1 NDIDEM 5:12 - Edisana ñwed Abasi Ibom

¹² Ndien Jehovah ɔnɔ Solomon eti ibuot, kpa nte Enye ɔkɔdɔhɔde enye: emem onyuŋ odu ke ufɔt Hiram ye Solomon; mmɔ owo mbiba enyuŋ ediomi ediome ŋko ŋko.

1 NDIDEM 5:12 ပူးပေါင်းရင်းမြစ်များ

GENESIS 21:32

mmɔ mbiba eŋwɔŋɔde do. Ntem ke mmɔ ediomi ediomi ke Beersheba: ndien Abimelech adaha ke enyɔŋ, ye Phicol etubom mbon ekɔŋ esie, ndien mmɔ enyɔŋ ke idut mme Philistine.

1 NDIDEM 15:19

Ediomi ke odu ke ufɔt mi ye afo, ye ke ufɔt ete mi ye usɔ: sese, mmɔŋɔ enɔ silver ye gold esɔk fi; di biat ediomi fo ye Baasha edidem Israel, man enye ɔdɔk ɔkpɔŋ mi.

1 NDIDEM 3:12

sese, mmanam ke uyo fo: sese, mmɔnɔ fi esit ifiɔk ye ɔniɔŋ; ndien baba owo kiet eke ebietde fi idinyuŋ itieneke fi edem idaha ida.

1 NDIDEM 4:29

Ndien Abasi ɔnɔ Solomon eti ibuot ye asian eti-eti, ye ɔniɔŋ esit, nte ntan emi odude ke mben inyaŋ.

1 NDIDEM 5:13

Ndien edidem Solomon ɔbɔ ofuri Israel mbon-utom; mbon-utom oro enyuŋ edi tɔsin owo edip ye duop.

2 CHRONICLES 1:12

emenɔ fi eti ibuot ye ifiɔk oro: ami nyenyuŋ nnɔ fi okuk, ye inyene, ye ubɔŋ eke akanam ndidem eke ekebemde fi iso minyeneke ntre, baba kiet eke editienede fi edem idinyuŋ inyeneke ntre.

ŊWED MME PSALM 127:1

KE mibɔhɔke Jehovah ɔbɔp ufɔk, mmɔ eke ebɔpde ekpa utom ikpikpu ke esit: ke mibɔhɔke Jehovah ekpeme obio, andikpeme ataba idap ikpi-kpu.

MME ŊKE 1:1

MME ŊKE Solomon, eyen David, edidem Israel;

ECCLESIASTES 12:9

Ndien ŋko-ŋko, koro Ɔkwɔrɔ-ikɔ edide enyene-ibuot owo, enye osuk ekpep mbio-obio ifiɔk; onyuŋ odomo, onyuŋ ɔduŋɔ, onyuŋ otim ediwak ŋke.

IKWƆ SOLOMON 1:1

ATA akpan ikwɔ emi enyene Solomon.

AMOS 1:9

Ntem ke Jehovah ɔdɔhɔ, ete, Idiɔk ido Tyre ita ye inaŋ iyakke mi ŋkabare enye (ufen) mfep: koro mmɔ ekemende ofuri mbon ntaŋ-mfep eyak enɔ Edom, ndien mitihi ediomi nditɔ-ete.

JAMES 1:5

Edi edieke owo mbufo ekededi ananade eti ibuot, yak enye ebeŋe Abasi, emi ɔnɔde kpukpru owo ke ntarubɔk, minyuŋ itɔhɔke owo; ndien Abasi eyenɔ enye.