mbɔŋ mme Philistine ition; mme Gazite, ye mme Ashdodite, ye mme Ashkelonite, ye mme Gittite, ye mme Ekronite;

JOSHUA 13:5

ye isɔŋ mme Gebalite ŋko, ye ofuri Lebanon ke edem usiaha-utin, ɔtɔŋɔde ke Baal-gad ke ukot obot Hermon, tutu osim ke ɔtɔ emi edukde Hamath.

JOSHUA 15:1

NDIEN afia nditɔ Judah ke ubon, ke ubon, osim adaŋa Edom ke wilderness Zin ke edem usuk, osim ata akpatre usuk.

JOSHUA 15:4

ndien ebe aka Azmon, ndien ediwɔrɔ ke akpa Egypt; ndien adaŋa oro etre ke mben inyaŋ. Emi edidi adaŋa mbufo ke edem usuk.

JOSHUA 19:35

Ndien mme obio ibibene edi Ziddim, ye Zer, ye Hammath,

JUDGES 3:3

mbɔŋ mme Philistine ition, ye kpukpru mme Canaanite, ye mme Zidonian, ye mme Hivite emi eduŋde ke obot Lebanon, ɔtɔŋɔde ke obot Baal-hermon tutu osim ke ebiet uduk Hamath.