1 NDIDEM 8:48 - Edisana ñwed Abasi Ibom

⁴⁸ ndien efiak edem etiene fi ke ofuri esit mmɔ, ye ke ofuri ukpɔŋ, mmɔ ke isɔŋ mme asua mmɔ oro eketaŋde mmɔ efep, enyuŋ ebɔŋ akam enɔ fi ese usuŋ isɔŋ mmɔ, emi afo ɔkɔnɔde mme ete mmɔ, ye obio emi afo emekde, ye ufɔk emi mbɔpde nnɔ enyiŋ fo:

1 NDIDEM 8:48 ပူးပေါင်းရင်းမြစ်များ

1 NDIDEM 8:33

Adaŋemi ikɔt fo Israel edisuanade ke iso mme asua mmɔ, koro mmɔ ediduede fi, ndien mmɔ ema ekabare etiene fi, enyuŋ esiak enyiŋ fo, enyuŋ ebɔŋ akam, enyuŋ ekpe fi ubɔk ke ufɔk emi:

1 NDIDEM 8:49

tie ndien ke enyɔŋ, ebiet iduŋ fo, kop akam mmɔ, ye mkpe-ubɔk mmɔ, nyuŋ nam ikpe etebe mmɔ;

2 NDIDEM 23:25

Ndien baba edidem kiet eke ebietde enye akanam ibemke enye iso, emi akabarede etiene Jehovah ke ofuri esit esie, ye ke ofuri ukpɔŋ esie, ye ke ofuri odudu esie, nte ofuri ibet Moses eketemede; baba kiet eke ebietde enye akanam inyuŋ itieneke edem idaha ida.

NEHEMIAH 1:9

ndien mbufo ema efiak etiene mi, enyuŋ enim ibet mi, enyuŋ enam mmɔ; mbufo ekpesuana tutu esim ke utit enyɔŋ, ŋkpataŋ mmɔ do mbon, nnyuŋ nda mmɔ ndi ke ebiet emi ŋkemekde man nnim enyiŋ mi do.

ŊWED MME PSALM 119:10

Mmada ofuri esit mi nyom fi: kuyak mi ŋkpɔŋ mbet fo ndue.

ŊWED MME PSALM 119:145

Nda ofuri esit nseme; yere mi, O Jehovah; nyenim mme ewuhɔ fo.

ŊWED MME PSALM 119:2

Ɔfɔfɔn ɔnɔ mmɔ eke enimde uyo esie, eke eyomde enye ke ofuri esit.

MME ŊKE 23:26

Eyen mi, nɔ mi esit fo: Yak enyin fo enyuŋ etim ese usuŋ mi.

JEREMIAH 24:7

Ndien nyenɔ mmɔ esit eke ɔfiɔkde mi, ete ke ami ndi Jehovah: ndien mmɔ eyedi ikɔt mi, ami nyenyuŋ ndi Abasi mmɔ: koro mmɔ eyefiak etiene mi ke ofuri esit mmɔ.

JEREMIAH 3:10

Ndien idem ofuri ŋkpɔ emi isinke Judah ama-nsu eyen eka esie aŋwan afiak etiene mi ke ofuri esit esie, edi ke abiaŋa. Emi edi uyo Jehovah.

DANIEL 6:10

Ekem ke adaŋemi Daniel ɔfiɔkde ete ke emesin enyiŋ ke ŋwed, enye oduk ke ufɔk esie, ekeberere window ubet enyɔŋ esie ke edem emi esede Jerusalem; ndien enye ɔtɔŋɔ edɔŋ esie utim ikata ke usen, onyuŋ ɔbɔŋ akam, onyuŋ ɔnɔ ekɔm ke iso Abasi esie kpasuk nte enye akam esinamde.

DANIEL 6:11

Ekem mbon oro esop idem edikut ete ke Daniel ɔbɔŋ akam, onyuŋ anam mkpe-ubɔk ke iso Abasi esie.

DANIEL 9:13

kpa nte emi ekewetde ke ŋwed mbet Moses, ofuri idiɔk-ŋkpɔ emi omosim nnyin. Edi nnyin ikekpehe Jehovah Abasi nnyin ubɔk, inyuŋ ikpɔŋke mme idiɔk ido nnyin ifiak edem, inyuŋ itimke ifiɔk akpanikɔ fo.

DANIEL 9:5

Nnyin imedue, imonyuŋ inam ukwaŋ-ŋkpɔ, imonyuŋ idiɔk, inyuŋ isɔŋ ibuot, inyuŋ ikabare ikpɔŋ ido fo ye mme item fo:

LEVITICUS 26:40

Edieke mmɔ esemede mme idiɔk ido idem mmɔ, ye mme idiɔk ido mme ete mmɔ, ye mme oburobut ido emi mmɔ ekenamde ye ami, ye nte mmɔ esaŋade ŋko ke ndusuara ye ami;

JONAH 2:4

Ndien ami ndɔhɔ, nte, Ememen mi efep ke iso fo eduɔk; edi nyesuk nse edisana temple fo.

ZECHARIAH 10:9

Ndien nyesuan mmɔ ke otu mme idut: ndien mmɔ eyetie ke nnyan idut eti mi; mmɔ eyenyuŋ edu uwem ye nditɔ mmɔ, enyuŋ efiak edem edi.

UTOM MME APOSTLE 8:36

Edi nte mmɔ ekade iso ke usuŋ mmɔ, mmɔ edisim mmɔŋ;

ŊWED MBON ROME 10:10

koro owo ada esit onim ke akpanikɔ enyene edinen ido; onyuŋ ada inua onyime enyene erinyaŋa.

DEUTERONOMY 4:29

Ndien afo ama etie do oyom Jehovah Abasi fo, afo eyekut enye, edieke oyomde enye ke ofuri esit fo, ye ke ofuri ukpɔŋ fo.