1 NDIDEM 8:23 - Edisana ñwed Abasi Ibom

²³ O Jehovah Abasi Israel, Abasi eke ebietde fi iduhe du ke enyɔŋ ke heaven, ye ke isɔŋ ke idak, eke onimde ediomi ye mfɔn ɔnɔ ikɔt fo eke esaŋade ke iso fo ke ofuri esit mmɔ:

1 NDIDEM 8:23 ပူးပေါင်းရင်းမြစ်များ

GENESIS 17:1

NDIEN adaŋa emi Abram osimde isua anaŋ ye efurenaŋ, Jehovah owut Abram idem esie, ete enye, Ami ndi Abasi Ibom, saŋa ke iso mi, nyuŋ fɔn ma.

GENESIS 33:20

silver ikie. Enye onyuŋ anam itie-uwa do, onyuŋ osio enye enyiŋ El-elohe-Israel.

2 SAMUEL 7:22

Mmɔdo afo omokpon, O Jehovah Abasi: koro baba kiet mibietke fi, Abasi inyuŋ iduhe ke mibɔhɔke afo, ke kpukpru se nnyin ikekopde ke utɔŋ nnyin.

1 NDIDEM 2:4

man Jehovah onim uyo esie emi enye ɔkɔdɔhɔde mi, ete, Edieke nditɔ fo ekpemede ikpat isaŋ mmɔ, enyuŋ esaŋa ke iso mi ke akpanikɔ, ke ofuri esit mmɔ, ye ke ofuri ukpɔŋ mmɔ: ete, Owo eke etiede ke ebekpo Israel idinanake fi.

1 NDIDEM 3:6

Ndien Solomon ɔdɔhɔ ete, Afo ɔmɔfɔn ye owo fo David ete mi akamba mfɔn, kpa nte enye akasaŋade ke iso fo ke akpanikɔ, ye ke eti ido, ye ke esit emi enende ye afo; afo ama onyuŋ onim akamba mfɔn emi ɔnɔ enye, ama onyuŋ ɔnɔ enye eyen eke etiede ke ebekpo esie, kpa nte edide mfin emi.

1 NDIDEM 6:12

Ama edi ufɔk emi afo ɔbɔpde, afo ama asaŋa ke mme ewuhɔ mi, onyuŋ anam mme item mi, onyuŋ onim ibet mi kpukpru, onyuŋ asaŋa ke esit; ndien nyenam uyo mi oro ŋkodɔhɔde David usɔ,

1 NDIDEM 8:24

emi ama akada se afo ɔkɔdɔhɔde David ete mi, onim ɔnɔ enye: afo okonyuŋ ɔdɔhɔ ke inua fo, onyuŋ ada ubɔk fo anam osu, kpa nte edide mfin emi.

2 NDIDEM 20:3

O Jehovah mbɔk, ti nte nsaŋade ke iso fo ke akpanikɔ, ye ke ofuri esit, mma nnyuŋ nnam se ifɔnde ke iso fo. Hezekiah onyuŋ atua eyet eti-eti.

EZRA 1:3

Anie owo mbufo odu ke otu kpukpru ikɔt esie, yak Abasi esie odu ye enye; yak enye onyuŋ ɔdɔk ke Jerusalem emi odude ke Judah, onyuŋ ɔdiɔŋ ufɔk Jehovah Abasi Israel (enye edi Abasi), emi odude ke Jerusalem.

NEHEMIAH 1:5

Ndien ndɔhɔ nte, Mbɔk, Jehovah Abasi enyɔŋ, akamba Abasi emi enyenede uteŋe, emi onimde ediomi ye ima ɔnɔ mmɔ emi emade enye, enyuŋ enimde mbet esie:

NEHEMIAH 9:32

Mbɔk, ndien, O Abasi nnyin, akwa, ye ɔkpɔsɔŋ Abasi emi enyenede ndik, onyuŋ onimde ediomi ye ima, kuse ofuri ukut emi nnyin, ye ndidem nnyin, ye mbɔŋ nnyin, ye mme oku nnyin, ye mme prophet nnyin, ye mme ete nnyin, ye ofuri ikɔt fo ekekutde, toto ke eyo edidem Assyria, tutu osim mfin emi, ke ekpri ŋkpɔ.

ŊWED MME PSALM 113:5

Anie ebiet Jehovah Abasi nnyin, emi oduŋde ke enyɔŋ,

ŊWED MME PSALM 35:10

Kpukpru mme ɔkpɔ mi eyedɔhɔ, ete, Jehovah, anie ebiet fi, emi osiode owo ukut ke ubɔk owo eke ɔsɔŋde akan enye? (Ke osio) owo ukut ye ubuene ke ubɔk owo eke obumede enye?

ŊWED MME PSALM 86:8

O Ɔbɔŋ, baba kiet ke otu mme abasi ibietke fi; baba ŋkpɔ kiet inyuŋ ibietke se afo anamde.

EXODUS 15:11

Anie, ke otu mme abasi ebiet fi O Jehovah? Anie ebiet fi, emi okponde ubɔŋ ke edisana ido, emi eteŋede ke itoro, anamde mme utibe ŋkpɔ?

EXODUS 3:15

Ndien Abasi ɔtɔŋɔ ntak ɔdɔhɔ Moses ete, Ntem ke afo edidɔhɔ nditɔ Israel, ete, Jehovah Abasi mme ete mbufo, Abasi Abraham, ye Abasi Isaac, ye Abasi Jacob, ɔdɔŋ mi utom ke ɔtɔ mbufo; emi edi enyiŋ mi ke nsinsi, emi onyuŋ edi se edade eti mi ke kpukpu emana.

ISAIAH 40:18

Ndien mbufo edidomo Abasi ye anie? Enyuŋ eda nso idomo edomo enye?

ISAIAH 40:25

Mbufo edida anie ndien edomo mi? Ami ndinyuŋ ndi ukem ye anie? Emi edi uyo Edisana Abasi.

JEREMIAH 10:16

koro enye edide andibot kpukpru ŋkpɔ; Israel onyuŋ edi eto udeme esie: Jehovah mme udim edi enyiŋ esie.

JEREMIAH 10:6

Baba ŋkpɔ kiet ibietke fi, O Jehovah; afo omokpon, enyiŋ fo omonyuŋ okpon ke odudu.

DANIEL 9:4

ndien ŋkpe Jehovah Abasi mi ubɔk, nnyuŋ nyarare idiɔk-ŋkpɔ, nnyuŋ ndɔhɔ, nte, Mbɔk, Ɔbɔŋ mi, Akwa Abasi emi enyenede ndik, emi onimde ediomi ye ima ye mmɔ eke emade enye enyuŋ enimde mme ewuhɔ esie.

LUKE 1:72

Nditua mme ete nnyin mbɔm, Ndinyuŋ nti edisana ediomi Esie,

DEUTERONOMY 7:12

Ndien ama ekem, koro mbufo edikpaŋde utɔŋ ke mme item emi, enyuŋ enimde, enyuŋ enamde mmɔ Jehovah Abasi fo eyeda ediomi ye ima emi enye ɔkɔŋwɔŋɔde ɔnɔ mme usɔ, ekpeme ɔnɔ fi:

DEUTERONOMY 7:9

Fiɔk, ndien, ete ke Jehovah Abasi fo edi ata Abasi, Abasi akpaniko emi onimde ediomi ye ima ye mmɔ eke emade enye, enyuŋ enimde mbet esie, ke tɔsin emana;

1 SAMUEL 2:2

Baba kiet isanake nte Jehovah: koro efen miduhe ke mibɔhɔke afo: baba itiat ibietke Abasi nnyin.