1 NDIDEM 8:61 - Edisana ñwed Abasi Ibom

⁶¹ Yak ofuri esit mbufo ndien edu ye Jehovah Abasi nnyin, man esaŋa ke mme ewuhɔ esie, enyuŋ enim mbet esie, kpa nte etiede mfin emi.

1 NDIDEM 8:61 ပူးပေါင်းရင်းမြစ်များ

GENESIS 17:1

NDIEN adaŋa emi Abram osimde isua anaŋ ye efurenaŋ, Jehovah owut Abram idem esie, ete enye, Ami ndi Abasi Ibom, saŋa ke iso mi, nyuŋ fɔn ma.

1 NDIDEM 11:4

Edikem ke ini usɔŋ Solomon, iban esie eyut enye esit, esin enye akabare etiene abasi efen; ndien ofuri esit esie isaŋake ye Jehovah Abasi esie, nte esit David ete esie.

1 NDIDEM 15:14

Edi enye imenke ŋkokoŋo ebiet ifep; edi ofuri esit Asa asaŋa ye Jehovah ke ofuri eyo esie.

1 NDIDEM 15:3

Enye onyuŋ asaŋa ke kpukpru mme idiɔk ido ete esie, emi ete ekebemde enye iso anam: ofuri esit esie inyuŋ isaŋake ye Jehovah Abasi esie, nte esit David ete esie.

1 NDIDEM 3:3

Ndien Solomon ama Jehovah, ke asaŋa ke item David ete esie: edi enye awa uwa, onyuŋ ɔfɔp incense, ke edikoŋ ebiet.

2 NDIDEM 20:3

O Jehovah mbɔk, ti nte nsaŋade ke iso fo ke akpanikɔ, ye ke ofuri esit, mma nnyuŋ nnam se ifɔnde ke iso fo. Hezekiah onyuŋ atua eyet eti-eti.

1 CHRONICLES 28:9

Ndien afo Solomon eyen mi, fiɔk Abasi usɔ, nyuŋ nam ŋkpɔ esie ke ofuri esit, ye ke ima ukpɔŋ: koro Jehovah ɔduŋɔde kpukpru esit owo, onyuŋ otim ɔfiɔk kpukpru se ekikere obotde: afo ama oyom enye, eyekut enye; edi ama ɔkpɔŋ enye, enye eyemen fi ɔduɔk tutu amama.

1 CHRONICLES 29:9

Ndien kpukpru owo edat esit, koro mmɔ etatde ubɔk: koro mmɔ etatde ubɔk enɔ Jehovah ke ofuri esit: David edidem ŋko onyuŋ adat esit eti-eti.

ŊWED JOB 1:1

OWO kiet, ekere Job, okodu ke isɔŋ Uz: ndien owo oro ɔfɔn ama, onyuŋ enen, onyuŋ abak Abasi, onyuŋ afara ke idiɔk.

ŊWED JOB 1:8

Ndien Jehovah ɔdɔhɔ Satan, ete, Nte afo emetim ese owo mi Job? koro owo eke ebietde enye miduhe ke ererimbot, ɔfɔn ama, onyuŋ enen, onyuŋ abak Abasi, onyuŋ afara ke idiɔk.

ŊWED MME PSALM 37:37

Tiŋ enyin ke owo eke ɔfɔnde ama, nyuŋ se edinen owo: koro (eti) utit anade ɔnɔ owo emem.

2 ŊWED CORINTH 7:1

SIA nnyin imenyene mme uŋwɔŋɔ emi, ndima mi, eyak nnyin iyet kpukpru se isabarede obukidem ye spirit ifep ke idem nyin, inam nti ido nnyin efɔn ema ke eribak Abasi.

DEUTERONOMY 18:13

Fɔn ma nɔ Jehovah Abasi fo.