1 NDIDEM 8:50 - Edisana ñwed Abasi Ibom

⁵⁰ nyuŋ dahado nɔ ikɔt fo eke eduede fi, ke kpukpru mme idiɔk ido eke mmɔ ekenamde ye afo, nyuŋ nim mmɔ ke ŋkpɔ mbɔm ke iso mmɔ eke eketaŋde mmɔ efep, man etua mmɔ mbɔm:

1 NDIDEM 8:50 ပူးပေါင်းရင်းမြစ်များ

ŊWED MME PSALM 106:46

Ndien enye esin kpukpru mmɔ oro etaŋde mmɔ efep etua mmɔ mbɔm.

2 CHRONICLES 30:9

Koro edieke mbufo efiakde edem etiene Jehovah, nditɔ-ete mbufo, ye nditɔ mbufo eyekut mbɔm ke iso mmɔ eke eketaŋde mmɔ efep, enyuŋ efiak ke edem emi: koro Jehovah Abasi mbufo enyenede esit mfɔn ye mbɔm, midinyuŋ ikabakere iso esie ikpɔŋ mbufo, ke mbufo efiakde etiene enye.

UTOM MME APOSTLE 7:10

edi Abasi odu ye enye, onyuŋ anyaŋa enye osio ke kpukpru ukut esie, onyuŋ ɔnɔ enye mfɔn-iso ke iso Pharaoh edidem Egypt, onyuŋ anam enye ɔwɔrɔ ɔniɔŋ; Pharaoh onyuŋ onim enye ke andikara Egypt ye ofuri ufɔk esie.

MME ŊKE 16:7

Ke adaŋemi usuŋ owo enemde Jehovah esit, enye anam idem mme asua esie etie emem-emem ye enye.

NEHEMIAH 1:11

Mbɔk, O Ɔbɔŋ, kpaŋ utɔŋ fo ke mkpeubɔk owo fo, ye ke mkpeubɔk ikɔt fo emi emade ndibak enyiŋ fo: mbɔk, nyuŋ nam owo fo okut unen mfin emi nyuŋ nam owo emi atua enye mbɔm. Ndien ami ndi akama-wine edidem.

EZRA 7:6

enye Ezra oto ke Babylon ɔdɔk, ndien enye edi owo ŋwed emi otimde ɔfiɔk ŋwed ibet Moses, emi Jehovah Abasi Israel ɔkɔnɔde: ndien oto ke ubɔk Jehovah Abasi esie emi odude ye enye, edidem ɔnɔ enye kpukpru se enye ebeŋede.

EXODUS 3:21

Nyenyuŋ nsin nditɔ Egypt enen iso ye ikɔt mi emi: ndien ekem ke adaŋemi mbufo edisaŋade, mbufo idisaŋake ubɔk-ubɔk:

1 NDIDEM 8:49

tie ndien ke enyɔŋ, ebiet iduŋ fo, kop akam mmɔ, ye mkpe-ubɔk mmɔ, nyuŋ nam ikpe etebe mmɔ;

2 CHRONICLES 33:13

onyuŋ ɔbɔŋ akam ɔnɔ enye: ndien enye okop uyo esie, onyuŋ ekpaŋ utɔŋ ke eseme esie, ndien ada enye afiak ke Jerusalem ke itie ubɔŋ esie. Ndien Manasseh ɔfiɔk ete ke edi Jehovah edi Abasi.

ŊWED MME PSALM 32:5

Nyesian fi ndudue mi, ndien ŋkofukke mme ukwaŋ-ŋkpɔ mi. Ŋkɔdɔhɔ nte, Nyetiŋ mme idiɔk ido mi nnɔ Jehovah; ndien afo efen ukwaŋ-ŋkpɔ ye ndudue mi. [Selah.]