1 NDIDEM 8:28 - Edisana ñwed Abasi Ibom

²⁸ Wɔŋɔre, ndien, se akam owo fo, ye mkpe-ubɔk esie, O Jehovah Abasi mi, nyuŋ kop uyo itoro, ye akam emi owo fo ɔbɔŋde ke iso fo mfin emi:

1 NDIDEM 8:28 ပူးပေါင်းရင်းမြစ်များ

2 NDIDEM 13:23

Ndien Jehovah ɔfɔn mfɔn ye mmɔ, onyuŋ atua mmɔ mbɔm, onyuŋ akabare ese mmɔ, abaŋa ediomi esie ye Abraham, ye Isaac, ye Jacob, inyuŋ inyimeke ndisobo mmɔ, inyuŋ imenke mmɔ kaŋa ke iso esie iduɔk.

2 CHRONICLES 6:19

Wɔŋɔre, ndien, se akam owo fo, ye mkpeubɔk esie, O Jehovah Abasi mi, nyuŋ kop eseme ye akam emi owo fo ɔbɔŋde ke iso fo:

NEHEMIAH 1:6

mbɔk, kpaŋ utɔŋ, nyuŋ tat enyin, man okop mkpe-ubɔk owo fo, emi ami ŋkpede ke iso fo mfin, ke uwemeyo ye ke okoneyo, mbaŋa nditɔ Israel ikɔt fo, nnyuŋ nyarare mme idiɔk ido nditɔ Israel, emi nnyin ikenamde ye afo kpa ami ye ufɔk ete mi ikedue.

ŊWED MME PSALM 141:2

Yak akam mi ada ke iso fo nte incense; yak umenere ubɔk mi etie nte uwa mbubreyo.

ŊWED MME PSALM 4:1

EDINEN Abasi mi, yere mi ke adaŋa emi nsemede ŋkot fi; afo ama ababare mi mbaba; tua mi mbɔm, nyuŋ kop mkpe-ubɔk mi.

ŊWED MME PSALM 5:1

O JEHOVAH, kop ikɔ mi, tim fiɔk se ŋkerede. Kpaŋ utɔŋ ke uyo mfiori mi,

ŊWED MME PSALM 5:2

O edidem mi, ye Abasi mi; koro mmɔŋ mkpe fi ubɔk.

ŊWED MME PSALM 86:3

O Ɔbɔŋ, fɔn ido ye ami: koro nyeseme nnɔ fi ke ofuri usen.

ISAIAH 37:15

Ndien Hezekiah ekpe Jehovah ubɔk, ete,

LUKE 18:1

EKEM Enye otop ŋke ɔnɔ mmɔ, ndikpep ete mme owo ekpebɔŋ akam kpukpru ini, ekunyuŋ ekpa mba.

LUKE 18:7

Nte Abasi idinyuŋ isioho usiene inɔ ndimek ikɔt Esie, emi esemede enɔ Enye uwem-eyo ye okoneyo, okposuk edi nte Enye emede anyan ime ke ikɔ mmɔ?

ŊWED MBON PHILIPPI 4:6

Ekutimere esit ke baba ŋkpɔ kiet, edi ke kpukpru ŋkpɔ, esaŋa ye akam ye mkpe-ubɔk ye ekɔm, esian Abasi se mbufo eyomde.