1 NDIDEM 7:38 - Edisana ñwed Abasi Ibom

³⁸ Ndien enye ada okpoho anam akpaŋkpaŋ duop: akpaŋkpaŋ kiet oduk gallon ikie ita: akpakpaŋ kiet edi ibio-idomo-okuk inaŋ: akpaŋkpaŋ kiet odoro mme udiɔhɔ-ŋkpɔ duop kiet kiet.

1 NDIDEM 7:38 ပူးပေါင်းရင်းမြစ်များ

1 NDIDEM 7:27

Enye onyuŋ ada okpoho anam udiɔhɔ-ŋkpɔ duop; uniɔŋ udiɔhɔ ŋkpɔ kiet edi ibio-idomo-okuk inaŋ, ubom esie edi ibio-idomo-okuk inaŋ, ndien idaha esie edi ibio-idomo-okuk ita.

1 NDIDEM 7:39

Ndien enye ada udiɔhɔ-ŋkpɔ ition ɔdiɔk ke edem ufɔk nnasia. Ɔdiɔk ition ke edem ufɔk ufien: enye onyuŋ ɔdiɔk mkpɔdiɔhɔ-mmɔŋ ke edem ufɔk nnasia, ke edem usiaha-utin, asak iso ese edem usuk-usuk.

EXODUS 30:28

ye ke itie-ufɔp uwa ye kpukpru ŋkpɔ esie, ye ke akpaŋkpaŋ ye ukot esie.

EXODUS 38:8

Enye onyuŋ ada okuriso iban emi esaŋade utom ke enyin-usuŋ efe esop, anam akpaŋkpaŋ ye ukot esie, ke okpoho.

ZECHARIAH 13:1

KE usen oro idim eyesiaha ɔnɔ ufɔk David ye mme andiduŋ Jerusalem, ke eke idiɔk ido ye ke eke ndek.

MME HEBREW 10:22

eyak nnyin isaŋa ikpere ye esit akpanikɔ ke ɔyɔhɔ mbuɔt-idem idem, ye esit eke esimede esio ifiɔk idiɔk-ŋkpɔ efep ye idem eke eyetde ke ata mmɔŋ:

MME HEBREW 9:10

sia mme uwa oro (mmɔ esaŋa ye udia ye eriŋwɔŋ-ŋkpɔ ye nsio-nsio uyere-mmɔŋ) edide enyɔŋ-enyɔŋ ido obukidem, emi enɔde owo enim tutu osim ini eke edidiɔŋde kpukpru ŋkpɔ.

1 JOHN 1:7

edi edieke nnyin isaŋade ke uŋwana, kpa nte Enye odude ke uŋwana, nnyin imoduk nduk ye kiet eken, ndien iyip Jesus Eyen Esie eyet nnyin isana ke kpukpru mme idiɔk-ŋkpɔ.

ERIYARARE 7:14

Ndɔhɔ enye nte, Ɔbɔŋ mi, afo ɔmɔfiɔk. Ekem enye ɔdɔhɔ mi ete, Mmɔ oro edi mmɔ emi eketode ke akwa ukut ewɔŋɔ, ekenyuŋ eyetde ɔfɔŋidem mmɔ enam afia ke iyip Eyen-erɔŋ.