1 NDIDEM 8:34 - Edisana ñwed Abasi Ibom

³⁴ afo tie ndien ke enyɔŋ kop, nyuŋ dahado ke idiɔk-ŋkpɔ ikɔt fo Israel, nyuŋ da mmɔ fiak ke isɔŋ emi afo ɔkɔnɔde mme ete mmɔ.

1 NDIDEM 8:34 ပူးပေါင်းရင်းမြစ်များ

GENESIS 13:15

ye nnasia; koro nyeda ofuri isɔŋ emi afo okutde, nnɔ fi ye ubon fo ke nsinsi.

1 NDIDEM 8:30

Kop ndien mkpe-ubɔk owo fo, ye eke ikɔt fo Israel, eke mmɔ edinamde ese ebiet emi: afo nyuŋ tie ke ebiet iduŋ fo ke enyɔŋ kop: ndien ke ini afo okopde, dahado.

1 NDIDEM 8:33

Adaŋemi ikɔt fo Israel edisuanade ke iso mme asua mmɔ, koro mmɔ ediduede fi, ndien mmɔ ema ekabare etiene fi, enyuŋ esiak enyiŋ fo, enyuŋ ebɔŋ akam, enyuŋ ekpe fi ubɔk ke ufɔk emi:

1 NDIDEM 8:35

Adaŋemi enyɔŋ esirede, edim minyuŋ idepke, koro mmɔ edidue fi: ndien mmɔ ema ebɔŋ akam ese ebiet emi, enyuŋ etoro enyiŋ fo, enyuŋ ekpɔŋ mme idiɔk ido mmɔ efiak edem, koro afo ɔtuhɔde mmɔ:

ŊWED MME PSALM 106:46

Ndien enye esin kpukpru mmɔ oro etaŋde mmɔ efep etua mmɔ mbɔm.

ŊWED MME PSALM 106:47

O Jehovah Abasi nnyin, nyaŋa nnyin, nyuŋ taŋ nnyin ke mme idut di bon, man nnyin ikɔm edisana enyiŋ fo, inyuŋ ibure mbure ke itoro fo.

ŊWED MME PSALM 85:2

Amadahado ke idiɔk ido ikɔt fo, omofuk kpukpru mme ukwaŋ-ŋkpɔ mmɔ. [Selah.]

EXODUS 6:8

Nyenyuŋ nda mbufo nduk ke isɔŋ oro ŋkɔŋwɔŋɔde mbaŋa, nte, Nyeda enye nnɔ Abraham, ye Isaac, ye Jacob; Nyenyuŋ mmen enye nnɔ mbufo nte eda enyene: ami ndi Jehovah.

JEREMIAH 31:27

Jehovah ɔdɔhɔ, ete Sese, mme usen ke edi eke ndidade mkpasip owo ye mkpasip ufene nsuan ke ufɔk Israel ye ke ufɔk Judah.

JEREMIAH 32:37

sese, ami nyetaŋ mmɔ ke kpukpru mme idut emi ŋkebinde mmɔ nsin do, ke iyaresit mi, ye ke ifuresit mi, ye ke akwa ikpahesit, mbon; ndien nda mmɔ mfiak ke ɔtɔ emi, nnyuŋ nyak mmɔ eduŋ ke ifure.

DANIEL 9:12

Enye omonyuŋ anam uyo esie oro enye ɔkɔdɔhɔde abaŋa nnyin ye mme ebierikpe nnyin emi ekekpede ikpe nnyin, ɔsɔŋɔ ada: onyuŋ ada akwa idiɔk ŋkpɔ etiene nnyin: koro owo akanam minamke baba ke idak ofuri ikpa enyɔŋ, nte emi ekenamde ke Jerusalem:

DANIEL 9:19

O Ɔbɔŋ, kop; O Ɔbɔŋ, dahado; O Ɔbɔŋ, kpaŋ utɔŋ, nyuŋ nam; kubigi, baŋa idem fo, O Abasi mi: koro obio fo ye ikɔt fo ekerede enyiŋ fo.

DANIEL 9:25

Fiɔk, ndien, nyuŋ tim nim ke ibuot, ete, ke ɔtɔŋɔde ke ini emi uyo ɔwɔrɔde, ete etɔŋɔ ntak ediɔŋ enyuŋ ebɔp Jerusalem, tutu osim ke ini Messiah Ɔbɔŋ, eyedi urua itiaba ye urua ata ye iba: eyetɔŋɔ ntak ediɔŋ aŋwa ye ukpe, kpa ke ini nnanenyin.

AMOS 7:2

Ndien edikem adaŋemi mmɔ ema eketa ofuri mbiet isɔŋ ema, ami ndɔhɔ, nte, Mbɔk, Ɔbɔŋ Jehovah, dahado: Jacob edinam didie adaha ada? koro enye emekpri.

DEUTERONOMY 30:1

NDIEN ama ekem, ke adaŋemi kpukpru ŋkpɔ emi etienede fi, kpa eridiɔŋ ye isuŋi, emi nnimde ke iso fo, afo onyuŋ ekerede mmɔ ke esit fo, ke otu kpukpru mme idut eke Jehovah Abasi fo ebinde fi ekesin do,

DEUTERONOMY 30:4

Edieke owo mbufo ekededi eke ebinde efep, odude ke utit enyɔŋ, do ke Jehovah Abasi fo editaŋ fi, do ke enye edinyuŋ ada fi edi:

JOSHUA 21:43

Ntem Jehovah ɔnɔ Israel ofuri isɔŋ oro enye ɔkɔŋwɔŋɔde, ete iyenɔ mme ete mmɔ; eda enye enyene, enyuŋ eduŋ ke esit.