1 NDIDEM 8:53 - Edisana ñwed Abasi Ibom

⁵³ Koro edi afo okosio mmɔ ke kpukpru mme idut ererimbot emi, adianare onim ke idemfo ke udeme, kpa nte afo akadade ubɔk Moses owo fo ɔdɔhɔ, ke ini afo osiode mme ete nnyin ke Egypt efep, O Ɔbɔŋ Jehovah.

1 NDIDEM 8:53 ပူးပေါင်းရင်းမြစ်များ

2 SAMUEL 20:19

Ami ndu ke otu mbon emem ye akpanikɔ ke Israel: afo oyoyom ndisobo obio ye eka ke Israel. Afo edinam didie emen udeme Jehovah emen?

EXODUS 33:16

Edinam didie, ndien, efiɔk ete ke afo enen iso ye ami ye ikɔt fo? Nte idige ke erika emi afo akade ye nnyin? Ntre ke eyedianare mi ye ikɔt fo ke kpukpru owo emi edude ke isɔŋ?

JEREMIAH 10:16

koro enye edide andibot kpukpru ŋkpɔ; Israel onyuŋ edi eto udeme esie: Jehovah mme udim edi enyiŋ esie.

NUMBERS 23:9

Ndinyuŋ ntɔk didie se Jehovah mitɔkke? Koro ntiede ke enyɔŋ mbuot ikpɔ itiat ŋkut enye, nnyuŋ ntie ke ikpɔ obot nse enye: sese, edi mbio emi editiede ikpɔŋ ke idem mmɔ: idinyuŋ ibatke mmɔ isin ke otu mme idut.

ŊWED MBON EPHESUS 1:18

Enye akpakam onyuŋ aŋwaŋa enyin esit mbufo, man mbufo efiɔk se idori-enyin eke Enye okotde nnyin idibɔ edide;

DEUTERONOMY 14:2

koro afo edide edisana mbio Jehovah Abasi fo, Jehovah ama onyuŋ emek fi ete edi ata ikɔt esiemɔ, akan kpukpru mme idut emi edude ke iso isɔŋ.

DEUTERONOMY 32:9

Koro udeme Jehovah edi ikɔt esie: Jacob edi ubak emi enye odomode ada.

DEUTERONOMY 4:34

Mme Abasi akananam odomo ndika ŋkosio idut kiet ke idem esie ke ufɔt efen, ke ndomo, ye ke mme idiɔŋɔ, ye ke mme utibe ŋkpɔ, ye ke ekɔŋ, ye ke ɔkpɔsɔŋ ubɔk, ye ke edimenere ubɔk, ye ke ikpɔ ŋkpɔ ndik, nte kpukpru se Jehovah Abasi mbufo akanamde ye mbufo ke Egypt ke iso mbufo, edide?

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

1 PETER 2:9

Edi mbufo edi ubon eke emekde; edi mme oku edidem, edi edisana obio, edi ikɔt eke Abasi onimde ɔnɔ Idem Esie, man mbufo eka ekataŋa mme utibe erinam Esie, emi okokotde mbufo osio ke ekim, esin ke utibe uŋwana esie;