1 NDIDEM 8:1 - Edisana ñwed Abasi Ibom

¹ EKEM Solomon obon kpukpru mbiowo Israel, ye kpukpru mme etubom mme esien, kpa ikpɔ owo mme ete nditɔ Israel, ke ɔtɔ Solomon edidem ke Jerusalem, man eda ekebe ediomi Jehovah ke obio David, emi edide Zion, edɔk.

1 NDIDEM 8:1 ပူးပေါင်းရင်းမြစ်များ

2 SAMUEL 6:6

Ekem adaŋemi mmɔ esimde ke ebiet ubek ibokpot Nacon, Uzzah anyan ubɔk esie otuk ekebe Abasi, omum enye akama; koro enaŋ oro eyomde ndiduɔk enye.

1 NDIDEM 2:10

Ekem David edide idap ye mme ete esie, onyuŋ ɔbuhɔ ke obio David.

1 NDIDEM 3:15

Ndien Solomon edemere; ndien, sese, ndap ke edi. Ndien enye edi ke Jerusalem, edida ke iso ekebe ediomi Jehovah, onyuŋ etem akamba udia ɔnɔ kpukpru ikɔt esie.

1 CHRONICLES 11:7

Ndien David oduŋ ke ɔkpɔsɔŋ ebiet oro; mmɔdo esiode enye enyiŋ obio David.

1 CHRONICLES 15:25

Ndien David, ye mbiowo Israel, ye mme etubom mme tɔsin eka ekeda ekebe ediomi Jehovah ke ufɔk Obed-edom, edɔk edi ke idara.

1 CHRONICLES 15:29

Edikem adaŋemi ekebe ediomi Jehovah osimde obio David, Michal eyen Saul aŋwan etie ke window ese, onyuŋ okut nte edidem David enekde unek, onyuŋ ebrede mbre; ndien Michal esin enye ke ndek ke esit esie.

1 CHRONICLES 15:3

Ekem David okot ofuri Israel edi ke Jerusalem, man eda ekebe Jehovah edɔk edi ke ebiet esie oro enye okotimde ɔnɔ enye.

1 CHRONICLES 28:1

EKEM David osop kpukpru mbɔŋ Israel, mbɔŋ mme esien ye mbɔŋ mme ŋka, eke esaŋade utom edidem, ye mbɔŋ mme tɔsin, ye mbɔŋ mme ikie, ye mbɔŋ kpukpru inyene ye ufene edidem, ye eke nditɔ esie, ye mme ndidaha, ye mkpɔsɔŋ owo, ye kpukpru mbon-uko, ke Jerusalem.

2 CHRONICLES 30:1

EKEM Hezekiah ɔdɔŋ owo utom ke ofuri Israel ye Judah, onyuŋ ewet ŋwed, ɔnɔ esɔk Ephraim ye Manasseh, ete, Yak mmɔ edi ke ufɔk Jehovah ke Jerusalem, edinim passover enɔ Jehovah Abasi Israel.

EZRA 3:1

EKEM adaŋemi ekemde ke ɔyɔhɔ ɔfiɔŋ itiaba, nditɔ Israel enyuŋ edude ke mme obio mmɔ, kpukpru owo esop idem ke Jerusalem, nte owo kiet.

ŊWED MME PSALM 102:21

Man etaŋa enyiŋ Jehovah ke Zion, etaŋa itoro esie ke Jerusalem;

ŊWED MME PSALM 9:11

Mbufo ekwɔ enɔ Jehovah emi oduŋde ke Zion: etaŋa ese esie ke otu mme idut.

ISAIAH 28:16

Mmɔdo ntem ke Ɔbɔŋ Jehovah ɔdɔhɔ, ete, Sese, ami mmonim itiat ke Zion, itiat eke edomode, ɔsɔŋ-urua itiat inuk, emi etimde esin ke idak ibibene: owo eke ɔbuɔtde idem idinyeneke ndifehe.

ISAIAH 46:13

mmada eti ido nsaŋa ŋkpere; enye idiyomke usuŋ, erinyaŋa mi idinyuŋ ibigike nyenyuŋ nnim erinyaŋa mi ke Zion, nnɔ Israel ubɔŋ mi.

NUMBERS 1:4

Yak owo kiet kiet ke kpukpru esien odu ye mbufo; kpukpru mmɔ emi edide ibuot ufɔk ete mmɔ.

JOSHUA 23:2

Ndien Joshua okot ofuri Israel ye mbiowo mmɔ, ye mme ikpɔ owo mmɔ, ye mme ekpe-ikpe mmɔ, ye mme andidaha mmɔ, edi, ndien ɔdɔhɔ mmɔ, ete, Ami mmakabare nyedi akani, mmonyuŋ nsɔŋ eti-eti:

JOSHUA 24:1

EDIKEM Joshua obon kpukpru esien nditɔ Israel ke Shechem, onyuŋ okot mbiowo Israel, ye ikpɔ owo mmɔ, ye mme ekpe-ikpe mmɔ, ye mme andidaha mmɔ edi; ndien mmɔ edida ke iso Abasi.

1 PETER 2:6

Koro ewet ntem ke Ŋwed Abasi, ete, Sese, mmonim akwa Itiat ke Zion, Edimek Itiat, ɔsɔŋ-urua Itiat inuk; Owo eke ɔbuɔtde idem ye Enye ididiaha but.