1 NDIDEM 8:24 - Edisana ñwed Abasi Ibom

²⁴ emi ama akada se afo ɔkɔdɔhɔde David ete mi, onim ɔnɔ enye: afo okonyuŋ ɔdɔhɔ ke inua fo, onyuŋ ada ubɔk fo anam osu, kpa nte edide mfin emi.

1 NDIDEM 8:24 ပူးပေါင်းရင်းမြစ်များ

2 SAMUEL 7:12

Ndien ke ini usen fo ekemde, ke afo onyuŋ anade ye mme usɔ ede, ami nyenam ubon fo emi editode fi ke idem, etiene fi adaha ada, nnyuŋ nnam ubɔŋ esie ɔsɔŋ ada.

2 SAMUEL 7:16

Ntre ke ufɔk fo ye ubɔŋ fo edisɔŋ eda ke iso fo ke nsinsi: ebekpo fo eyewuhɔ ke nsinsi.

1 NDIDEM 8:15

Ndien enye ɔdɔhɔ, ete, Ekɔm Jehovah Abasi Israel, emi akadade inua esie etiŋ ɔnɔ David ete mi, okonyuŋ adade ubɔk esie anam osu, ete,

1 NDIDEM 8:23

O Jehovah Abasi Israel, Abasi eke ebietde fi iduhe du ke enyɔŋ ke heaven, ye ke isɔŋ ke idak, eke onimde ediomi ye mfɔn ɔnɔ ikɔt fo eke esaŋade ke iso fo ke ofuri esit mmɔ:

1 NDIDEM 8:25

O Jehovah Abasi Israel, da, ndien, se afo ɔkɔdɔhɔde David owo fo, ete mi, nnim nɔ enye, ete, “Owo fo iditreke nditie ke iso mi ke ebekpo Israel: edieke nditɔ fo edisuk ekpemede usuŋ mmɔ, enyuŋ esaŋade ke iso mi, kpa nte afo akasaŋade ke iso mi”.

ŊWED MME PSALM 138:2

Nyetuak ibuot nse edisana temple fo; nnyuŋ ŋkɔm enyiŋ fo mbaŋa ima fo ye akpanikɔ fo; koro afo omokpono ikɔ fo akan ofuri enyin fo.

JOSHUA 21:45

Baba ikɔ kiet ke kpukpru nti ikɔ oro Jehovah ɔkɔdɔhɔde ye ufɔk Israel ikpuho; kpukpru esu.

JUDGES 13:11

Ndien Manoah adaha ke enyɔŋ, etiene ŋwan esie edem, okosim owo oro, onyuŋ obup enye, ete, Nte afo edi owo oro ɔkɔdɔhɔde ye ŋwan emi?