1 NDIDEM 8:40 - Edisana ñwed Abasi Ibom

⁴⁰ kpaŋ mmɔ ekpebak fi kpukpru usen eke mmɔ edidude ke iso isɔŋ emi afo ɔkɔnɔde mme ete nnyin.

1 NDIDEM 8:40 ပူးပေါင်းရင်းမြစ်များ

GENESIS 22:12

Ndien enye ɔdɔhɔ ete, Kuda ubɔk fo utuk eyen oro, kunyuŋ unam enye baba ŋkpɔ kiet: koro ke emi ke mfiɔk nte afo efefehe Abasi, afo unyuŋ usinke mi eyen fo kierakiet.

1 NDIDEM 8:39

afo tie ndien ke enyɔŋ, ebiet iduŋ fo, kop, nyuŋ dahado, nyuŋ nam, nyuŋ nɔ owo emi afo ɔfiɔkde esit esie, nte kpukpru usuŋ esie edide: koro afo ikpɔŋ ɔfiɔkde esit kpukpru nditɔ Adam;

1 NDIDEM 8:41

Ndien ŋko, ama edi esen owo emi midige ikɔt fo Israel, emi editode ke anyan idut edi, abaŋa enyiŋ fo;

ŊWED MME PSALM 115:13

Eyediɔŋ mmɔ eke ebakde Jehovah, ye ŋkpri ye ikpɔ.

ŊWED MME PSALM 130:4

Koro eridahado enyenede fi, man eteŋe fi.

EXODUS 20:20

Ndien Moses ɔdɔhɔ mmɔ ete, Mbufo ekufehe ndik; koro Abasi emedi ndidomo mbufo, man uteŋe esie odu mbufo ke iso ŋko, man mbufo ekunam idiɔk.

HOSEA 3:5

Ndien ke ini edibede, nditɔ Israel eyetɔŋɔ ntak eyom Jehovah Abasi mmɔ, ye David edidem mmɔ; enyuŋ ebak Jehovah ye mfɔn esie ke akpatre usen.

UTOM MME APOSTLE 10:2

Ndien enye edi owo emi eteŋede Abasi onyuŋ abakde Abasi ye ofuri ufɔk esie, onyuŋ ɔnɔde mme ubuene ediwak ŋkpɔ-mfɔn, onyuŋ ɔbɔŋde akam ɔnɔ Abasi kpukpru ini.

UTOM MME APOSTLE 9:31

Ntre ke ufɔk Abasi ke ofuri Judaea ye Galilee ye Samaria okut ifure, onyuŋ ɔkɔri ke uwem Abasi; mbon Ufɔk Abasi enyuŋ esaŋa ke uteŋe Jehovah ye ke ndɔŋesit Edisana Spirit, enyuŋ etɔt eti-eti.

DEUTERONOMY 12:1

MME mmɔ emi edi mme ewuhɔ ye mme item emi mbufo edikpemede ndinam ke isɔŋ emi Jehovah Abasi mme usɔ ɔnɔde fi ete ada enye enyene, ofuri ini eke mbufo edidude uwem ke isɔŋ.

DEUTERONOMY 6:13

Bak Jehovah Abasi fo, nyuŋ nam ŋkpɔ esie, nyuŋ tomo enyiŋ esie.

DEUTERONOMY 6:2

man afo abak Jehovah Abasi fo, onyuŋ ekpeme kpukpru mme ewuhɔ esie, ye mbet esie, emi ami ntemede fi, afo, ye eyen fo, ye eyeyen fo, ofuri ini uwem fo; man mme usen fo enyuŋ ebigi.

MME HEBREW 12:28

Mmɔdo sia nnyin inyenede Obio Ubɔŋ eke ŋkpɔ mikemeke ndinyeŋe, yak nnyin inyene esit ekɔm, inyuŋ ida emi inɔ Abasi, utom eke enemde Enye esit ke ukpono ye uteŋe.

JOSHUA 4:24

Kpaŋ kpukpru mme idut ke ererimbot ekpefiɔk ubɔk Jehovah, nte enye ɔsɔŋɔde: kpaŋ mbufo ekpeteŋe Jehovah Abasi mbufo kpukpru ini.

ERIYARARE 15:4

Anie editre nditeŋe Fi, O Ɔbɔŋ, ndinyuŋ nnɔ enyiŋ Fo ubɔŋ? Koro Afo ikpɔŋ edi edisana; Kpukpru mme idut eyenyuŋ edi edituak ibuot ke iso Fo; Koro ndinen ikpe Fo ema eyarare ewut idem.

ERIYARARE 19:5

Uyo onyuŋ oto ke ebekpo ɔwɔrɔ ete, Etoro Abasi nnyin, kpukpru mbufo ikɔt Esie, Emi eteŋede Enye, ŋkpri ye ikpo.

1 SAMUEL 12:24

edi mbufo ebak Jehovah, enyuŋ enam ŋkpɔ esie ke akpanikɔ ke ofuri esit mbufo: koro mbufo ese oruk ikpɔ ŋkpɔ emi enye akamde ye mbufo.