1 NDIDEM 6:5 - Edisana ñwed Abasi Ibom

⁵ Enye onyuŋ ɔbɔp ufɔk enyɔŋ adian ye ibibene ufɔk akan ibibene ufɔk okuk, akan temple ye ubet-etak okuk: ntem ke enye anam ubet-ubet akan okuk.

1 NDIDEM 6:5 ပူးပေါင်းရင်းမြစ်များ

1 NDIDEM 6:16

Enye onyuŋ osibe ibio-idomo-okuk edip ke etak ufɔk ada obukpɔk cedar ɔkɔŋ ke esit ufɔk ɔnɔ enye, ke eke ubetetak, man edi ata edisana ebiet.

1 NDIDEM 6:31

Ndien enye ada eto olive anam itim ɔnɔ usuŋ ubet-etak: lintel, ye obubɔk usuŋ ekem ye ɔyɔhɔ ubak ibibene ition.

1 NDIDEM 6:6

Ndien ubom deck ke isɔŋ edi idomo-okuk ition, ubom eke ufɔt onyuŋ edi ibio-idomo-okuk itiokiet, ubom eke ɔyɔhɔ ita onyuŋ edi ibio-idomo-okuk itiaba: koro enye afarade ibibene ke edem esie akan okuk, man ekusin mme beam ke ibibene ufɔk.

1 CHRONICLES 23:28

koro mmɔ edade ebet nditɔ Aaron, ke erinam ŋkpɔ ufɔk Jehovah, ke okure, ye ke ubet, ye ke erinam kpukpru edisana ŋkpɔ esana, ye ke erinam utom, ye ke erisaŋa ŋkpɔ ufɔk Abasi; ye ke uyo emi ediɔŋde enim,

1 CHRONICLES 28:11

Ndien David ɔnɔ Solomon eyen esie ŋwed etehe, ye eke ufɔk esie, ye eke mme ebiet unim-ŋkpɔ-uto esie, ye eke mme ubet enyɔŋ esie, ye eke mme ubet esit ufɔk esie, ye eke ubet itie-usio-isop:

1 CHRONICLES 9:26

Koro mme mmɔ oro, kpa mme etubom mme etie-usuŋ, edide mbon akpanikɔ, mmɔ edi Levite, mmɔ enyuŋ edi mme etubom ubet ye eke ŋkpɔ uto ufɔk Abasi.

2 CHRONICLES 31:11

Ndien Hezekiah ɔdɔhɔ, ete etim ubet ke ufɔk Jehovah; ndien mmɔ etim, ndien eda enɔ oro,

2 CHRONICLES 4:20

ye mme utuenikaŋ mmɔ, ke oruk mmɔ, man esak ke iso ubet-etak, ke edisana gold:

2 CHRONICLES 5:7

Mme oku enyuŋ eda ekebe ediomi Jehovah eduk ke ebiet esie ke ubet-etak, kpa ata edisana ubet, enim ke idak mba mme cherubim.

2 CHRONICLES 5:9

Mmɔ enyuŋ edudi mme esaŋ ebon, ndien owo ada ke iso ubet-etak okut mbuot esaŋ emi edade esim ke ekebe; edi idaha ke esien ikut mmɔ. Ndien mmɔ edu do tutu osim mfin emi.

NEHEMIAH 10:37

ke nnyin inyuŋ ida akpa edikɔk ibokpot nnyin, ye edimenere uwa nnyin, ye mfri kpukpru oruk eto, ye wine, ye aran, isɔk mme oku ke ubet-unim-ŋkpɔ ufɔk Abasi nnyin; inyuŋ inɔ mme Levite ɔyɔhɔ mbak iŋwaŋ nnyin duop, man mme Levite oro enyuŋ eda ɔyɔhɔ mbak duop ke kpukpru obio eke nnyin inamde utom iŋwaŋ.

NEHEMIAH 12:44

Ndien ke usen oro mmɔ enim owo ke mme etubom ubet-ŋkpɔ-uto, ye edimenere uwa, ye akpa mfri, ye ɔyɔhɔ mbak duop, man eda udeme mme oku ye eke mme Levite, nte ekewukde, ke iŋwaŋ mme obio ebon ke esit: koro idara Judah osimde mme oku ye mme levite emi edade do.

ŊWED MME PSALM 28:2

Kop uyo mkpe-ubɔk mi, ke adaŋemi nsemede nnɔ fi, ke mmenerede ubɔk mi nse edisana ebiet uyo fo.

EXODUS 25:22

Ndien nyesobo ye afo do, nnyuŋ ntie ke enyɔŋ itie usio-isop, ke ufɔt mme cherubim iba emi (edorede) ke enyɔŋ ekebe ŋkpɔ-ntiense, nneme ye afo mbaŋa kpukpru se nditemede fi nnɔ nditɔ Israel.

IKWƆ SOLOMON 1:4

Dudi mi, yak nnyin ibine fi. Edidem ama ada mi oduk ke ubet esie: nnyin iyenem esit, inyuŋ idara fi, iyetoro ima fo ikan wine: mmɔ ema fi nte enende.

JEREMIAH 35:2

Ka ke ufɔk mme Rechabite, nyuŋ neme ye mmɔ, nyuŋ da mmɔ di ke ufɔk Jehovah ke ubet kiet, ndien nɔ mmɔ wine eŋwɔŋ.

JEREMIAH 35:4

ndien nda mmɔ ndi ke ufɔk Jehovah, ke ubet nditɔ Hanan, eyen Igdaliah, owo Abasi, emi odude ke ŋkaŋ ubet mbɔŋ, emi odude ke enyɔŋ ubet Maaseiah eyen Shallum emi ekpemede inua otop.

EZEKIEL 40:17

Ndien enye ada mi aka ke akwa okure, ndien, sese, ubet, ubet, ye deck itiat emi enamde ke okure oro ekan ekuk: ubet edip ye duop edu ke deck itiat oro.

EZEKIEL 40:44

Ndien ke edem inua-otop emi odude ke esit, ubet mme ɔkwɔ-ikwɔ edu ke esa, emi edude ke ŋkaŋ inua-otop edem edere, enyuŋ esede usuk-usuk; kiet onyuŋ odu ke ŋkaŋ inua-otop edem usiaha-utin ese edem edere-edere.

EZEKIEL 41:4

Ndien enye odomo uniɔŋ esie ibio-idomo-okuk edip; ye ubom esie ibio-idomo-okuk edip ke iso temple: ndien enye ɔdɔhɔ mi, ete, Emi edi ata edisana ubet.

LEVITICUS 16:2

ndien Jehovah ɔdɔhɔ Moses, ete, Dɔhɔ Aaron eyen-uka, ete, Enye okuduk kpukpru ini ke edisana ebiet ke edem ukara, ke iso itie-usio-isop, emi odorode ke enyɔŋ ekebe; mbak enye edikpa: koro nyewut idem mi ke cloud ke enyɔŋ itie-usio-isop.

NUMBERS 7:89

Ekem adaŋemi Moses okodukde ke efe esop ndidɔhɔ ye Enye, ndien enye okop uyo andidɔhɔ ye enye otode ke itie usio-isop emi odorode ke ekebe ntiense, ke ufɔt mme cherubim iba: ntem ke enye ɔdɔhɔ ye enye.