1 NDIDEM 8:44 - Edisana ñwed Abasi Ibom

⁴⁴ Adaŋemi ikɔt fo edikade ekɔŋ ye mme asua mmɔ, ke usuŋ eke afo edidɔŋde mmɔ utom, edinyuŋ ebɔŋde akam enɔ Jehovah ese usuŋ obio emi afo emekde, ese ufɔk emi mbɔpde nnɔ enyiŋ fo;

1 NDIDEM 8:44 ပူးပေါင်းရင်းမြစ်များ

2 SAMUEL 5:19

Ndien David obup Jehovah, ete, Nte ndɔk ŋka ekɔŋ ye mme Philistine? Nte afo edida mmɔ esin mi ke ubɔk? Ndien Jehovah ɔdɔhɔ David, ete, Dɔk: koro mmenditreke ndida mme Philistine nsin fi ke ubɔk.

2 SAMUEL 5:23

Ndien ke ini David obupde Jehovah, enye ɔdɔhɔ ete, Kudɔk; wɔŋɔre ke edem mmɔ, kosim mmɔ ke edem eto mulberry.

1 NDIDEM 8:16

Toto ke usen oro ŋkosiode ikɔt mi Israel ke Egypt mfep, ŋkemekke baba obio kiet ke otu kpukpru mme esien Israel nte ebɔp ufɔk, man enyiŋ mi okpodu do; edi ŋkemek David nte enye akara ikɔt mi Israel.

1 NDIDEM 8:45

tie, ndien, ke enyɔŋ kop akam mmɔ, ye mkpe-ubɔk mmɔ, nyuŋ nam ikpe asana mmɔ.

2 CHRONICLES 18:31

Edikem adaŋemi mme etubom mme chariot ekekutde Jehoshaphat, enyuŋ edɔhɔde, ete, Edidem Israel edi emi; ndien mmɔ ekan enye ekuk, ete iŋwana ye enye: edi Jehoshaphat ofiori, ndien Jehovah anyaŋa enye; Abasi onyuŋ esin mmɔ ekpɔŋ enye.

2 CHRONICLES 20:5

Ndien Jehoshaphat ada ke esop Judah ye Jerusalem, ke ufɔk Jehovah, ke iso obufa okure, onyuŋ ɔdɔhɔ ete,

2 CHRONICLES 32:20

Ndien oro esin Hezekiah edidem ye Isaiah prophet, eyen Amoz, enam mkpe-ubɔk, mmɔ enyuŋ eseme enɔ enyɔŋ.

2 CHRONICLES 6:34

Adaŋemi ikɔt fo edikade ekɔŋ ye mme asua mmɔ ke usuŋ emi afo edidɔŋde mmɔ, edinyuŋ ebɔŋde akam ese obio emi afo emekde, ye ufɔk emi ami mbɔpde nnɔ enyiŋ fo;

DANIEL 6:10

Ekem ke adaŋemi Daniel ɔfiɔkde ete ke emesin enyiŋ ke ŋwed, enye oduk ke ufɔk esie, ekeberere window ubet enyɔŋ esie ke edem emi esede Jerusalem; ndien enye ɔtɔŋɔ edɔŋ esie utim ikata ke usen, onyuŋ ɔbɔŋ akam, onyuŋ ɔnɔ ekɔm ke iso Abasi esie kpasuk nte enye akam esinamde.

JUDGES 4:6

Ndien enye ɔdɔŋ ekekot Barak eyen Abinoam ke Kedesh-naphtali edi, ndien ɔdɔhɔ enye, ete, Nte Jehovah Abasi Israel iwukke, ite, Saŋa udim udim ka ke akamba obot Tabor, nyuŋ da tɔsin owo duop ŋko ke otu nditɔ Naphtali ye nditɔ Zebulum dian idem?

JUDGES 6:14

Ndien Jehovah ɔwɔŋɔre ese enye, onyuŋ ɔdɔhɔ ete, Da odudu fo emi ka, ndien afo eyenyaŋa Israel osio ke ubɔk Midian.

1 SAMUEL 15:18

Ndien Jehovah ɔdɔŋ fi utom, ete, Ka kosobo mme idiɔk owo oro kpa mme Amalekite, nyuŋ ŋwana ekɔŋ ye mmɔ tutu ama mmɔ.

1 SAMUEL 15:3

Ka, ndien kasuan Amalek, mbufo enyuŋ esobo kpukpru se mmɔ enyenede, kufen mmɔ: edi wot eren, ye ŋwan, ye eyen-ɔwɔŋ, ye nsek-eyen, ye enaŋ, ye ŋkpri ufene, ye camel, ye ass.

1 SAMUEL 30:8

Ndien David obup Jehovah, ete, Nte ndibine udim owo emi? Nte ndisim mmɔ? Ndien enye ɔdɔhɔ enye, ete, Bine: koro afo mudutreke ndisim mmɔ,