1 NDIDEM 8:22 - Edisana ñwed Abasi Ibom

²² Ndien Solomon ada ke iso itie-uwa Jehovah, ke iso ofuri esop Israel, ndien emenere ubɔk esie ke enyɔŋ: onyuŋ ɔdɔhɔ ete,

1 NDIDEM 8:22 ပူးပေါင်းရင်းမြစ်များ

1 NDIDEM 8:54

Edikem adaŋemi Solomon ama akama ofuri akam ye mkpe ubɔk emi ɔnɔ Jehovah, enye adaha ke enyɔŋ ke iso itie-uwa Jehovah, itɔŋɔke aba edɔŋ esie, onyuŋ odop ndimenere ubɔk esie ke enyɔŋ.

2 NDIDEM 11:14

Ndien ke ini enye okutde, sese, edidem ke ada adiana adaha, nte akam esinamde, mme etubom, ye mme andifuri ukorowo enyuŋ ekpere edidem; kpukpru mbio-obio enyuŋ edara, enyuŋ efuri ukorowo. Ndien Athaliah asiak ɔfɔŋ-idem esie, onyuŋ ofiori ete, Odu! Odu!

2 NDIDEM 23:3

Ndien edidem ada adiana adaha, onyuŋ anam ediomi ke iso Jehovah, ete iyetiene Jehovah, inyuŋ inim ibet esie, ye item esie, ye mme ewuhɔ esie, ke ofuri esit, ye ke ofuri ukpɔŋ, inyuŋ inam ikɔ ediomi emi ekewetde ke ŋwed emi. Ndien kpukpru owo eda ke ediomi.

EZRA 9:5

Ekem ke ini uwa mbubreyo, ndaha ke itie mfuhɔ mi; ndien adaŋa emi ŋwaide edisine-ŋkpɔ mi ye ekura mi, ami ntɔŋɔ edɔŋ, nnyuŋ mmenere ubɔk nse Jehovah Abasi mi, nnyuŋ ndɔhɔ nte,

ŊWED JOB 11:13

Edieke afo otimde ndinim esit fo, onyuŋ anyanarede ubɔk fo ɔnɔ enye;

ŊWED MME PSALM 28:2

Kop uyo mkpe-ubɔk mi, ke adaŋemi nsemede nnɔ fi, ke mmenerede ubɔk mi nse edisana ebiet uyo fo.

ŊWED MME PSALM 63:4

Ntreke ndikɔm fi ke uwem mi; nyemenere ubɔk mi ke enyiŋ fo.

EXODUS 33:10

Ndien kpukpru owo ekut obubit enyɔŋ oro, ebiet adaha, adade tent ke enyin-usuŋ, ndien kpukpru owo edaha ke enyɔŋ, enyuŋ eda ke enyin-usuŋ tent mmɔ, enuhɔ.

EXODUS 9:29

Ke adaŋemi nsuk ŋwɔwɔrɔ ŋkpɔŋ obio, nyemenere ubɔk mi nnɔ Jehovah; uyom eyedobo, edim-itiat idinyuŋ iduhe aba; man afo ɔfiɔk nte ererimbot enyenede Jehovah.

EXODUS 9:33

Ndien Moses ɔwɔrɔ ke obio ɔkpɔn Pharaoh, ekemenere ubɔk esie ɔnɔ Jehovah; ndien uyom ye edim-itiat odobo, edim onyuŋ etre ndiduɔt ke isɔŋ.

ISAIAH 1:15

Ndien ke ini mbufo emenerede ubɔk mbufo, ndip mbufo enyin mi: ndien ŋko ke ini mbufo ewakde ndibɔŋ akam, ami ŋkopke: iyip ɔmɔyɔhɔ mbufo ke ubɔk.

1ŊWED TIMOTHY 2:8

Nyom irenowo ndien ebɔŋ akam ke kpukpru ebiet, emenere ndisana ubɔk ke enyɔŋ, ekunyene iyaresit ye eneni.