1 NDIDEM 4:29 - Edisana ñwed Abasi Ibom

²⁹ Ndien Abasi ɔnɔ Solomon eti ibuot ye asian eti-eti, ye ɔniɔŋ esit, nte ntan emi odude ke mben inyaŋ.

1 NDIDEM 4:29 ပူးပေါင်းရင်းမြစ်များ

GENESIS 41:49

Ndien Joseph obon ibokpot nte ntan inyaŋ, ediwak eti-eti, tutu etre ndibat; koro akande ibat.

1 NDIDEM 3:12

sese, mmanam ke uyo fo: sese, mmɔnɔ fi esit ifiɔk ye ɔniɔŋ; ndien baba owo kiet eke ebietde fi idinyuŋ itieneke fi edem idaha ida.

1 NDIDEM 3:28

Ekem ofuri Israel ekop ikpe oro edidem ekekpede; ndien mmɔ eteŋe edidem; koro ekutde ete ke ifiɔk Abasi odu enye ke esit, ke erikpe ikpe.

1 NDIDEM 4:20

Judah ye Israel ekewak, nte ntan emi odude ke mben inyaŋ ke uwak, ke edia ŋkpɔ, enyuŋ eŋwɔŋ, enyuŋ edaresit.

ŊWED MME PSALM 119:32

Nyefehe ke usuŋ mbet fo, koro afo eyeŋwaŋa mi esit.

ŊWED MME PSALM 119:34

Tim sian mi, ndien nyekpeme ido fo; nnyuŋ nnim enye ke ofuri esit mi.

MME ŊKE 2:6

Koro Jehovah enyene eti ibuot; ifiɔk ye mbufiɔk eto enye ke inua.

ECCLESIASTES 1:16

Ami ŋkɔdɔhɔ ke esit mi, nte Sese, mmokpon, nnyuŋ ŋkɔ mbufiɔk ŋkan kpukpru mmɔ emi ebemde mi iso ekara Jerusalem: esit mi onyuŋ okut ata ediwak mbufiɔk ye ifiɔk.

ECCLESIASTES 2:26

Koro enye (Abasi) adade eti-ibuot, ye ifiɔk, ye idaresit, ɔnɔ owo eke ɔfɔnde enye ke iso: edi ama edi idiɔk owo, Enye ɔnɔ enye utom ete ɔkɔ, onyuŋ obon, man ada ɔnɔ owo eke ɔfɔnde Abasi ke iso. Emi onyuŋ edi ikpikpu ye idomo eke miwɔrɔke usuŋ.

ISAIAH 60:5

Ndien afo eyekut, onyuŋ atara idem, esit eyenyuŋ ebre, onyuŋ aŋwaŋa fi: koro inyene inyaŋ eyekabare etiene fi, odudu mme idut eyedi ke ɔtɔ fo.

JEREMIAH 33:22

Kpa nte emi mikemeke ndibat me udim enyɔŋ, minyuŋ ikemeke ndidomo ntan inyaŋ; kpa ntre ke ndinam ubon David, owo mi, ye mme Levite emi esaŋade utom enɔ mi, ewak.

DANIEL 2:21

enye onyuŋ ɔkpuhɔre ini ye mme isua, ke emen ndidem efep, onyuŋ onim ndidem ke itie: ke ɔnɔ mbon-ɔniɔŋ eti ibuot, onyuŋ ɔnɔ mme asian ifiɔk.

HABAKKUK 1:9

Kpukpru mmɔ edi ndinam afai: akwa otu iso mmɔ eneŋere ese; ndien mmɔ eyetaŋ mbuot-ekɔŋ nte ntan.

JAMES 1:17

Kpukpru eti erinɔ ye kpukpru enɔ eke efɔnde ema eto ke enyɔŋ, eto ke ubɔk Ete mme uŋwana esuhɔre edi; emi mikemeke ndikpuhɔre, ukpuhɔre itie minyuŋ ikemeke ndimen Enye nsin ke mfut.

JAMES 1:5

Edi edieke owo mbufo ekededi ananade eti ibuot, yak enye ebeŋe Abasi, emi ɔnɔde kpukpru owo ke ntarubɔk, minyuŋ itɔhɔke owo; ndien Abasi eyenɔ enye.

JAMES 3:17

Edi eti ibuot emi otode ke enyɔŋ edi edisana ke mbemiso, onyuŋ etie emem-emem, onyuŋ eme ime, awara ndikop mkpe-ubɔk, onyuŋ ɔyɔhɔ ye mbɔm ye nti mfri; edi se itode ofuri esit, ye se minyeneke mbubik.

JUDGES 7:12

Ndien Midian, ye Amalek, ye kpukpru nditɔ edem usiaha-utin ena efuk etihere nte ŋkukuŋkpɔyɔriyɔ ke uwak; ndien mme camel mmɔ enana ibat, nte ntan ke mben inyaŋ ke uwak.