1 NDIDEM 6:38 - Edisana ñwed Abasi Ibom

³⁸ ndien ke ɔyɔhɔ isua duope-kiet, ke ɔfiɔŋ Bul (enye edi ɔyɔhɔ ɔfiɔŋ itiaita) mmɔ ema ufɔk, nte kpukpru ŋkpɔ esie edide. Ntem ke enye ada isua itiaba ɔbɔp enye.

1 NDIDEM 6:38 ပူးပေါင်းရင်းမြစ်များ

1 NDIDEM 6:1

EDIKEM ke ɔyɔhɔ isua ikie inaŋ ye anaŋ, nte nditɔ Israel eketo ke isɔŋ Egypt, ke ɔyɔhɔ isua inaŋ, ke ɔfiɔŋ Ziv (oro edi udiana-akpa ɔfiɔŋ), nte Solomon akada ubɔŋ Israel, enye ɔtɔŋɔ ndibɔp ufɔk Jehovah.

1 NDIDEM 6:14

Ntem ke Solomon ɔbɔp ufɔk oro, onyuŋ ama enye.

1 NDIDEM 6:37

Mmɔ etɔŋɔ ndibɔp ufɔk Jehovah ke ɔyɔhɔ isua inaŋ, ke ɔfiɔŋ Ziv:

1 NDIDEM 6:9

Ntem ke enye ɔbɔp ufɔk oro, onyuŋ ama enye: ndien enye ada beam ye obubɔk cedar ɔkɔŋ ufɔk.

1 NDIDEM 7:1

SOLOMON onyuŋ ada isua duopeta ɔbɔp ufɔk esiemɔ; enye onyuŋ ama ofuri ufɔk esie.

1 NDIDEM 9:10

Edikem ke utit isua edip nte Solomon ɔkɔbɔp ufɔk mbiba oro, ufɔk Jehovah, ye ufɔk edidem,

1 CHRONICLES 28:19

(David ete,) Jehovah akasian mi kpukpru mmɔ emi ke ŋwed eke otode enye ke ubɔk, kpa ofuri utom ŋwed oruk emi.

1 CHRONICLES 28:20

Ndien David ɔdɔhɔ Solomon eyen esie, ete, Sɔŋ idem, sɔŋ esit, nyuŋ nam: kufehe, kunyuŋ udikhe: koro Jehovah Abasi, Abasi mi, odude ye afo; enye idimenke fi iduɔk, idinyuŋ ikpɔŋke fi, tutu afo ama ofuri utom usɔ ufɔk Jehovah.

2 CHRONICLES 8:1

EDIKEM ke utit isua edip nte Solomon ɔkɔbɔp ufɔk Jehovah, ye ufɔk esiemɔ,

2 CHRONICLES 8:16

Ntre ke eketim ofuri usɔ Solomon tutu osim usen emi etɔŋɔde ndibɔp ufɔk Jehovah, ye ini emi emade enye, tutu ufɔk Jehovah okure.

EZRA 5:11

Ndien mmɔ ebɔrɔ nnyin ikɔ ntem, ete, Nnyin idi ikɔt Abasi enyɔŋ ye isɔŋ, inyuŋ ibɔp ufɔk emi ekebɔpde toto ko anyan ini, emi akwa edidem Israel kiet ɔkɔbɔpde, onyuŋ ama enye.

EXODUS 39:32

Ntem ke mmɔ ema ofuri utom ebiet-iduŋ efe esop: nditɔ Israel enyuŋ enam kpukpru se Jehovah okowukde Moses, ntem ke mmɔ enam.

EXODUS 39:42

Kpa nte Jehovah eketemede Moses kpukpru, kpa ntre ke nditɔ Israel enam ofuri utom.

EXODUS 39:43

Ndien Moses ese kpukpru utom oro, ndien, sese, ema ekenam enye, kpa nte emi Jehovah eketemede, kpa ntre ke mmɔ ema ekenam enye. Ndien Moses ɔkɔm mmɔ.

ZECHARIAH 4:9

Ubɔk Zerubbabel emetɔŋɔ ndibɔp ufɔk emi, ubɔk esie eyenyuŋ enam enye ema; ndien afo eyefiɔk ete ke Jehovah mme udim ɔmɔdɔŋ mi utom ke ɔtɔ mbufo.

JOHN 2:20

Ntre ke mme Jew ete Enye, Ekada isua aba ye itiokiet ebɔp temple emi; nte Afo eyediɔŋ enye ke usen ita?