1 NDIDEM 5:1 - Edisana ñwed Abasi Ibom

¹ EKEM Hiram edidem Tyre ɔdɔŋ mme isuŋ esie utom ke ɔtɔ Solomon: koro enye okokopde ete ke ema ekeyet enye aran enim ke edidem ke ibuot ete esie: koro Hiram ekedide ufan David kpukpru ini.

1 NDIDEM 5:1 ပူးပေါင်းရင်းမြစ်များ

GENESIS 15:18

Ke usen oro Jehovah odiomi ediomi ye Abram, ete, Ndada isɔŋ emi nnɔ ubon fo, ɔtɔŋɔde ke akpa Egypt, tutu osim akamba akpa, akpa Euphrates:

2 SAMUEL 5:11

Ekem Hiram edidem Tyre ɔdɔŋ mme isuŋutom etiene David, ye eto cedar, ye mbon-usɔ eto, ye mbon eke esɔide itiat ibibene: ndien mmɔ ebɔp ufɔk enɔ David.

2 SAMUEL 8:10

Ndien Toi ɔdɔŋ Joram eyen esie utom ke ɔtɔ edidem David ete ɔkɔm enye, onyuŋ otoro enye: koro enye akaŋwanade ekɔŋ ye Hadadezer, okonyuŋ asuande enye: koro Hadadezer akam aŋwanade ekɔŋ ye Toi. Ŋkpɔ silver, ye ŋkpɔ gold, ye ŋkpɔ okpoho enyuŋ edu enye (Joram) ke ubɔk:

1 NDIDEM 10:25

Kpukpru mmɔ enyuŋ eda enɔ mmɔ edi, kpa ŋkpɔ silver, ye ŋkpɔ gold, ye edisine-ŋkpɔ, ye ŋkpɔ ekɔŋ, ye ufuɔŋkpɔ, ye horse, ye mule, nte enimde ibat ke isua ke isua.

1 NDIDEM 5:10

Ntem ke Hiram ɔnɔ Solomon kpukpru eto cedar ye eto cypress nte enye oyomde.

1 NDIDEM 5:13

Ndien edidem Solomon ɔbɔ ofuri Israel mbon-utom; mbon-utom oro enyuŋ edi tɔsin owo edip ye duop.

1 CHRONICLES 14:1

EKEM Hiram edidem Tyre ɔdɔŋ mme isuŋ utom ke ɔtɔ David, ye eto cedar, ye mbon-unam-ibibene, ye carpenter, ete ekebɔp ufɔk enɔ enye.

2 CHRONICLES 17:11

Ndusuk mme Philistine ŋko enyuŋ eda enɔ, ye silver utomo, edisɔk Jehoshaphat; mme Arabian nde eda ŋkpri ufene esɔk enye, tɔsin okukim erɔŋ itiaba ye ikie itiaba, ye tɔsin okpo-ebot itiaba ye ikie itiaba.

2 CHRONICLES 2:3

Ndien Solomon ɔdɔŋ ekedɔhɔ Huram, edidem Tyre, ete, kpa nte akanamde ye David ete mi, okonyuŋ ɔnɔde cedar esɔk enye, man ebɔp ufɔk eke oduŋde ke esit enɔ enye.

2 CHRONICLES 9:26

Enye onyuŋ akara kpukpru ndidem, ɔtɔŋɔde ke Akpa tutu osim ke isɔŋ mme Philistine, ye ke adaŋa Egypt.

EZRA 4:20

Mkpɔsɔŋ ndidem ekenyuŋ edu ke Jerusalem, enyuŋ eda ubɔŋ ke ofuri edem akpa emi; mmɔ enyuŋ edia utomo, ye comey, ye utip.

ŊWED MME PSALM 45:12

Ndien adiaha Tyre, kpa mbon-inyene ke otu mbio-obio, eyeda enɔ eyom iso fo.

ŊWED MME PSALM 72:8

Ndien enye eyeda ubɔŋ ɔtɔŋɔde ke inyaŋ kiet tutu osim eken, onyuŋ ɔtɔŋɔde ke akpa tutu osim ke utit isɔŋ.

ŊWED MME PSALM 80:12

Nsinam afo obuŋde enye ɔkɔ, ayak kpukpru mmɔ eke esaŋade ke usuŋ etet enye?

EXODUS 34:24

Koro nyebin mme idut ke iso fo mfep, nnyuŋ nnam mme adaŋa fo etara: ndien baba owo kiet idiyomke isɔŋ fo, ke ini afo edidɔkde ndiwut Jehovah Abasi fo idem, utim ikata ke isua.

ISAIAH 23:1

UYO Abasi emi abaŋa Tyre. Mbufo ubom mbakara Tarshish etuaŋa: koro enye abiarade, ufɔk iduhe, eriduk iduhe: etie ke isɔŋ Kittim eyarare emi enɔ mmɔ.

EZEKIEL 19:11

Ndien enye enyene ɔkpɔsɔŋ esaŋ emi edade enam mmɔnyɔ mbɔŋ; idaha esie onyuŋ okoŋ ke otu edibaŋ ŋkɔk, ndien idaha esie ye ediwak ŋkɔk esie esin ekut enye.

AMOS 1:9

Ntem ke Jehovah ɔdɔhɔ, ete, Idiɔk ido Tyre ita ye inaŋ iyakke mi ŋkabare enye (ufen) mfep: koro mmɔ ekemende ofuri mbon ntaŋ-mfep eyak enɔ Edom, ndien mitihi ediomi nditɔ-ete.

NUMBERS 24:7

Mmɔŋ eyeto ke mme abaŋ esie ɔduɔ, ubon esie onyuŋ odu ke mben ediwak mmɔŋ; edidem esie eyenyuŋ oforo akan Agag, ubɔŋ esie eyenyuŋ okpon.

LUKE 7:5

Owo oro odot nte Afo akpanamde ŋkpɔ emi ɔnɔ enye; koro enye amade obio nnyin, okonyuŋ ɔbɔpde synagogue ɔnɔ nnyin.

DEUTERONOMY 20:11

Ndien ama ekem, enye ama ɔbɔrɔ fi ibɔrɔ emem, onyuŋ osio usuŋ ɔnɔ fi, ndien ama ekem, kpukpru owo eke edikutde ke esit eyekabare edi mbon utomo fo, enyuŋ enam ŋkpɔ enɔ fi.

1 SAMUEL 10:27

Ndien mme oburobut owo edɔhɔ ete, Owo emi edida nso inyaŋa nnyin? Ndien mmɔ esin enye ke ndek, inyuŋ idaha enɔ isɔk enye. Edi enye odop uyo.