1 NDIDEM 8:43 - Edisana ñwed Abasi Ibom

⁴³ afo tie ke enyɔŋ, ebiet iduŋ fo, kop, nyuŋ nam kpukpru se esen owo oro edisemede ɔnɔ fi abaŋa: kpaŋ kpukpru mbio ererimbot emi ekpefiɔk enyiŋ fo, enyuŋ ebak fi, kpa nte ikɔt fo Israel enamde: man mmɔ enyuŋ efiɔk ete ke eda enyiŋ fo esio ufɔk emi ami mbɔpde.

1 NDIDEM 8:43 ပူးပေါင်းရင်းမြစ်များ

1 NDIDEM 18:36

Edikem ke ini emi ekam ewade uwa, prophet Elijah asaŋa ekpere, onyuŋ ɔdɔhɔ ete, O Jehovah Abasi Abraham, ye eke Isaac, ye eke Israel, ke ami nnyuŋ ndi owo fo, ke nnyuŋ nnam kpukpru ŋkpɔ emi ke uyo fo.

1 NDIDEM 8:60

man kpukpru obio ke ererimbot efiɔk ete ke Jehovah edi Abasi; efen iduhe du.

2 NDIDEM 19:19

Ke emi, ndien, O Jehovah Abasi nnyin, mbɔk, nyaŋa nnyin sio enye ke ubɔk, ndien kpukpru mme idut ererimbot eyefiɔk ete ke afo edi Jehovah Abasi, afo ikpɔŋ-ikpɔŋ.

1 CHRONICLES 16:8

Mbufo ekɔm Jehovah; eseme ekot enyiŋ esie; emen se enye anamde etaŋa enɔ kpukpru owo.

2 CHRONICLES 6:33

afo tie ndien ke enyɔŋ, kpa ebiet-iduŋ fo, kop, nyuŋ nam kpukpru se esen owo oro edisemede ɔnɔ fi abaŋa; man kpukpru mme idut ke ererimbot efiɔk enyiŋ fo, enyuŋ ebak fi, kpa nte ikɔt fo Israel enamde, enyuŋ efiɔk ete ke enyiŋ fo odoro ke ufɔk emi ŋkɔbɔpde.

ŊWED MME PSALM 102:15

Ndien mme idut eyefehe enyiŋ Jehovah, kpukpru ndidem ererimbot eyenyuŋ ebak ubɔŋ fo.

ŊWED MME PSALM 22:27

Kpukpru mme utit ererimbot eyeti, enyuŋ ekabare etiene Jehovah: kpukpru ufɔk mme idut eyenyuŋ etuak ibuot enɔ fi.

ŊWED MME PSALM 33:14

Enye etie ke ebiet iduŋ esie, ese kpukpru mme andiduŋ ererimbot.

ŊWED MME PSALM 67:2

Man efiɔk usuŋ fo ke isɔŋ, efiɔk erinyaŋa fo ke otu kpukpru mme idut.

ŊWED MME PSALM 86:9

Kpukpru mme idut emi afo akanamde eyedi edituak ibuot ke iso fo, Ɔbɔŋ; eyenyuŋ ekpono enyiŋ fo.

ISAIAH 11:9

Mmɔ idinamke idiɔk, idinyuŋ ibiatke ŋkpɔ ke ofuri edisana obot mi: koro ifiɔk Jehovah eyeyɔhɔ ke ererimbot, kpa nte mmɔŋ ofukde inyaŋ.

JEREMIAH 25:29

Koro, sese, ami mmɔŋ ntɔŋɔ ndida idiɔk-ŋkpɔ ntiene obio emi ekerede enyiŋ mi, ndien nte mbufo edibɔhɔ ufen kpukpru? Mbufo idibɔhɔke bɔhɔ: koro ami ŋkotde ofut, nte osim kpukpru mme andiduŋ isɔŋ: emi edi uyo Jehovah mme udim.

DEUTERONOMY 26:15

Tie ke edisana iduŋ fo ke heaven tuk iso se, nyuŋ diɔŋ ikɔt fo Israel, ye isɔŋ emi afo ɔkɔnɔde nnyin, kpa nte afo ɔkɔwɔŋɔde ɔnɔ mme ete nnyin, kpa isɔŋ emi ɔfiɔrɔde mmɔŋ-eba ye aran-ɔkwɔk.

JOSHUA 4:23

Koro Jehovah Abasi mbufo akanamde mmɔŋ Jordan asat ke iso mbufo, tutu mbufo ekebe, kpa nte Jehovah Abasi mbufo akanamde Ididuot Inyaŋ, emi enye akanamde asat ke iso nnyin tutu nnyin ibe:

JOSHUA 4:24

Kpaŋ kpukpru mme idut ke ererimbot ekpefiɔk ubɔk Jehovah, nte enye ɔsɔŋɔde: kpaŋ mbufo ekpeteŋe Jehovah Abasi mbufo kpukpru ini.

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.

1 SAMUEL 17:46

Mfin emi Jehovah eyeda fi esin mi ke ubɔk; ndien nyewot fi, nnyuŋ mbigi fi ibuot; nyenyuŋ nda okpo mbon ekɔŋ mme Philistine mfin emi, nnɔ mme inuen enyɔŋ, ye mme unam ikɔt; man ofuri ererimbot efiɔk ete ke Israel enyene Abasi.