1 NDIDEM 7:51 - Edisana ñwed Abasi Ibom

⁵¹ Ntem ke ofuri utom ufɔk Jehovah oro Solomon edidem anamde, okure. Ndien Solomon emen ŋkpɔ oro David ete esie okonimde, esin ke esit; ada silver, ye gold, ye mkpoduoho esin ke ebiet unim-ŋkpɔ ufɔk Jehovah.

1 NDIDEM 7:51 ပူးပေါင်းရင်းမြစ်များ

1 NDIDEM 15:15

Enye onyuŋ emen ŋkpɔ oro ete esie okonimde, ye emi enye ke idem esie okonimde, esin ke ufɔk Jehovah, kpa silver, ye gold, ye mkpoduoho.

1 NDIDEM 6:14

Ntem ke Solomon ɔbɔp ufɔk oro, onyuŋ ama enye.

1 NDIDEM 6:9

Ntem ke enye ɔbɔp ufɔk oro, onyuŋ ama enye: ndien enye ada beam ye obubɔk cedar ɔkɔŋ ufɔk.

2 NDIDEM 25:15

Etubom mbon-ukpeme onyuŋ ada censer, ye mme bowl, eke edide gold, gold, ye eke edide silver, silver.

2 CHRONICLES 5:1

NTEM ke ofuri utom ufɔk Jehovah emi Solomon akanamde okure: ndien Solomon emen edisana ŋkpɔ David ete esie oduk: enye onyuŋ ada silver, ye gold, ye kpukpru mkpoduoho, esin ke ebiet unim-ŋkpɔ uto ufɔk Abasi.

2 CHRONICLES 8:15

Ndien mmɔ ikpɔŋke item emi edidem eketemede mme oku, ye mme Levite, abaŋa kpukpru ŋkpɔ, ye ŋkpɔ-uto.

EZRA 6:15

Ntre ke mmɔ ema ufɔk emi ke ɔyɔhɔ usen ita ke ɔfiɔŋ Adar, emi edide ɔyɔhɔ isua ubɔŋ Darius edidem itiokiet.

EXODUS 40:33

Ndien enye eneŋere okure akan ebiet - iduŋ ye itie - uwa okuk, onyuŋ eyiri ikpehe inua - otop okure oro. Ntre ke Moses anam utom oro ama.

ZECHARIAH 4:9

Ubɔk Zerubbabel emetɔŋɔ ndibɔp ufɔk emi, ubɔk esie eyenyuŋ enam enye ema; ndien afo eyefiɔk ete ke Jehovah mme udim ɔmɔdɔŋ mi utom ke ɔtɔ mbufo.